2 Akorintho 1:4 - Digo Bible

⁴ Iye nkuhuphoza maroho wakati wa tabu zehu zosi, ili naswi huweze kuphoza maroho ayawehu ario na tabu, dza vira hurivyophozwa maroho ni Mlungu.

2 Akorintho 1:4 ပူးပေါင်းရင်းမြစ်များ

Zaburi 32:5

Nákubali makosa gangu mberezo wala siyafwitsa uyi wangu. Náamba, “Ndakubali makosa gangu mbere za Mwenyezi Mlungu,” nawe uchiniswamehe dambi zangu.

Zaburi 32:7

Kpwako uwe nina phatu pha kudzifwitsa unanirinda nsiphahe tabu ukanizunguluka na kululu za atu ahamirwao ni kukombolwa kpwangu.

Zaburi 66:16

Mwimwi mosi muogophao Mlungu ndzoni mumphundze, nami ndakusemurirani achigonihendera.

Zaburi 86:17

Nionyesa ishara ya unonoo ili hinyo anaonizira aone na agbwirwe ni haya mana uwe Mwenyezi Mlungu ukaniterya na kuniphoza marenda.

Isaya 12:1

Wakati hinyo undaamba, “Uwe Mwenyezi Mlungu nindakushukuru mana dzagbwe wanitsukirirwa tsukizizo zikadigirika nawe ukanihuriza moyo.

Isaya 40:1

Mlungu wenu anaamba, “Aphozeni marenda atu angu, aphozeni marenda.

Isaya 49:10

Taandakala na ndzala wala chiru, taandapigbwa ni dzuwa ra weruni, mana iye aaoneraye mbazi, andaalongoza, kanda-kanda za vidzuho vya madzi.

Isaya 51:12

“Mimi ndimi ninaye kuphozani marenda. Kpwa utu wani mumuogophe mwanadamu ambaye andafwa na aole dza nyasi?

Isaya 51:3

Mana Mwenyezi Mlungu andaphoza marenda mudzi wa Sayuni, na chila phatu phokala gandzo, na andahenda weru wa mudzi hinyo ukale dza bustani ya Edeni, na jangbware rikale dza munda wa Mwenyezi Mlungu. Atu a himo andahererwa na kuhamirwa, sauti za shukurani na kuimba zindasikirwa kula mumo.

Isaya 52:9

Kotani kululu phamwenga kpwa kuhererwa mwimwi magandzo ga Jerusalemu, kpwa kukala Mwenyezi Mlungu akaphoza marenda atue, akakombola mudzi wa Jerusalemu.

Johana 14:16

Nami nindamvoya Baba, naye andakuphani Msaidizi wanjina, ambaye andasagala namwi hata kare na kare.

Johana 14:18

“Sindakurichani machiyenu dza anachiya, mana nindakuuyirani.

Johana 14:26

Ela Mlungu andamuhuma Msaidizi ariye ni Roho Mtakatifu, edze aniwakilishe. Naye Msaidizi andakpwedza akufundzeni mambo gosi na akutambukizeni gosi nrigokuambirani.

2 Akorintho 7:13

Na kpwa sababu hiyo, swiswi hwatiywa moyo. Phahi, zaidi ya kutiywa moyo, hwaonato sana huriphosikira vira murivyomuhenda Tito ahererwe kpwa kumuusira wasiwasiwe ariokala nao.

2 Akorintho 7:4

Nakuaminini kabisa-kabisa, tsona nina ngulu kpwa sababu yenu. Dzagbwe hwakala na tabu chila phatu, ela nikatiywa moyo sana nami nina raha ya kutsapa mphaka.

Afilipi 1:14

Kufungbwa kpwangu kukaahenda afuasi anji a Jesu azidi kumkuluphira, na anainjira nguvu zaidi kutangaza chilume ujumbe wa Mlungu.

1 Athesalonike 4:18

Kpwa hivyo, atiyeni moyo ayawenu na maneno higa.

1 Athesalonike 5:11

Phahi tiyanani mioyo na mteryane dza muhendavyo sambi ili muweze kumkuluphira Mlungu zaidi.

Aeburania 12:12

Kpwa hivyo msigbwire rejereje, gbwirani mdinise. Richani kukakamwa ni magulu ili muime vinono.