2 Afalume 5:23 - Digo Bible

²³ Naamani waamba; “Kala razi kuphokera talanta mbiri za feza.” Wamsii, chisha achimfungira talanta mbiri za feza kpwenye mifuko miiri, na nguwo nono mbiri, achiapha ahendadzi-kazie airi na achialagiza amtsukurire Gehazi.

2 Afalume 5:23 ပူးပေါင်းရင်းမြစ်များ

Mwandzo 33:11

Nakuvoya uphokere zawadi chizokurehera, mana Mlungu wanionera mbazi na achinipha chila chitu nilondacho.” Jakobo waenderera kumshurutisha Esau hadi achikubali.

1 Afalume 20:7

Ndipho Ahabu mfalume wa Iziraeli achiaiha vilongozi osi a tsi, achiaambira, “Munamuona yuno, mutu hiyu analonda kuhurehera tabu! Kpwandza akalagiza kukala analonda akazangu, anangu, zahabu na feza yangu. Nami sikamkahaza!”

2 Afalume 12:10

Chila mara ariphoona kukala kuna feza nyinji ndani ya sanduku, muandishi wa mfalume na mlavyadzi-sadaka mkpwulu ainjira na kuolanga feza yosi iriyophahikana ndani ya nyumba ya Mwenyezi Mlungu na kuzifunga mifukoni.

2 Afalume 2:17

Ela nyo amsisitiza sana hadi achiona haya, achiaambira, “Ahumeni.” Hivyo achiahuma atu mirongo mitsano, aphiya achendamuendza chila phatu kpwa muda wa siku tahu nao taayamuona.

2 Afalume 5:16

Ela Elisha waamba; “Viratu Mwenyezi Mlungu, ye ambaye mino namuhumikira, aishivyo, sindaphokera zawadi yoyosi.” Naamani wamʼbembeleza ahale, ela Elisha warema tsetsetse.

2 Afalume 5:5

Naye mfalume wa Aramu achimuamba; “Haya phahi phiya, ni ndamphirikira baruwa mfalume wa Iziraeli.” Hipho Naamani waphiya, achitsukula talanta kumi za feza, vipande elufu sita vya zahabu na mavwazi kumi manono.

2 Afalume 6:3

Mmwenga wao wamvoya achiamba; “hunakuvoya ukubali kuphiya phamwenga na ahumwao.” Naye wajibu achiamba; “Ndaphiya namwi.”

Isaya 30:6

Higa ni maneno kuhusu nyama a tsakani ario tsi ya kugbwa, mwakani mwa Juda: Ahumwa enu nkutsupira tsi ya tabu na ziki tsi ambayo nkutuluka simba achetu na simba alume, mabafwe na nyoka siru za kuuruka. Nkutsukula mali zao dzulu ya punda na ngamia akaziphirika kpwa atu asioweza kuterya,

Luka 11:54

ili kulola ichikala andagomba maneno ambago sigo, kpwa amgbwire.