2 Afalume 4:6 - Digo Bible

⁶ Iriphoodzala yosi, wamuambira mwanawe mmwenga, “Nrehera mwiyo wanjina.” Mwanawe wamjibu achiamba, “Yosi ikaodzala!” Hipho mafuha gachisika kutuluka.

2 Afalume 4:6 ပူးပေါင်းရင်းမြစ်များ

1 Afalume 17:14

Kpwa kukala, Mwenyezi Mlungu, Mlungu wa Iziraeli, anaamba, ‘Unga urio ndani ya nyunguyo taundaphunguka wala mafuha garigo ndani ya tupa tagandasira, hadi phara mimi Mwenyezi Mlungu ndiphoreha mvula dzulu ya tsi.’ ”

2 Afalume 13:19

Ye mutu wa Mlungu wareya sana, achimuambira mfalume, “Ungelatsa kano tsano au sita hivi, hipho ungeaangamiza Aaramu tsetsetse. Ela sambi undaashinda kano tahu tu.”

2 Afalume 4:5

Phahi waphiya na kudzifungira ndani ya nyumba na anae. Nao anae achikala anamrehera miyo naye achikala anamimina mafuha ndani ya miyo hiyo.

Mathayo 13:58

Jesu wahenda vilinje vichache phatu hipho, kpwa sababu ya kusakuluphira kpwao.

Mathayo 14:20

Atu osi arya kumvuna. Chisha anafundzie achitsola-tsola masaza goodzaza kaphu kumi na mbiri.

Mathayo 15:37

Atu osi achirya kumvuna. Bada ya kurya anafundzie achitsola-tsola masaza goodzaza mabweko sabaa.

Mathayo 9:29

Ndipho Jesu achiaguta matso, kuno anaamba, “Navikale kulengana na kuluphiro renu.”

Luka 6:19

Atu osi kala achiaza kumguta, mana nguvu kala zichimtuluka zikaaphoza osi.

Johana 6:12

Hinyo atu ariphokala akarya na kumvuna, Jesu waambira anafundzie, “Tsolani-tsolani masaza gosi, ili husibanange chakurya.”

Joshuwa 5:12

Siku ya phiri bada ya kurya mavuno ga yo tsi, chakurya cha manna chasika, ela Aiziraeli achikala anarya mavuno ga tsi ya Kanani mwaka uho.