2 Afalume 17:4 - Digo Bible

⁴ Ela wakati mmwenga mfalume wa Ashuru waona uasi wa Hoshea. Mana Hoshea wahuma ajumbe kpwa mfalume So wa Misiri kpwendavoya msada, na chisha achiricha kuripha hira kodi ya chila mwaka kpwa mfalume Shalimanesa wa Ashuru. Shalimanesa ariphoona hivi wamfunga Hoshea na achimtiya jela.

2 Afalume 17:4 ပူးပေါင်းရင်းမြစ်များ

2 Afalume 17:3

Mfalume Shalimanesa wa Ashuru wakpwendamvamia, naye Hoshea achidziika tsini ya utawala wa mfalume wa Ashuru na achimripha kodi.

2 Afalume 17:5

Tsona mfalume wa Ashuru washambuliya tsi ndzima na kuufikira mudzi wa Samariya na achiuzangira kpwa muda wa miaka mihahu.

2 Afalume 18:21

Namanya ukakuluphira Misiri, iyo ni dza mridza wa nyasi uchiovundzika. Utu ambao undamdunga mkpwono yeyesi ndiyeujejemera. Hivyo ndivyo arivyo Farao mfalume wa Misiri kpwa osi anaomkuluphira.’

2 Afalume 24:1

Wakati Jehoyakimu anatawala, Nebukadineza mfalume wa Babeli waambuka achendashambuliya tsi ya Juda. Jehoyakimu wamuhumikira kpwa miaka mihahu, halafu achimgalukira, na achimuasi.

2 Afalume 24:20

Mwenyezi Mlungu waareyera sana atu a Jerusalemu na Juda hata achiazola mbereze, ndiyo mana mambo ga kuogofya gahendeka kuko. Zedekiya wamuasi mfalume wa Babeli.

2 Afalume 25:7

Halafu achiolaga anae mbereze, ye mwenye achimuombola matso, chisha achimfunga silisili za shaba, achimphirika Babeli.

2 Nyakati 32:11

Dze, siye Hezekiya anayeatongeya ili mufwe na ndzala na chiru, achikuambirani, “Mwenyezi Mlungu, Mlungu wehu andahutivya na mkpwono wa mfalume wa Ashuru?”

Hosea 10:4

Anadzigombera maneno mahuphu na kuapa handzo, na kuika vilagane asivyovitimiza ndiyo mana malau ganaenjerezeka dza kpwekpwe ya mwambanyama kpwenye munda.

Hosea 12:2

Mwenyezi Mlungu ana lau na Juda. Andamtiya adabu Jakobo kulengana na tabiyaze na kumripha kulengana na mahendoge.

Hosea 13:10

A kuphi ye mfalume akutivye? Na nyo vilongozio kahi ya yo midziyo yosi akuphi akukanire? Aho murioalonda mchiamba, “Huphe mfalume na vilongozi.”

Hosea 8:10

Dzagbwe adziguza kpwa mataifa ganjina ili aphahe msada vivi nindaakusanya phamwenga. Nao andaandza kuphunguka kpwa kuonerwa ni mfalume mkpwulu.

Kumbukumbu 28:36

“Mwenyezi Mlungu andakuphirika uwe na mfalumeo ndiyedzitsamburira, kpwenye taifa usirorimanya uwe wala akareo. Na hiko mundahumikira milungu yanjina ya mihi na mawe.