1 Nyakati 16:10 - Digo Bible

¹⁰ Hendani ngulu kpwa sababu ya dzinare takatifu. Hinyo amuogophao Mwenyezi Mlungu naahererwe.

1 Nyakati 16:10 ပူးပေါင်းရင်းမြစ်များ

1 Nyakati 16:11

Muendzeni Mwenyezi Mlungu na nguvuze chila wakati londani kukala aripho iye.

1 Nyakati 16:9

Muimbireni, imbani mawira ga kumtogola. Semurirani mahendoge gosi ga ajabu.

1 Nyakati 22:19

Phahi tiyani nia na moyo wa kulonda kumanya mendzwa ya Mwenyezi Mlungu, Mlungu wenu. Phahi andzani kumdzengera Mwenyezi Mlungu phatu phatakatifu, ili mrehe sanduku ra chilagane ra Mwenyezi Mlungu na miyo mitakatifu ya Mlungu ndani ya nyumba ndiyo dzengbwa kpwa kuishimu dzina ra Mwenyezi Mlungu.”

1 Nyakati 28:9

Daudi waenderera kugomba achiamba, “Uwe mwanangu Selemani, manya Mlungu wa sowe, umuhumikire na moyoo wosi na ummendze kpwa achilizo zosi. Mana Mwenyezi Mlungu anaelewa mioyo yosi na anamanya mipango yosi na maazo gosi. Uchimuendza andakujibu, ela uchimpaza andakupuza hata kare na kare.

2 Nyakati 15:15

Atu osi a Juda ahererwa kpwa kuapa chirapho hicho, kpwa kukala aapa kpwa mioyo yao yosi. Nao amuendza Mwenyezi Mlungu kpwa kumendza kpwao enye na achimphaha. Mwenyezi Mlungu waahenda akale na amani na aviha aho a chila uphande.

Zaburi 22:27

Atu a dunia ndzima andatambukira na amgalukire Mwenyezi Mlungu. Yani atu a makabila ganjina gosi duniani andaabudu mbereze.

Zaburi 34:2

Nindadzikarya kpwa go ambago Mwenyezi Mlungu akahenda, osi agayao naasikire na ahererwe!

Zaburi 34:3

Ayangu, nahumupheni nguma Mwenyezi Mlungu nahutogole dzinare phamwenga.

Misemo 8:17

Ninaamendza hara animendzao na hara aniendzao kpwa chadi andaniphaha.

Isaya 45:19

Sigombere chisiri-siri wala kpwenye tsi ya jiza, nisingeambira chivyazi cha Jakobo, aniendze kalapho siphahikana. Mimi Mwenyezi Mlungu nagomba kpweli, ninagomba mambo ga haki.

Isaya 45:25

Chivyazi chosi cha Iziraeli chindakala cha enye haki nao andamtogola Mwenyezi Mlungu.”

Jeremia 29:13

Mndiphoniendza na mioyo yenu yosi mundaniona.