1 Nyakati 11:5 - Digo Bible

⁵ Na hinyo enyezi a Jebusi achimuamba Daudi, “Mumu kundainjira bii.” Ela hata hivyo Daudi waiteka yo ngome ya Sayuni, yani mudzi wa Daudi.

1 Nyakati 11:5 ပူးပေါင်းရင်းမြစ်များ

2 Samueli 5:9

Phahi Daudi wasagala mumo ngomeni, ndiyo mana uchiihwa Mudzi wa Daudi. Chisha Daudi achidzenga hinyo mudzi kuuzunguluka, kuandzira Milo kuphiya ndani.

2 Samueli 6:10

Phahi Daudi kayalonda kureha sanduku ra Mwenyezi Mlungu ili aphiye naro kpwakpwe, Mudzi wa Daudi, ela wariricha nyumbani mwa Obedi-Edomu, kula Gathi.

2 Samueli 6:12

Chisha mfalume Daudi waambirwa kukala, “Mwenyezi Mlungu akaabariki atu osi a kaya ya Obedi-Edomu na vyosi arivyokala navyo kpwa ajili ya sanduku ra Mlungu.” Ndipho Daudi achiphiya na achendarihala ro sanduku ra Mlungu kula kpwa Obedi-Edomu kuno akahererwa hadi Mudzi wa Daudi.

1 Afalume 8:1

Phahi, mfalume Selemani waakusanya mbereze hiko Jerusalemu atumia a Iziraeli na vilongozi osi a mbari na akulu a nyumba za Aiziraeli ili ashuhudiye kutuluzwa Sanduku ra Chilagane ra Mwenyezi Mlungu kula Sayuni, mudzi wa Daudi.

1 Nyakati 11:4

Bada ya higo Daudi na Aiziraeli osi aphiya Jerusalemu, yani Jebusi. Ajebusi ndio ariokala achisagala mumo.

1 Nyakati 11:6

Naye Daudi kala akaamba, “Yeyesi ndiye kala wa kpwandza kuapiga Ajebusi andakala mkpwulu wa majeshi.” Ndipho Joabu mwana wa Seruya, achikala wa kpwandza kpwendapigana, naye achikala mkpwulu wa majeshi.

1 Nyakati 11:7

Phahi Daudi wasagala mumo ngomeni ndiyo mana uchiihwa mudzi wa Daudi.

2 Nyakati 5:2

Phahi Selemani achiaiha phamwenga atumia osi a Iziraeli na vilongozi osi a mbari za Iziraeli na akulu a mbari zao hiko Jerusalemu, ili arirehe sanduku ra chilagane ra Mwenyezi Mlungu kula Sayuni, mudzi wa Daudi.

Zaburi 122:5

Hiko ndiko kuriko na vihi vya uamuli vihi vya utawala vya chivyazi cha Daudi.

Zaburi 132:13

Mana Mwenyezi Mlungu akatsambula Sayuni phakale makaloge:

Zaburi 2:6

“Mimi nkatawaza Mfalume nriyemtsambula, anatawala kula Sayuni, mwango wangu mtakatifu!”

Zaburi 48:2

Ni mure na ni mnono atu a dunia yosi awoonapho anahamirwa. Mwango wa Sayuni, mudzi wa Mfalume mkpwulu, ni dza virere vya mwango Zafoni.

Zaburi 78:68

Badalaye watsambula mbari ya Juda, Mwango wa Sayuni, anaoumendza.

Zaburi 87:2

Mwenyezi Mlungu anamendza maryango ga Sayuni, kuriko makalo gosi ga Jakobo.

Zaburi 87:5

Na kuhusu Sayuni atu andaamba “Hiyu na yuya avyalwa mumo, mana Iye Ariye Dzulu Kuriko Vyosi andauimarisha.”

Zaburi 9:11

Muimbireni mawira ga kumtogola Mwenyezi Mlungu atawalaye ko Sayuni! Atangazireni atu a mataifa mahendoge.

Arumi 9:33

Dziwe riro ndiro rihadzwaro ni Maandiko gaambago: “Lolani, hiko mudzi wa Sayuni ninaika dziwe, ambaro atu andarikpwala na mwamba ambao undahenda atu agbwe. Ela mutu yeyesi ndiyekuluphira hiye mutu ambaye ni hiro dziwe, kandaphaha waibu hata chidide!”

Aeburania 12:22

Ela mwimwi mkafika Mwango wa Sayuni ambako ni Jerusalemu ya mlunguni. Hinyu ni mudzi wa Mlungu ariye moyo, nako kuna maelufu na maelufu ga malaika anasherekeya.

Maono 14:1

Chisha nátsupha matso nchiona Mwana ngʼondzi aimire dzulu ya Mwango wa Sayuni phamwenga na atu laki mwenga elufu mirongo mine na ne. Aho kala akaandikpwa dzina ra Mwana ngʼondzi na ra Ise vilanguni.

Aamuli 19:10

Ela yuya mutu warema kubaki usiku uho, achiandza charo achiphiya hadi achifika phatu phololana na Jebusi yani Jerusalemu, iye phamwenga na pundae ariohandikpwa nguwo za kusagarira phamwenga na mwanachetuwe.

1 Samueli 17:26

Daudi wauza atu ariokala aimire phephi naye achiamba, “Ye mutu ndiyemuolaga hiyu Mfilisti na kuausira Aiziraeli waibu mukaamba andahewani? Kpwani Mfilisti hiyu asiyedekpwa ni ani hata ahendere chibako majeshi ga Mlungu ariye moyo?”

1 Samueli 17:36

Mtumishio naajaliwa kuolaga simba na dubu na hiyu Mfilisti asiyedekpwa andakala dza mmwenga wao, kpwa sababu akalaphiza majeshi ga Mlungu ariye moyo.