1 Johana 3:22 - Digo Bible

²² Naswi hunaweza kuvoya Mlungu chochosi, na akahupha kpwa sababu hunalunga malagizoge na kuhenda mambo gamhamirago.

1 Johana 3:22 ပူးပေါင်းရင်းမြစ်များ

Ayubu 22:26

phahi undahererwa ndani ya iye Mwenye Nguvu Zosi, na kuunula usoo kpwa Mlungu.

Zaburi 10:17

Ee Mwenyezi Mlungu undaphundza mavoyo ga anyenyekevu, uatiye moyo na usikire chiriro chao,

Zaburi 34:4

Mino námvoya Mwenyezi Mlungu, na achinijibu, achinikombola na gosi nrigokala ni muoga nago.

Zaburi 50:15

alafu nivoya napho ukafikpwa ni shida, nindakukombola nawe undanitogola!”

Misemo 15:29

Mwenyezi Mlungu a kure na atu ayi, ela anaphundza mavoyo ga enye haki.

Misemo 28:9

Mutu akahalaye kusikira shariya hata mavoyoge ganatsukiza Mlungu.

Isaya 1:15

Ndiphounula mikono yenu kunivoya, nindalola kanda. Hata mkavoya mavoyo manji sindakuphundzani mana mikono yenu i tele milatso.

Jeremia 33:3

Niiha nami ndaihika, nami ndakuonyesa mambo makulu garigofwitsika ambago kudzangbwegamanya.

Mathayo 17:5

Wakati acheregomba, kpwatserera ingu dzereru richiafwinika na kuchituluka sauti kula mo inguni ichiamba, “Hiyu ni mwanangu, nammendza naye ananihamira sana. Muogopheni!”

Mathayo 21:22

Namwi mchikuluphira, mundaphokera chochosi mundichomvoya Mlungu.”

Mariko 11:24

Kpwa hivyo, nakuambirani chochosi ndichomvoya Mlungu, kuluphirani kukala mkachiphokera, namwi mundachiphaha.

Johana 14:13

Na rorosi mndirovoya kpwa uwezo wangu, nindarihenda, ili ukulu wa Baba uonyeswe wazi kutsupira mimi mwanawe.

Johana 15:10

Mimi nagbwira malagizo ga Baba, naye anaenderera kunimendza. Vivyo hivyo, namwi mchigbwira malagizo gangu, mundaenderera kuona mendzwa yangu.

Johana 15:7

“Mchigbwirana nami, na maneno gangu gachisala mwenu mioyoni, voyani chochosi mlondacho namwi mundaphaha.

Johana 6:29

Achiambwa, “Mlungu analonda mumuamini hiye ariyemuhuma.”

Johana 8:29

Naye ariyenihuma a phamwenga nami. Kadzangbweniricha machiyangu, mana chila wakati nahenda alondago.”

Johana 9:31

Humanyavyo Mlungu kaphundza achina-dambi, ela anaphundza mutu yeyesi amuabuduye na kuhenda gara alondago.

Mahendo 17:30

Mlungu wapuza uzuzu wa anadamu kpwa muda wa kukola, ela sambi analagiza chila mmwenga himu dunia ndzima atubu.

Mahendo 20:21

Náaonya Ayahudi na asiokala Ayahudi ariche dambi na amgalukire Mlungu na amkuluphire Bwana wehu Jesu.

Afilipi 4:18

Kpwa vi sambi enehu, nina chila chitu nilondacho, hata na zaidi. Mana náphaha vitu vyosi virivyorehwa ni Epafrodito kula kpwenu. Vitu hivyo ni dza sadaka ya kunukato, ambayo Mlungu anaikubali na inamhamira.

Akolosai 1:10

Phahi mundadziishimu dza atu a Mlungu alondwavyo kukala. Namwi mundaenderera kuhenda chila aina ya mahendo manono, na piya mundaenderera kummanya Mlungu vinono zaidi.

Jakobo 1:5

Myawenu yeyesi achikosa marifwa, ni lazima avoye Mlungu, naye andahewa. Mana Mlungu ndiye alavyaye kpwa chila mutu moyo kutsuka tsona na mbazi.

Jakobo 4:3

Na hata mchivoya piya tamphaha, kpwa sababu tamuvoya na nia nono, tsona munavoya vitu ambavyo ni vya kukustareheshani mwi enye.

Jakobo 5:16

Kpwa hivyo chila mmwenga naaseme dambize kpwa myawe na mvoyerane ili muweze kuphozwa makongo genu. Mavoyo ga mutu wa haki gana nguvu sana na ganahenda kazi.

1 Johana 2:3

Huchilunga malagizo ga Mlungu ndipho hundamanya kpwa kpweli hunammanya.

1 Johana 5:14

Naswi huna hakika kala huchimvoya Mlungu chochosi kulengana na alondavyo, andahusikira.