1 Akorintho 14:5 - Digo Bible

⁵ Phahi, nalonda mosi mugombe na luga njeni, ela zaidi naaza mkale na chipawa cha kutabiri. Mana mutu atabiriye ni mkpwulu kuriko hiye agombaye na luga njeni, isiphokala phakale phana mutu wa kutafasiri hinyo ujumbe ili afuasi a Jesu aterywe.

1 Akorintho 14:5 ပူးပေါင်းရင်းမြစ်များ

Mwandzo 30:34

Labani achiamba, “Ni sawa. Nauhende kama uchivyoamba.”

Mariko 16:17

Na Mlungu andaapha hara anikuluphirao uwezo wa kuhenda dalili hizi. Andatuluza pepho kpwa uwezo wangu na andagomba kpwa luga ambazo taazimanya.

Arumi 14:19

Phahi chila wakati nahudinisireni kuhenda mambo garehago amani na ambago ganaterya kuphezana chiroho.

1 Akorintho 12:10

Wanjina nkuhewa chipawa cha kuhenda vilinje, wanjina uwezo wa kutabiri, na wanjina uwezo wa kutafwautisha roho mbali-mbali. Tsona wanjina nkuhewa chipawa cha kugomba na luga njeni, naye wanjina chipawa cha kutafasiri hizo luga.

1 Akorintho 13:1

Phahi nchigomba na luga za anadamu na hata za malaika, ela ichikala sina mendzwa, napiga kululu za bure dza daba huphu ama kengele.

1 Akorintho 13:4

Mendzwa inavumirira, ina mbazi. Mendzwa taina wivu, kudzivuna wala ngulu.

1 Akorintho 14:1

Enehu, mendzanani na muaze sana vipawa vya chiroho, hasa chipawa cha kutabiri.

1 Akorintho 14:17

Hata ichikala mavoyogo ni manono, tagaweza kuterya atu anjina hata chidide.