1 Akorintho 14:31 - Digo Bible

³¹ Mana atu osi anaweza kutabiri kpwa mazuma ili atu osi adzifundze na kutiywa moyo.

1 Akorintho 14:31 ပူးပေါင်းရင်းမြစ်များ

Misemo 1:5

Mwenye busara asikire na aenjereze ilimu, mwenye ikima aphahe mashauri ga kumlongoza.

Misemo 9:9

Mfundze mwenye ikima naye andazidi kukala na ikima, muelimishe mwenye haki naye andaenjereza ilimuye.

Arumi 1:12

Mana ya kuamba hivyo ni mwimwi na mimi huphezane imani zehu za chiroho.

1 Akorintho 14:19

Ela baha nigombe maneno matsano ganagoeleweka ninaphokala phamwenga na afuasi a Jesu, ili niafundze, kuriko kugomba maneno elufu kumi ga luga njeni ambago atu taagaelewa.

1 Akorintho 14:3

Ela mutu anayetabiri anagomba na atu ili kuadzenga chiroho, kuatiya moyo na kuaphoza maroho.

1 Akorintho 14:30

Sambi mmwenga achikala aimire anatabiri, na wanjina asegereye achiphaha maono kula kpwa Mlungu, phahi yuya anayetabiri ni anyamale.

1 Akorintho 14:32

Na wakati mutu anatabiri, ni lazima atawale chipawache cha kutabiri,

1 Akorintho 14:35

Na ichikala mchetu analonda kuuza dzambo rorosi, naakauze mlumewe kaya, mana ni waibu mchetu kugomba mbere za kundi ra afuasi.

2 Akorintho 1:4

Iye nkuhuphoza maroho wakati wa tabu zehu zosi, ili naswi huweze kuphoza maroho ayawehu ario na tabu, dza vira hurivyophozwa maroho ni Mlungu.

Aefeso 6:22

Nami namuhuma kpwa lengo riro, edze akuambireni vira huendereravyo na piya akutiyeni moyo.

Akolosai 2:2

Nahenda hivi ili nikutiyeni moyo na mzidi kumendzana na mkale chitu chimwenga. Piya nalonda mkale na raha sana mana mnamanya kpwa hakika mpango wa siri wa Mlungu, yani kuhusu Jesu ariyehuokola.

1 Athesalonike 4:18

Kpwa hivyo, atiyeni moyo ayawenu na maneno higa.

1 Athesalonike 5:11

Phahi tiyanani mioyo na mteryane dza muhendavyo sambi ili muweze kumkuluphira Mlungu zaidi.

1 Athesalonike 5:14

Enehu, hunakuhimizani mkanye atu avivu na mtiye moyo atu ambao afwa mioyo. Tsona mterye ayawenu ambao taadzangbwephera chiroho na mvumirire atu osi.

1 Athesalonike 5:20

msibere afuasi ayawenu anapholavya ujumbe wa Roho Mtakatifu.