1 Akorintho 11:24 - Digo Bible

²⁴ na bada ya kumshukuru Mlungu, wamega-mega hura mkpwahe na achiamba, “Huno ni mwiri wangu ulaviwao kpwa ajili yenu. Kalani muchihenda hivi ili mkale mchinitambukira.”

1 Akorintho 11:24 ပူးပေါင်းရင်းမြစ်များ

Zaburi 111:4

Akahenda mahendoge ga ajabu gatambukirwe, Mwenyezi Mlungu ana huruma na mbazi.

Zaburi 22:26

Agayi andarya kumvuna. Osi amuendzao Mwenyezi Mlungu andamtogola. Kalani moyo ta kare na kare.

Zaburi 22:29

Matajiri osi duniani andaabudu mbereze, osi ambao nkufwa andachita mavwindi mbereze, osi ambao taaweza kudziika moyo.

Kutsama 12:14

Siku ihi mundakala muchiitambukira, na mundakala muchiisherekeya sikukuu ihi kpwa ajili ya Mwenyezi Mlungu. Mwimwi na vivyazi vyenu mundakala mchisherekeya siku ihi, hiri ni lagizo hata kare na kare.”

Kutsama 28:12

Uchimala kuandika go mawe, gagbwizanye na yo mikowa ya mafuzini mwa cho chisibao, gaimirire ana osi a Iziraeli. Kpwa njira ino, Aruni andakala achireha mwakpwe mafuzini madzina gao mbere za Mwenyezi Mlungu, nago gandakala gachinitambukiza atu angu siku zosi.

Misemo 9:5

“Ndzo urye chakurya changu, na unwe uchi wa zabibu nchiotengeza.

Wira wa Selemani 1:4

Nigbwira mkpwono huhende wangbwi! Mfalume akaniphirika kpwakpwe chumbani. Hunahererwa kpwa ajili yenu huna raha kpwa sababuyo ee, mfalume kpwa kpweli mendzwayo i mtswano kutsupa uchi wa zabibu. Ni sawa asichana kukumendza.

Wira wa Selemani 5:1

Nredza kpwangu mundani, mwenehu mchetu, wende wangu. Nikakusanya manemane phamwenga na vilungo vyangu, nikarya phalala ra asali yangu ya mtswano, nkanwa uchi wangu wa zabibu na maziya gangu. Toshekani na mendzwa! Mnaomendzana, nwani sana mendzwa. Inweni kukolwa!

Isaya 25:6

Na kahi za mwango uhu Mwenyezi Mlungu, Mlungu wa majeshi andagahendera karamu mataifa gosi, karamu ya vyakurya vinono-vinono, nyama za kunona na uchi mufu wa zabibu.

Isaya 26:8

Uwe Mwenyezi Mlungu hunakugodza kahi ya njirazo na uamulio; hamu ya mioyo yehu ni kuritambukira dzinaro na kuritogola.

Mathayo 26:13

Nakuambirani kpweli kukala kokosi dunia ndzima ndikotangazwa iyo habari nono, dzambo hiri achirohenda hiyu mchetu rindahadzwa kpwa kumtambukira.”

1 Akorintho 11:23

Kpwa mana malagizo higa ni garatu nrigophokera kula kpwa Bwana Jesu na nchikuphani. Usiku hura ambao kala andasalatwa, wahala mkpwahe,

1 Akorintho 11:25

Vivyo hivyo bada ya chakurya Jesu wahala chikombe cha uchi wa zabibu, achiamba, “Uchi wa chikombe hichi ni chilagane chiphya cha Mlungu chinachoikpwa na mlatso wa chifo changu. Chila wakati wa kunwa uchi na chikombe hichi hendani hivi kpwa kunitambukira.”

Joshuwa 4:7

Phahi mundaambira kukala madzi ga muho Joridani gaimiswa kujera phokala Sanduku ra chilagane ra Mwenyezi Mlungu rinavuswa muho Joridani. Kpwa hivyo mawe gago gandakala ushaidi kpwa Aiziraeli kare na kare.”