1 Afalume 9:28 - Digo Bible

²⁸ Asafiri kuphiya tsi ya Ofiri achendamrehera mfalume Selemani kilo elufu kumi na ne za zahabu.

1 Afalume 9:28 ပူးပေါင်းရင်းမြစ်များ

Mwandzo 10:29

Ofiri, Havila na Jobabu. Hinya osi kala ni ana a Jokitani.

1 Afalume 10:11

Tsona, majahazi ga Hiramu garigoreha zahabu kula Ofiri, gareha kpwa unji mihi ya msandali na mawe ga samani.

1 Afalume 10:14

Phahi uziho wa zahabu arizophirikirwa Selemani kpwa mwaka, ni kilo elufu mirongo miiri na tahu.

1 Afalume 22:48

Mfalume Jehoshafati watengeza meli nyinji dza za Tarishishi za kuphiya Ofiri kureha zahabu, ela taziyafika kpwa kukala zavundzika-vundzika ko Esioni-Geberi.

1 Afalume 22:49

Phahi, Ahaziya mwana wa Ahabu wamuambira Jehoshafati, “Ahendadzi-kazi angu na asafiri phamwenga na ahendadzi-kazio kpwenye meli.” Ela Jehoshafati kayakubali dzambo hiro.

1 Nyakati 1:23

Ofiri, Havila, na Jobabu. Hinya osi kala ni ana a Jokitani.

1 Nyakati 29:4

zaidi ya tani gana mwenga ya zahabu, zahabu swafi zaidi kula Ofiri na karibu tani magana mairi na mirongo mitsano za feza swafi kpwa ajili ya kufwinika kuta za iyo nyumba.

2 Nyakati 8:18

Naye Hiramu wamhumira meli phamwenga na atumishie mabaharia amanyao vinono yo bahari. Meli zizo zaphiya hadi tsi ya Ofiri na atumishi a mfalume Selemani achendamrehera Selemani kilo elufu kumi na tsano za zahabu.

2 Nyakati 9:10

Phamwenga na hivyo vyosi atumishi a Hiramu phamwenga na atumishi a Selemani arioreha zahabu kula Ofiri, areha mihi ya misandali na mawe manji ga samani.

Ayubu 22:24

uchiika zahabuyo mtsangani, na zahabu kula Ofiri kahi-kahi za mawe ga myuhoni,

Ayubu 28:16

Samaniye taiweza kupimwa na zahabu kula Ofiri, wala na mawe ga shohamu au ga yakuti,

Zaburi 45:10

Sikiza mwanangu mchetu, hega sikiroro, tsona uririkane! Yala atuo na abari a sowe,

Zaburi 45:9

Ana achetu a afalume ni kahi ya hinyo anaokuchinjira, naye Malikia aimire uphandeo wa kulume, akavwala mapambo ga zahabu swafi kula tsi ya Ofiri.

Muhubiri 2:8

Chisha nádzikusanyira feza na zahabu na hazina kula kpwenye falume nyinji na kula kpwenye majimbo manji. Nami nchidziphahira aimbadzi alume na achetu na nchidzistarehesha na anachetu anji dza mlume yeyesi aazavyo.

Isaya 13:12

Ndahenda atu akale achache ikale ni kazi kuaona kuriko zahabu swafi. Andakala taaphahikana hata baha zahabu kula Ofiri.