1 Afalume 7:2 - Digo Bible

² Tsona, wadzenga dzengo ririroihwa Nyumba ya Tsaka ra Lebanoni. Urewe kala ni mita 44, upanawe kala ni mita 22 na chimoche cha mita 13.5. Nyumba iyo yakala i dzulu ya mistari mine ya nguzo za muerezi, nguzo ambazo zazuwiya boriti za muerezi kpwa uphande wa dzulu.

1 Afalume 7:2 ပူးပေါင်းရင်းမြစ်များ

1 Afalume 10:17

Chisha achitengeza vingao vidide magana mahahu. Chila chingao chahumira kama kilo mbiri za zahabu. Naye mfalume waviika kpwenye nyumba iihwayo Tsaka ra Lebanoni.

1 Afalume 10:21

Miyo yosi ya mfalume Selemani ya kunwerera kala ni ya zahabu na miyo yosi iriyokala kahi za Nyumba ya Tsaka ra Lebanoni kala ni ya zahabu swafi. Takuna iriyotengezwa na feza mana feza taiyaolangbwa kukala chitu cha samani wakati hinyo.

1 Afalume 7:3

Chila safu yakala na nguzo kumi na tsano, phahi zosi phamwenga zakala nguzo mirongo mine na tsano. Vyumba virivyodzengbwa dzulu ya nguzo hizo, wavitiira dari ya mbao za muerezi.

1 Afalume 9:1

Mfalume Selemani ariphomala kudzenga nyumba ya Mwenyezi Mlungu, nyumba ya chifalume na madzengo ganjina gosi arigokusudiya kudzenga,

1 Afalume 9:19

Piya achidzenga midziye yosi ya kuikira hazina, magarige ga kuvwehwa ni farasi na anajeshie akuhumira farasi na chochosi aricholonda kudzenga katika Jerusalemu, Lebanoni au phatu phanjina katika ufalumewe.

2 Nyakati 9:16

Chisha achitengeza vingao vidide magana mahahu. Chila chingao chahumira kama kilo mbiri za zahabu. Naye mfalume waviika kpwenye nyumba iihwayo Tsaka ra Lebanoni.

Wira wa Selemani 7:4

Singoyo yagoloka dza mnara wa pembe za ndzovu. Matsogo ganangʼala dza vidibwa vya madzi ga Heshiboni, virivyo kanda-kanda ya ryango riihwaro Bathi-Rabimu. Pulayo yaima dza mnara wa Lebanoni, mnara ulolao uphande wa Damasikasi.

Isaya 22:8

Mwenyezi Mlungu wausa urindzi wa Juda. Siku iyo mwimwi atu a Juda mwakuluphira silaha za viha zirizo Nyumba ya Tsakani.