1 Afalume 14:20 - Digo Bible

²⁰ Jeroboamu watawala kpwa muda wa miaka mirongo miiri na miiri, na ariphofwa mwanawe Nadabu watawala badalaye.

1 Afalume 14:20 ပူးပေါင်းရင်းမြစ်များ

1 Afalume 11:43

Mwisho Selemani wafwa na achizikpwa vikurani pha akaree kahi za Mudzi wa Daudi. Mwanawe Rehoboamu achitawala badalaye.

1 Afalume 14:19

Mahendo ganjina ga mfalume Jeroboamu, vira arivyopigana viha na arivyotawala, gosi gaandikpwa kpwenye Chitabu cha Kumbukumbu za Afalume a Iziraeli.

1 Afalume 14:21

Rehoboamu mwana wa Selemani watawala Juda. Kala ana umuri wa miaka mirongo mine na mmwenga ariphoandza kutawala. Naye watawala kpwa muda wa miaka kumi na sabaa katika Jerusalemu, mudzi ambao Mwenyezi Mlungu wautsambula kahi ya midzi ya mbari zosi za Iziraeli ili aabudiwe himo. Nine wa Rehoboamu waihwa Naama, Muamoni.

1 Afalume 2:10

Daudi wafwa na achizikpwa kahi za mudziwe, urioihwa mudzi wa Daudi.

2 Nyakati 13:2

Watawala miaka mihahu hiko Jerusalemu. Nine kala aihwa Maaka mwana mchetu wa Urieli kula Gibeya. Kpwakala na viha kahi ya Abija na Jeroboamu.

2 Nyakati 13:20

Wala Jeroboamu kayakala na nguvu tsona za kupigana viha siku za utawala wa Abija. Mwishirowe Mwenyezi Mlungu wampiga naye achifwa.

Ayubu 14:12

Ndivyo mwanadamu, afwapho kauya tsona, hata mlunguni ndiphosira, mwanadamu kandalamuka au kulamuswa kula mwakpwe usingizini.

Zaburi 3:5

Kpwa sababu Mwenyezi Mlungu ananirinda, nkudziambalaza nkulala na nkalamuka salama.

Zaburi 4:8

Wakati nchidziambalaza nkulala kpwa amani, mana uwe, Mwenyezi Mlungu, macheyo ndiwe unihendaye nikakala salama.