1 Afalume 11:3 - Digo Bible

³ Selemani kala ana achetu magana sabaa, ana achetu a afalume, na anachetu magana mahahu. Hinyo achetu amgaluza moyowe.

1 Afalume 11:3 ပူးပေါင်းရင်းမြစ်များ

2 Nyakati 11:21

Rehoboamu wammendza Maaka mwana mchetu wa Abusalomu kutsupa achee osi na anachetue osi, mana kala walóla achetu mrongo mmwenga na anane na anachetu mirongo sita. Naye wavyarirwa ana alume mirongo miiri na anane na achetu mirongo sita.

Esta 1:18

Ihi rero kare akaza vilongozi a Pashia na Medi achiosikira vyo Malikia Vashiti achivyohenda, andaabera alume aho dza achivyohenda Vashiti na hivi vindaahenda azirane sana.

Muhubiri 2:8

Chisha nádzikusanyira feza na zahabu na hazina kula kpwenye falume nyinji na kula kpwenye majimbo manji. Nami nchidziphahira aimbadzi alume na achetu na nchidzistarehesha na anachetu anji dza mlume yeyesi aazavyo.

Muhubiri 7:28

Náenderera kuendza mambo gago, ela siphahire chitu. Kahi ya alume elufu mwenga náphaha mmwenga tu ariye wa haki, ela kahi ya achetu osi, sionere hata mmwenga ariye wa haki.

Wira wa Selemani 6:8

Kunaweza kukala Malikia mirongo sita, anachetu mirongo minane na asichana anji ambao taadzangbwelólwa asioolangika!

Wira wa Selemani 6:9

Ela njiya wangu a kamili, iye ni wa chimacheye. Iye ni mwana mchetu wa macheye kpwa nine, ndiye chipendzi cha ye ariyemvyala. Asichana amuona nao achiamba, “Lolani arivyojaliwa!” Malikia na anachetu piya alika unonowe.

Kumbukumbu 17:17

Mfalume ni asilóle achetu anji sedze moyowe ukaphiya kure na Mwenyezi Mlungu, wala asidzirundikire feza na zahabu kpwa unji sana.

Aamuli 3:6

Aiziraeli alóla ana achetu a mataifa higo na kulavya ana aho a chichetu alólwe ni barobaro a mataifa higo na kuabudu milungu ya atu aho.

Aamuli 9:5

Achiphiya nao Ofura kpwa ise na hiko achendaolaga nduguze osi mirongo sabaa dzulu ya dziwe mwenga. Ela Jothamu mwana mdide wa Jerubaali kayaolagbwa mana wachimbira achendadzifwitsa.