Philemoningu 1:17 - Testamenta Marra 1897 (Dieri)

¹⁷ Jundru ngana kamaneli jinkani ngundranani, ninaia patamai ngana jeribaka.

Testamenta Marra 1897 (Diyari)

¹⁷ Jundru ngana kamaneli jinkani ngundranani, ninaia patamai ngana jeribaka.

Philemoningu 1:17 ပူးပေါင်းရင်းမြစ်များ

Matthæungundru 10:40

Warle jurana patai, nulu ngana patai; ja warle ngana patai, nulu ninaia patai, Nulia ngana jinpanala.

Matthæungundru 18:5

Ja warle jenipara kupa waka kulno patai talani ngakanani, nulupini ngana patai.

Matthæungundru 25:40

Ja kaparali kalabala nganai ja jatala nganai tanangu: „Morlalu ngani jurangu jatai: Mina jura ngankana warai ngakani ngatata wakawaka kulnuni, jenia jura ngakangu ngankana warai.“

Kaukaubani jaura Apostel worangundru 16:15

Nandru ja nankani pungalali matja multibanila manina, nana ngaianana kurukurubana wonti ja jatana wonti: „Jura ngundranani, ngato Kaparani morlalu ngundrai, ngakani pungani wirianau ja jerra ngamanau.“ Ja nandru ngaianana mararibana wonti.

II. Korinthalani 8:23

Ngani Titungundru jatanani kara, nau ngakani kamaneli ja marangokanietja nganai jurangu; ngaianini ngatatandru kara, tana mili wolaraia Apostel nganai ja Christuni pirnala;

Ephesalani 3:6

Kana ko jelamaratunkaia maninietja nganai, ja palku kulnurina ja talpadakanaia jelali maninietja Christungu Jesungu ngantjani jaurali.

Philippalani 1:7

Jenia talku nganai ngakangu, jeruja jurangu pratjanandru ngundrala, ngangau ngato jurana pratjana ngakangu ngarani ngamalkai, ngangau jura dupudupuni ngakanani ja jurajuralkaterini ja morlalu kuranani ngantjani jaurandru, ngakani manjulaia jelalimaninietja nganai.

I. Timotheungu 6:2

Milieli, tanani kaparali morlalu ngundrai, tanana wata waka ngundrananto, ngangau tana ngatata nganai, a‐ai, tanangu morla pankinanto, ngangau tana morlalu ngundrani ja ngantjalu nganai, tana manju nganai ngumu ngankala. Jenia kaukaubamai ja kurukurubamai!

Philemoningu 1:10

Ngato jidna kurukurubai, ngakani ngatamurandru, ninaia ngato kantji patana wonti ngakani dupudupuni, Onesimusungundru,

Philemoningu 1:12

Jundru ninapini, nauja ngara ngakani nganai, patau.

Philemoningu 1:18

Nulia jinkangu madlentji ngankana wonti kara, jinkangu wilpa ngananani kara, jenia windamanani ngakanani kurau.

Hebräalani 3:1

Jendrangundruja, ngatata kulikiriai, pariwilpaia karkani ngampu mara worajai, najinajibanau ngaiananaia dikani jauraia Apostel, ja Priesta pirna, Jesus,

Hebräalani 3:14

Ngangau ngaiana Christuni ngampumara pantjina wonti, ngaiana morlalu ngundranaia wonini mudanajelu ngurunguru ngamalkanani.

Jakobuni 2:5

Ngaranau, ngakani ngatata ngantjalu: Wata Godali tanana kalkalkanala, tana wangiwangi nganai mitani, tana kana poto pirnanto nganananto morlalu ngundranani, ja mililaia maratunka maninietja, ninaia Nulia tanangu talpadakana wonti, tanali ninaia ngantjai?

I. Petrungundru 5:1

Kana kapara, tana jurangu terti nganai, ngato kurukurubai, jelakapara ja Christuni ketjaketjanaia tinkari ngankanietja, ja bakana pirnalaia ngampumara jeribaka, nauja tinkari pantjinanto:

I. Johannini 1:3

Mina ngaiani najina wonti ja ngarana wonti, ngaian jurangu bakana kaukaubai, ngangau bakana jura ngaiani ngunto kulnukulnuni nganananto; ja ngaianini kulnukulnun Ngaperani ja nunkani Ngatamurani Jesungu Christungu nganai.