Matthæungundru 26:46 - Testamenta Marra 1897 (Dieri)

⁴⁶ Terkakanau ngaiana wapananto! mai, nauwa wokaraila, nuluwa ngana wontawontai.“

Testamenta Marra 1897 (Diyari)

⁴⁶ Terkakanau ngaiana wapananto! mai, nauwa wokaraila, nuluwa ngana wontawontai.“

Matthæungundru 26:46 ပူးပေါင်းရင်းမြစ်များ

Matthæungundru 26:45

Ngadani Nau milini nunkanani tikana wonti ja tanangu jatana wonti: „Mukaturaranau ja ngara ngamanau! Mai, naupini ditji karakara nganai, ja tanali Kanaia Ngatamura madlentji marani ngulkujeli jinkila nganai.

Matthæungundru 26:47

Ja Nau jenia jatanani, mai, Judas, marapratjana ja mandrundru kulno, wokarana wonti, ja nunkangunto kana wolara pirna kalti tirieli ja pitali Priesta pirnandru ja kana wolaraia pinarandru.

Markungundru 14:42

Terkakanau, ngaiana wapananto! mai, nauwa, nuluwa ngana wontawontai, wokaraila.“

Lucangundru 12:50

Multibanila kulno ngato maninanto, ja worderu japali ngani nganai nau mudanantulu!

Lucangundru 22:15

Ja Nau tanangu jatana wonti: „Ngani wolkareli ja ngalkujeli nganana warai ninapini Passa kuparu jurangu jelali tajila ngakani ketjaketjanani ngopera.

Lucangundru 22:21

Ja mai, ngakani wontawontanietjaia mara ngakangunto kurlini nganai.

Lucangundru 9:51

Jendranguta, ditji nunkani miririnani, nau puntina wonti, ja Nulu mudlamudla kurana wonti Jerusalemia palkala.

Johanningundru 14:31

Ngangau mitalali ngujamananto, ngato Ngaperi ngantjai, ja jeruja ngankai worderu Ngaperali ngakangu jirijiribanala: Terkakanau ngaiana ninkidandru wapananto.“

Johanningundru 21:20

Petrus karitjinawontikana wonti, ja nulu nina mili karipaterinani najina wonti, nina Jesujeli ngantjana wonti, nau bakana bukani nunkangu munambirini jeniterina wonti ja jatana wonti: „Kaparajai, worananau nganai nulu jidna wondawondala nganai?“

Kaukaubani jaura Apostel worangundru 21:13

Paululu kalabana wonti: „Mina jura ngankai, ngangau jura jindrai ja ngana ngara wokaribai? Ngani matja ngankingaterina jinkiterila, wata windri workamantranani, a‐ai, bakana palinani Jerusalemingu Kaparaia Jesuni talandru.“