Johanningundru 11:19 - Testamenta Marra 1897 (Dieri)

¹⁹ Juda kana marapu Marthangu ja Mariangu wokarana wonti pudlana nejini pudlanani ngankalkala.

Testamenta Marra 1897 (Diyari)

¹⁹ Juda kana marapu Marthangu ja Mariangu wokarana wonti pudlana nejini pudlanani ngankalkala.

Johanningundru 11:19 ပူးပေါင်းရင်းမြစ်များ

Lucangundru 10:39

Ja nandru kaku kulno ngamalkana wonti, tala nankani Maria, nani bakana ngamana ngarina wonti Jesungu tidnani jaura nunkani ngarila.

Lucangundru 10:42

Kulno jundru ngamalkananto. Mariandru poto ngumu kalkalkana warai, jenia wata kulnujeli nankangundru manila nganai.“

Johanningundru 1:19

Ja naupini Johannini tinkari ngankani nganai, matja Juda kanali Jerusalemingundru Priesta ja Levita jinpanala, tanali nina jakalkananto: „Worana jidni nganai?“

Johanningundru 11:1

Kulno muntja nganana wonti, Lazarus Bethaniandru, Marianankani ja Marthanankani nankani kakuja ngurani.

Johanningundru 11:31

Juda kanali, tana nankangu jela pungani ngamana wonti ja nana ngankalkana wonti, najinani Maria nurujeli jiritjinani ja dunkanani, tana nankangu karipaterina wonti ja jatana wonti: „Nania narikutuja wapai naka jindrala.“

Johanningundru 11:33

Jesujeli nana jindranani najina, ja Juda kana, tana nankangunto matja wokarana, bakana jindranani, Nau Jaolali ngara jerkina wonti ja ngaratutututungana wonti.

Johanningundru 11:36

Juda kana jatana wonti: „Najianau worderu Nulia ninaia ngantjana paraia!“

Johanningundru 11:45

Juda kana marapujeli tana Mariangu wokarana wonti ja najina wonti mina Jesujeli ngankana wonti, tana nunkangu morlalu ngundrana wonti.

Johanningundru 11:8

Mili nunkani nunkangu jatana wonti: „Rabbi, kalkani Juda kanali wontina paraia jidna mardali dakala, ja nakaldra jidni jerra palkai?“

Romalani 12:15

Tanangu jela mankianau, tana mankiai, ja tanangu jela jindranau, tana jindrai.

II. Korinthalani 1:4

Nulia ngaianina ngaianini ketjaketjana pratjanani ngankalkai, ngaiani bakana ngurunguru nganananto tanana ngankalkala, tana pilki ja pilki ketjaketjai, nulupini ngankalkanali, minalinunkanali Godali ngaianina ngankalkai.

I. Thessalonichalani 4:18

Nulupini jaurali ngankalkijiribamalianimai.

I. Thessalonichalani 5:11

Jendrangundruja kurukurubijiribamalianimai ja wotijirimalianimai, worderu jura bakana ngankai.