I. Timotheungu 4:4 - Testamenta Marra 1897 (Dieri)

⁴ Ngangau Godaia pantjimani pratjana ngumu nganai, ja panila murumuru, tanali jurakokanali ninaia tajinani;

Testamenta Marra 1897 (Diyari)

⁴ Ngangau Godaia pantjimani pratjana ngumu nganai, ja panila murumuru, tanali jurakokanali ninaia tajinani;

I. Timotheungu 4:4 ပူးပေါင်းရင်းမြစ်များ

Kaukaubani jaura Apostel worangundru 10:15

Ja nakaldra ngaiala nunkangu pantjina wonti, pota mandrulani: „Mina Godali kulirkana warai, ninapara jundru wata murumuru patau!“

Kaukaubani jaura Apostel worangundru 15:29

Jura ngamalkaterinanto muramura poto ngumundru ja kumarandru ja ngurlini ngantindru ja palakantjindru. Jura tanangundru ngamalkaterinani, jura tepi ngumu ngananani. Tepi ngamanau!“

Kaukaubani jaura Apostel worangundru 21:25

Tana kana koni morlalu ngundrala wapaia, ngaiani jirijiribani jaura jinpana wonti, ja morlalu kurana wonti, tana ngamalkaterinanto muramura poto ngumu jinkinandru ja kumarandru ja ngurlini ngantindru ja palakantjindru.“

Romalani 14:14

Ngani milkila ja morlalu ngundrai Kapara Jesungu, panila munta murumuru nganai; windri nunkangu, nulu nina murumuru ngundrai, nunkangu murumuru nganai.

Romalani 14:20

Tajinandru Godaia ngankana wata wokaribamai! Pratjana kulikiri nganai; ja madlentji nunkangupini kanani pantjiai, nulu dakaterinali tajiai.

Romalani 14:6

Warle ditji ngundrai, nulu nina Kaparani ngundraiatimai; ja warle ditji wata ngundrai, nulu nina wata ngundraiatimai, bakana Kaparani. Warle tajiai, nulu Kaparani tajiatimai, ngangau nulu Goda jurakokai; ja warle wata tajiai, nulu wata tajiatimai, bakana Kaparani, ja Goda jurakokai.

I. Korinthalani 10:23

Pratjana ngakangu manuni kurala wapaia, windri wata pratjana ngumu nganai; pratjana ngakangu manuni kurala wapaia, ja wata pratjanali wotiai.

I. Korinthalani 10:25

Pratjana, mina tanali ngantiburungankani pirini kalalaia jinkiai, tajianau, ja morla wata jakalkanau ngara ngaialandru.

I. Korinthalani 10:26

Ngangau mita Kaparaia nganai, ja nunkani poto pratjana.

I. Korinthalani 10:30

Ngato jurakokanali tajinani, minandru tanali ngana ngirkibai, nunkangundru minani ngato jurakokai?

I. Timotheungu 4:3

Tanali daudauai noa patala, ja jirijiribai wata buka tajila, nina Godali pantjimana wonti jurakokanali tajila tanangu, tanali morlalu ngundrai ja morlaluta matja ngujamai.