Kaukaubani jaura Apostel worangundru 20:9 - Testamenta Marra 1897 (Dieri)

⁹ Teri kulno, tala nunkani Eutichus, milkiwilpani ngamana wonti, ja nina muka pirnali patana wonti, ngangau Paulusulu wirdi jaura kaukaubana wonti, ja nau muka pirna jindina wonti, ja nau piri parkulu mirindru purina ngarina wonti, ja tanali nina nari patana wonti.

Testamenta Marra 1897 (Diyari)

⁹ Teri kulno, tala nunkani Eutichus, milkiwilpani ngamana wonti, ja nina muka pirnali patana wonti, ngangau Paulusulu wirdi jaura kaukaubana wonti, ja nau muka pirna jindina wonti, ja nau piri parkulu mirindru purina ngarina wonti, ja tanali nina nari patana wonti.

Kaukaubani jaura Apostel worangundru 20:9 ပူးပေါင်းရင်းမြစ်များ

Markungundru 13:36

Ngangau nulu jurana, nau nurujeli wokaranani, muka mankamankaiati.

Markungundru 9:26

Ja nau maritjina wonti, ja nulu nina pirna diadialkana wonti, ja nau dunkana wonti; ja nau nari jeribaka nganana wonti, jeruja marapu jatana wonti: „Nauja matja nari.“

Kaukaubani jaura Apostel worangundru 14:19

Antiochiandru ja Ikoniungundru Juda kana wokarana wonti, tanali kana wolara jadijadibana wonti, ja tanali Paulus mardali dakana wonti, ja nina ngura palaraia parumana wonti, ja ngundrana wonti, nau matja nari.

Kaukaubani jaura Apostel worangundru 20:10

Paulus ngarina wonti, ja nunkangu woraterina wonti, ja nina munamana wonti ja jatana wonti: „Wata maritjianau, ngangau nauja mungara nunkangu nganai.“

Kaukaubani jaura Apostel worangundru 20:7

Godaia ditjini mili wolara matja jurborina buka wokaribala, Paululu tanangu kaubaubana wonti, ngangau nulu ngundrana wonti ditji kulnuni palkala, ja nulu tinka tertielu jaura jinkina wonti.

Kaukaubani jaura Apostel worangundru 20:8

Praitji marapu punga pirini miri nganana wonti, woderi tana jurborina wonti.