Yõõna 1:2 - ꞌBuuk cĩ Thõõth cĩ Nyekuci

² hũũk ꞌtaaũnaa cobbi ĩĩcĩ haĩ Nineve, hũũk huduhaak eet hĩĩnnĩk, “Udtuuha Makayyioohiti ꞌthẽccanẽẽt cugguung ꞌcĩg abathĩ dtẽc ko. Uduktoothihu niiga!”

Yõõna 1:2 ပူးပေါင်းရင်းမြစ်များ

ꞌThianaattõ 10:11

Ma nĩngaata, ũũk looccaa cĩ Athiiria nẽ ẽtẽhẽny ꞌtaaũnniook ꞌcĩg obbitig ꞌcĩg haĩ Nineve hĩ Rehoboth Ir hĩ ꞌcĩ haĩ Kala,

Yõõna 3:2

“Tĩnga bĩĩt ꞌtaaũnaa cobbi ĩĩcĩ Nineve, bĩĩt duhaak eet nyeemuut baa haduhaakii naa nganiita.”

Yõõna 3:3

Nĩngĩtĩ aattĩ aku athĩknĩ Yõõna Makayyioohit nẽ ĩtĩnga ũũk ĩĩcĩ Nineve. Baa maka ꞌtaaũnĩ ciee gẽrrẽẽt, aꞌnyak waathinniook iyyio ngaatĩ hawaantĩ hĩcĩnĩt ĩnõõnnõ vẽlẽk.

Yõõna 4:11

Nẽẽthĩ, baa mẽẽlĩg eeta cĩg ꞌtaaũn cĩ Nineve vẽlẽk ĩllõõan aalibꞌnya ꞌmiia hõdẽĩ hĩ hẽẽn ꞌramma (120,000), ꞌcĩg hõllõngaa aga thõõth ꞌcĩ abathĩ hĩ ꞌcĩ abũnnaa nẽ baa mẽẽlĩg hẽlẽggĩ buúk. Aitiõõ nii hõllõngaa ammuhi aini, occa hammaannihi naa ꞌtaaũn cobbi ho?”

Maatteeo 10:18

Aꞌnyakiaannu hatĩ lokihooa hĩ ꞌgaala ꞌcĩg obbitig hĩ habuẽẽta, hĩnĩngĩtĩ iiginnu nuyyiook cĩgannĩg. Ĩĩn hatĩ ciee kõr ꞌcĩ aduhaaku makayyiook hĩ eet ꞌcĩg hõllõngaa ĩĩn ꞌJudeei nyeemuut caannĩ.

Maatteeo 12:41

Kõr ꞌcĩ decciaanĩt cĩ lootu, abĩlĩ hatĩ eeta cĩg Nineve nẽ etteeddihuung ngagiit thõõth. Hĩnĩngĩtĩ baa ẽlẽmĩ nẽẽg thõõth cĩ Nyekuci baa ũũnnĩk nẽẽg ꞌthẽccanẽẽt cĩggĩĩng ꞌrioonaa cĩ põrõvẽtaac Yõõna, nẽẽthĩ ꞌyioko, aaĩ ẽẽtĩ umwaa ꞌcĩ ĩllõõan Yõõna ngaati.

ꞌJeemith 5:4

Ĩthĩktõ! Ĩthĩhĩt ulwa cĩ dticcianniook cĩg manẽẽn cugguung, baag iggoollu hõllõngaa adũmannu ꞌrabbẽẽt cĩggĩĩng. Allweekuung ngagiit ꞌrabbẽẽta tĩko, baag edennu niiga. Õdõlan ulwaanĩ cĩ dticcianniook cĩg manẽẽn cugguung, Makayyioohit cĩ ũũrũta cĩ hẽẽtkujjieen.

Terethiinit 18:5

Hĩnĩngĩtĩ athaddi ꞌthẽccanẽẽta cĩg Babiloonnia gẽrrẽẽt ũdũt hõdõlanit hẽẽtkujjieen, nẽ agaõõthĩ Nyekuci ꞌthẽccanẽẽt cĩgĩnnĩg.