Yõaannẽ 9:7 - ꞌBuuk cĩ Thõõth cĩ Nyekuci

⁷ Nĩngĩtĩ aduhaakĩ rubenniaahit annẽẽkĩ, “Bĩĩt tũũnya doob nicci bõrrõõhaa cĩ ꞌThiloamĩ.” Nĩngĩtĩ õkõ ũũnyanĩ rubenniaahiti doob nẽ ĩcĩnĩ. Aĩ thõõth ꞌcĩ haĩ ꞌThiloam ko, eet ꞌcĩ ĩꞌthooyyia.

Yõaannẽ 9:7 ပူးပေါင်းရင်းမြစ်များ

Luugithõõ 4:11

Nĩngĩtĩ annẽẽkĩ Makayyioohiti ĩnõõnnõ, “Ẽlẽ, nganĩ nooyyia baa ꞌcĩ aaꞌnyĩk eet ũtũg ko? Nganĩ ꞌcĩ aaꞌnyĩk ĩnõõnnõ hidiitti ĩĩna, hode hĩjjaahõ hiittiõõ hõllõngaa õthõõth ko? Nganĩ ꞌcĩ aaꞌnyĩk eet hĩcĩnĩ hode hĩĩ ruben ko? Hõllõngaa nooyyia nganĩĩt Makayyioohit ꞌcĩ haaꞌnyihi ho?

Maatteeo 11:5

Ĩcĩttĩ rubenniaaha, õtõõcõ ꞌngoolliaha, ũbũttaathõ eeta ꞌcĩg adak helleggeri, ĩthĩktõ eeta ꞌcĩg adĩĩtĩ ĩĩna, ũrũgta daakiaha nẽ illimanoothĩk nyeemuut ꞌcĩ abũnnaa eet ꞌcĩg appĩĩrna.

ꞌLuuka 13:4

Ma eeta baag ĩĩn õmmõtõ hĩ turkiyyio baag arriban ꞌcieeth ꞌThiloama? Ammuku baa niig ainnu ĩĩn baa nẽẽg ꞌthẽccanniook hĩllõõanit ꞌgõõnõgĩ ũgĩ ꞌcĩg aattĩg ꞌJeruꞌthalẽma?

ꞌLuuka 2:32

Ĩĩn nẽẽ lanyit ꞌcĩ eterꞌtheek loonyin vẽlẽk thõõth cunni, nẽ aꞌnyahaak hatĩ eet cugunnig Ĩꞌthĩraẽl bulẽẽnĩt.”

Yõaannẽ 10:36

Inni ahaddiahaangu ĩĩttĩhaangu hadĩmani ꞌthẽccan ꞌcĩ abathĩ dtẽc ngaatĩ haĩnnĩ, hĩĩnĩ Ngeertĩ Nyekuci ho? Nẽ nẽẽ tarĩ, Baaba ꞌcĩ baa ẽbẽraanna nganĩĩt nẽ ĩꞌthõõawaa hikia loota nĩnga ho.

Yõaannẽ 11:37

Baa õthõõth hinnia ũgẽẽgĩ aĩ, “Hõllõngaa nooyyia baa aaꞌnyĩk Yeesu rubenniaahit hĩcĩnĩ nẽ baa hõllõngaa alaam nẽẽ daahĩth ꞌcĩ Laaꞌtharõ inni?”

Yõaannẽ 9:11

Ẽdẽcĩ nẽẽ ĩhõõggõ anneek, “Õꞌngõnya eet umwaa ꞌcĩ anneek eeta Yeesu doob nẽ uudika hẽbẽrĩ cĩgannĩg. Ma ho, ĩnnĩhaa, ‘Bĩĩt tũũnya doob nicci bõrrõõhaa cĩ ꞌThiloamĩ.’ Nĩngĩtĩ hõkõ hũũnyanĩĩ nẽ ꞌyioko hĩcĩnĩ dĩdĩ.”

Yõaannẽ 9:39

Nẽ ĩĩnnĩk Yeesu ĩnõõnnõ, “Baa hakuu hetteedi naa thooꞌthiok cĩg looc nicci, hátĩ hĩcĩttĩ eeta ꞌcĩg rubettĩg nẽ ĩĩtõ rubettĩg eeta ꞌcĩg acĩnĩ.”

Dtiicanĩ cĩg ꞌThooyyiahu 26:18

hadiimmii naa nganiit bĩĩt ꞌbuuk ĩhõõggõ hẽbẽrĩ cĩggĩĩng, hátĩ hũtũngteek muguur, hõõt hĩ lanyit nẽ tarĩ, hũtũngteek ꞌtirrian cĩ ꞌThĩttaanõ, hõõt ꞌtirrianaa cĩ Nyekuci. Hátĩ hũtũngtoothĩk ꞌthẽccanẽẽta cĩggĩĩng nẽ lemiittaa cĩnĩĩng hĩ nganĩĩta, iita ĩĩtõ nẽẽg buúk dhoorit cĩg eet ꞌcĩg ẽllẽẽmĩth cĩg Nyekuci.’

ꞌRooma 8:3

Hõllõngaa occa adĩman nyattalĩ cĩ Mũũꞌtha thõõth icci, hĩnĩngĩtĩ aaꞌnyĩk thõõth ꞌcĩ habũranẽẽkĩ naag nyattal, hiittiõõ hõllõngaa attiranĩ. Nẽẽthĩ, baa õõgauung ngagiit Nyekuci, ngaatĩ ĩꞌthõõanĩ Ngeerĩnĩ hikia haau hĩ naag ꞌthẽccanniooha nẽ ĩĩ ꞌgaarrieenit cĩ ꞌthẽccanẽẽt cĩggaac. Adticaniini Nyekuci ẽlẽ cĩ Yeesu habathanĩ ꞌthẽccan.

ꞌGalaaꞌthia 4:4

Ma baa õdõlan kõrra niccia dẽẽdẽ, ikia ĩꞌthõõa Nyekuci Ngeerĩnĩ, ꞌcĩ baa ũũkca ngaa baa aꞌthũũnnĩ nyattal cĩ Mũũꞌtha,