Yõaannẽ 9:4 - ꞌBuuk cĩ Thõõth cĩ Nyekuci

⁴ Hĩcĩ nga ĩĩn lõõcĩ waathĩn ko, hidticanit thõõth cĩ eet baa ĩꞌthõõannaa nganĩĩta. Ma ikia baalini, iittiõõ eet ꞌcĩ adticanni tõõ.

Yõaannẽ 9:4 ပူးပေါင်းရင်းမြစ်များ

Maatteeo 20:7

“Ẽdẽcĩ eeta tĩko ĩnõõnnõ anneek, ‘Hĩnĩngĩtĩ aitiõõ ẽẽtĩ ꞌcĩ alũtteet nẽ aaꞌnyeet dtiic tõõ.’ “Ẽdẽcĩ nẽẽ ĩhõõggõ anneek, ‘Õõt idticattõ niig buúk manaa caannĩ ĩcĩ viinoo.’

Maarko 3:3

Ma nĩngaata, ikia uduhaak Yeesu eet ꞌcĩ alalliaa aꞌthiiti ho ĩĩnnĩk, “Tĩnga ꞌjieena bĩĩl hõrggẽẽna ngaatĩ acĩnni eeta vẽlẽk.”

Yõaannẽ 10:32

Anneek hinnia Yeesu ĩhõõggõ, “Baa hĩdĩmana naa thooꞌthiok ꞌcĩg mẽẽlĩg ꞌcĩg ĩnaat eeta hõrggẽẽnaa cunuung, ꞌcĩg au hĩ Baaba. Nẽẽthĩ ꞌyioko, thooꞌthiok iigia ꞌcĩg adiim õhõdaannaangu niig nganĩĩt ko?”

Yõaannẽ 10:37

Má hõllõngaa hadĩmani naa thõõth hĩ baa adĩman Baaba, ma thĩ nga hẽlẽmmaangu nganĩĩta.

Yõaannẽ 12:35

Ẽdẽcĩ Yeesu ĩhõõggõ anneek, “Aaĩ hatĩ lanyit hĩ ngagiit ꞌthaa ꞌcĩ huturi haaga. Õtõõc nga aꞌnyaku lanyit, nga hikia muguuri hĩ ngagiita. Ẽẽtĩ ꞌcĩ õvvõ muguratõõ, ẽrẽk nĩngĩtĩ õkõõĩ.

Yõaannẽ 17:4

Baa haꞌnyahaahii naa nganiit bulẽẽnĩt loota nĩnga, ngaatĩ hẽdẽcaakĩ dtiic baa aaꞌnyaa nii hidticanõ.

Yõaannẽ 4:34

Nĩngĩtĩ ẽdẽcĩ Yeesu ĩhõõggõ annẽẽkĩ, “ꞌGẽẽn caannĩ ꞌcĩ hadĩmanĩĩ thõõth ꞌcĩ adiim Nyekuci! Baa ĩnõõnnõ ꞌcĩ ĩꞌthõõannaa nganĩĩta nẽ occa hẽdẽcaahi dtiic baa aaꞌnya nẽẽ hidticanõ.

Yõaannẽ 5:19

Ma nĩngaata, ẽdẽc Yeesu makayyiook cĩg ꞌJudeei ĩĩnnĩk, “Haduhaakuung dĩdĩ, aitiõõ ꞌgii ꞌcĩ adtican Ngeertĩ Nyekuci ẽmmẽn tõõ. Adĩman nẽẽ thõõth ꞌcĩ acĩna hĩ Maaꞌnyĩ. ꞌGii ꞌcĩ adĩman Maaꞌnyia, adĩman Ngeerĩnĩ buúk.

Yõaannẽ 5:36

“Haꞌnyahi naa thooꞌthiok ũgĩ ꞌcĩg aaddi ĩllõõan baag Yõaannẽ. Nẽ dtiici baa aaꞌnya nganĩĩt Baaba hẽdẽcaak hĩcĩ hadĩmani ꞌyioko ho, ẽtẽrꞌtha aĩ, ĩꞌthõõannaa nẽẽ nganĩĩta.

Yõaannẽ 7:33

Ma ho, uduhaak Yeesu ĩhõõggõ ĩĩnnĩk, “Nga harũmĩ naag hĩ ngagiit hĩdĩhĩdĩĩc nẽ thĩ hatĩ hobodootha hĩ Eet baa ĩꞌthõõannaa nganĩĩta.

Dtiicanĩ cĩg ꞌThooyyiahu 4:20

Hĩnĩngĩtĩ hõllõngaa occa hĩjjaahinnia thõõth baa hĩthĩkta nẽ hĩcĩtta.”

ꞌGalaaꞌthia 6:10

Nẽẽthĩ, hĩdĩmanit eet vẽlẽk jurrung, hatĩ hummuddia ꞌrõtĩ ꞌcĩ hadĩmanĩ ĩhõõggõ jurrung, ettebehini hatĩ ĩĩn nẽẽg eet ꞌcĩg ẽlẽmĩ Makayyioohit Yeesu.

Eevvetho 5:16

Ĩdĩmanit thooꞌthiok ꞌcĩg abũnnaa hõdõõkõthĩ, hĩnĩngĩtĩ ĩĩn cieeg korriook ꞌcĩg abathĩ.

Kolooꞌthe 4:5

Aaut jurrung hatĩ arũmeennu hĩ eet ꞌcĩg hõllõngaa ĩĩn lemmiook, illimatteek ĩhõõggõ nyeemuut cĩ Nyekuci hatĩ ammũdaannu ꞌgõõl ꞌcĩ arũmeennu hĩ ĩhõõggõ.