Yõaannẽ 9:34 - ꞌBuuk cĩ Thõõth cĩ Nyekuci

³⁴ Ẽdẽcĩ makayyiooha anneek, “Ĩĩnĩ baa nii ꞌthẽccannioohit nganĩngĩtĩ arrittiaanĩ! Occa ꞌyioko allimanneet nii ngagĩĩta?” Nĩngĩtĩ iiggiaẽẽkĩ ĩnõõnnõ battaala.

Yõaannẽ 9:34 ပူးပေါင်းရင်းမြစ်များ

ꞌThianaattõ 19:9

Ẽdẽcĩ hinnia eeta niccieeg Loot anneek, “ꞌNyẽẽhĩ ꞌgõõlaa cĩnaang! Ĩĩnĩ nõõ nii eet cĩ looc ꞌcĩ ꞌrĩĩng haaga, nganiit ꞌyioko ꞌthẽk nganĩ ꞌcĩ occa eterꞌtheekeet ngagĩĩt ꞌgii ꞌcĩ occa hadĩmanna ho? Tũngeeheet ngagĩĩt ẽmmẽn. Má illoori hadĩmannii ꞌyioko hatĩ nganiit buúk ꞌbuth hĩllõõan ĩhõõggõ.” Ma ho, eektĩk eeta niccieeg Loot ngadiiha, nĩngĩtĩ adiim avvahanĩ hattũũg cĩ ꞌcieethu.

Luugithõõ 2:14

Ẽdẽcĩ ẽẽtĩ nicciee anneek, “Nganĩ ꞌcĩ aaꞌnyi nganiit makaaꞌthĩt ꞌcĩ etteedĩkeet ngagĩĩt thõõth ko? Adiimi arukaa nganĩĩt buúk hĩ baa aruhi Ijjibeenit baa baalõ?” Nĩngĩtĩ itieelini Mũũꞌtha thõõth icci gẽrrẽẽt nẽ ummuk ĩĩ, “Ummuddia mõnõ thõõth baa hadĩmani naa thõng.”

ꞌLuuka 11:45

Nĩngĩtĩ ẽdẽcĩ ꞌlimmannioohiti umwaa cĩ nyattalõ Yeesu annẽẽkĩ, “ꞌLimmannioohit, ma othoothi hoti, aaĩ hinnia hĩcĩ odoommeet ngagĩĩt buúk.”

ꞌLuuka 14:11

Ẽẽtĩ ꞌcĩ õdõng ẽlẽ cĩnnĩ ꞌgoonoginni vẽlẽk, arritanniaak hatĩ looc. Nẽ ẽẽtĩ ꞌcĩ arritan ẽlẽ cĩnnĩ, odoꞌngi hatĩnĩ.”

ꞌLuuka 18:17

Haduhaakuung dĩdĩ, ẽẽtĩ ꞌcĩ hõllõngaa ẽlẽmĩ habuccieet cĩ Nyekuci hĩ lohollia cieegi, aitiõõ hatĩ nẽẽ hõllõngaa aduhun habuccieet cĩ Nyekuci ũdũt.”

ꞌLuuka 6:22

Aggatatteeu niig hatĩ aaburreekuung eeta, nẽ ibiꞌthuunga nẽ odoomtuung nẽ utuburruung aaut hĩ eeta ꞌcĩg abaꞌthu, hĩnĩngĩtĩ Ngeertĩ Eeto.

Yõaannẽ 6:37

Eeta vẽlẽk ꞌcĩg aaꞌnya nganĩĩt Baaba, au hatĩ hĩ nganĩĩta nẽ ẽẽtĩ ꞌcĩ aku hĩ nganĩĩta, hõllõngaa hatĩ hiiggiaeehi tuu.

Yõaannẽ 8:41

Adĩmannu niig thooꞌthiok ꞌcĩg adĩman maaꞌnyu cunuung!” Ẽdẽcĩ eeta anneek, “Hõllõngaa hĩĩgĩnna naag lõhõlĩ ꞌcĩg harrittiaanna battaala. Nyekuc dioo ꞌcĩ ĩĩn Baangeet cĩnaang.”

Yõaannẽ 9:2

Ma nĩngaata, ijinit nuyyiooha cĩgĩnnĩg ĩnõõnnõ ĩĩttĩk, “ꞌLimmannioohit, inni baa hittirria ẽẽtĩ ciee hĩĩ ruben ko? Ẽꞌthẽcan nẽẽnĩ, hode ẽꞌthẽcan maaꞌnyia hĩ aattĩnnĩ?”

Yõaannẽ 9:22

Baa õthõõth maaꞌnyia hĩ aattĩnnĩ hoti, hĩnĩngĩtĩ baa iꞌngolli nẽẽg eet cĩg ꞌJudeei, hĩnĩngĩtĩ baa aarrik nẽẽg thõõth ꞌcĩ iiggiaẽẽkĩ eet ꞌcĩ ẽlẽmĩ aĩ ĩĩn Yeesu Krĩstõ ho, ꞌCieethaa cĩ Laiitto battaala.

Yõaannẽ 9:35

Ma ho, ikia ĩthĩk Yeesu ngaatĩ iiggiaẽẽkĩ Variꞌtheei rubenniaahit battaala, ma baa ikia ũmmũda Yeesu ĩnõõnnõ, ijin ĩnõõnnõ ĩĩnnĩk, “Elemi nii Ngeertĩ Eeto?”

Yõaannẽ 9:40

Ma baa athĩhĩ Variꞌtheei ꞌcĩg baag abĩlĩ nĩngaata thõõth icci ho, iita ijinit nẽẽg Yeesu ĩĩttĩk, “Ma naag, hĩĩgĩnna naag buúk rubettĩg?”

1 Korinthia 5:13

Ẽttẽẽd Nyekuci thõõth cĩ eet vẽlẽk. Nẽ aĩ ꞌBuuhi cĩ Nyekuci nẽẽ, “Itiggiayyieek eet cugguung ꞌcĩg ĩĩn ꞌthẽccanniook hõrggẽẽnaa cunuung battaala.”

ꞌGalaaꞌthia 2:15

“ꞌTirriaatta, hĩĩgĩn naag ꞌJudeei nẽ hõllõngaa hĩĩgĩn ꞌthẽccanniook hĩ eeta ꞌcĩg hõllõngaa ĩĩn ꞌJudeei.

Eevvetho 2:3

Baa gõõng haattĩg naag vẽlẽk noho, ngaatĩ hanũĩ hẽlẽggĩ ꞌcĩg abũraneek eleeti cĩggaac. Nẽ hĩnĩngĩtĩ thooꞌthiok baag hadĩman naaga, ikia ĩlĩĩlĩeeheet Nyekuci ngagĩĩt haau hĩcĩ alĩĩllĩk eet vẽlẽk.

1 Pẽẽtũrũ 5:5

ꞌGõõlaa ꞌcĩ aaĩ hoti, niig nyahaappanĩta, itingolli eet ꞌcĩg ĩĩtõ makatĩg hĩ ngagiita, ĩthĩhĩt thõõth cĩnĩĩng. Nẽ idticattoothĩk niig vẽlẽk ꞌgoonogu ꞌthĩnneetinii ꞌcĩg tarbalĩg, hĩnĩngĩtĩ, “Abũrĩ Nyekuci eet ꞌcĩg athĩngõõnyanĩ nẽẽthĩ, aaꞌnyĩk nẽẽ eet ꞌcĩg hõllõngaa athĩngõõnyan bũnnai.”

3 Yõaannẽ 1:10

Má hikia naana, hakuu hatĩ haduha thooꞌthiok ũgĩ ꞌcĩg baag adtican nẽẽnĩ, hĩ thooꞌthiok ꞌcĩg abathĩ ꞌcĩg adĩmanneet nẽẽ ngagĩĩt ꞌbuth. Nẽ baa hõllõngaa abũrĩ nẽẽ ngaatĩ ẽlẽmmĩ lemmiook thõng diooni, baa alaam nẽẽ eet ũgĩ buúk, hiittiõõ hõllõngaa ẽẽl ĩhõõggõ. Nẽ tarĩ, alaam lemmiook ꞌcĩg adiim ẽẽl ĩhõõggõ nẽ itiggia ĩhõõggõ lothippitaa cĩ lemmioohu.

3 Yõaannẽ 1:9

Baa heteheedĩha naa lothippit cĩ lemmioohu waraga, nẽẽthĩ hinnia, baa accamana Diotereve ngaatĩ adiim ĩĩnnĩ makayyioohit nẽ hõllõngaa adiim occa athĩkneet ngagĩĩta.

Terethiinit 13:17

Nẽ ẽẽtĩ ꞌcĩ hõllõngaa aꞌnyak nyamacaar nicci, aitiõõ hõllõngaa aaꞌnyĩhoothĩk ĩnõõnnõ hũtũũõĩ ijjio cĩgĩnnĩg, hode hũtũũwa ijjio ũgĩ buúk. Ĩĩn nyamacaar nicciee ꞌthaar cĩg nyaharahaak nicci hĩ ꞌliimira ꞌcĩ ꞌthaar cĩgĩnnĩg.