Yõaannẽ 8:52 - ꞌBuuk cĩ Thõõth cĩ Nyekuci

⁵² Ma ngaati, ĩĩtõ eeta cĩg ꞌJudeei, “Hagayyia aattĩ dĩdĩ, ngaatĩ aꞌnyahĩ nii lori ꞌcĩ abathĩ! Baa adaahito Abũrahamĩ hĩ põrõvẽtaaꞌnya vẽlẽk nẽẽthĩ hinnia, aini nii, má aꞌthũũnnĩ ẽẽtĩ umwaa thõõth cunni, hõllõngaa occa adaahĩ ũdũt!

Yõaannẽ 8:52 ပူးပေါင်းရင်းမြစ်များ

Maatteeo 11:18

Hĩnĩngĩtĩ, ma baa aku Yõaannẽ nẽ hõllõngaa aduhi hode ahũdĩ, ainnu hinnia ‘Aꞌnyak nẽẽ lori ꞌcĩ abathĩ!’

Yõaannẽ 1:19

Baa ĩꞌthõ makayyiooha cĩg ꞌJudeei ꞌJeruꞌthalẽma, paadĩrꞌnya hĩ eet cĩg hattũũg cĩ ꞌLeevi, hõõt hijinit Yõaannẽ hĩĩttĩk, eet ꞌcĩ nganĩ nii.

Yõaannẽ 14:23

Ẽdẽcĩ Yeesu ꞌJuuda anneek, “Má ammĩnannaa eet umwaa nganĩĩta, aꞌthũũnnĩ hatĩ nẽẽ ꞌlimman caannĩ. Ammĩnan hatĩ Baaba ĩnõõnnõ buúk nẽ hatĩ hiitaawa naag hĩ Baaba hẽtẽhẽnytaawa õlõ cĩnaang hĩ ĩnõõnnõ.

Yõaannẽ 15:20

Ummuhuttooth thõõth baa haduhaakuung naa hanneekuung, ‘Aitiõõ dticciannioohiti ꞌcĩ maka hĩllõõan makayyioohit cĩnnĩ tõõ.’ Má baa adĩmannaa nganĩĩt eeta ꞌbuth, adĩmannuung hatĩ ngagiit buúk ꞌbuth. Má baa athĩhĩ nẽẽg ꞌlimman caannĩ, athĩhĩ hatĩ cunuung buúk.

Yõaannẽ 17:6

“Heteretheehii naa nganiit eet baag aaꞌnyaa nii nganĩĩt loota nĩnga. Baa ĩĩn nẽẽg eet cugunnig, baag aaꞌnyaa nii nganĩĩta nẽ uꞌthuutti nẽẽg thõõth cunni.

Yõaannẽ 7:20

Ẽdẽcĩ lothippiti Yeesu anneek, “Adaki nganiit maangõnĩ, hĩnĩngĩtĩ aꞌnyahi lori ꞌcĩ abathĩ. Ne ꞌcĩ aaꞌnyi nganiit muhuneek ngaatĩ aayyi eet ꞌcĩ occa adiim aruki nganiit ko?”

Yõaannẽ 8:22

Baa aaꞌnyĩk thõõth ciee eet cĩg ꞌJudeei hijitto hĩĩtõ, “Aruk hatĩ ẽẽtĩ ciee ẽlẽ cĩnnĩ thõng? Ĩnõõ ꞌyioko ꞌcĩ õthõõthĩ nẽẽ aĩnnĩ, ‘Nĩngĩtĩ hõkõõĩ naa ho, hõllõngaa occa auunnu niiga’?”

Yõaannẽ 8:48

Ma ho, edecit eeta cĩg ꞌJudeei Yeesu ĩĩttĩk, “Hẽbẽaneeka naag ngaatĩ haĩnna, ĩĩnnĩ nii Thamaritaanoc nẽ aꞌnyahi lori ꞌcĩ abathĩ.”

Yõaannẽ 8:51

Haduhaakuung dĩdĩ, ẽẽtĩ ꞌcĩ aꞌthũũnnĩ thõõth caannĩ, aitiõõ hatĩ hõllõngaa adaahĩ ũdũt.”

Yõaannẽ 8:55

Tananga hõllõngaa agayyu niig ĩnõõnnõ, haga naa ĩnõõnnõ. Má haini hõllõngaa haga naa ĩnõõnnõ, occa ꞌyioko hĩĩnĩ oloꞌngiaahit hĩ niiga, nẽẽthĩ, haga naa ĩnõõnnõ nẽ hũꞌthũũtĩ thõõth cĩnnĩ.

Yõaannẽ 9:24

Ma nĩngaata, utuvuyyia makayyiooha cĩg ꞌJudeei eet nicci tarĩ nẽ ĩĩttĩk, “Bũtan Nyekuc duha thõõth ꞌcĩ ĩĩn dĩdĩ! Hagayya naag ngaatĩ ĩĩnnĩ Yeesu ꞌthẽccannioohit.”

Ebereei 11:13

Baa adaahito eeta cieeg vẽlẽk nẽ nga ẽlẽmĩ thõõth baa aduhaak Nyekuci ĩhõõggõ. Baa nga hummuddia nẽẽg thõõth baa aduhaak Nyekuci ĩhõõggõ, nẽẽthĩ, baa accamanoothĩk nẽẽg ngaatĩ acĩnõõꞌthĩ thooꞌthiok tĩko ꞌrẽẽna nẽ elemita. Baa ẽlẽmĩ nẽẽg ngaatĩ ĩĩnnĩ tahan nẽ ĩĩtõ tũhayyiook loota nĩnga.

Ebereei 2:9

Hĩcĩnĩt naag Yeesu baa arritanniaa hĩdĩhĩdĩĩc hĩllõõan aajĩlẽẽt. Nẽẽthĩ ꞌyioko, itihimoothĩk ĩnõõnnõ tẽmẽdẽhĩ cĩ bulẽẽttõ hĩcĩ tẽẽlꞌthĩtõõ, hĩnĩngĩtĩ baa adaak nẽẽnĩ. Bũnnaiittaa cĩ Nyekuci dĩdĩ, ikia atar Yeesu daahĩth hĩnĩngĩtĩ eet vẽlẽk.