Yõaannẽ 8:2 - ꞌBuuk cĩ Thõõth cĩ Nyekuci

² Ma baa loohoth cĩnnĩ ngerrenita, ũũk ꞌCieethaa cĩ Nyekuci, ngaatĩ baa auuni eeta vẽlẽk hĩ ĩnõõnnõ, nĩngĩtĩ aayyi loota nẽ illiman ĩhõõggõ.

Yõaannẽ 8:2 ပူးပေါင်းရင်းမြစ်များ

Maatteeo 26:55

Ma baa kõr niccia, ikia uduhaak Yeesu lothippit ĩĩnnĩk, “Inni iita aggamtaangu nyetubooꞌnyanĩ hĩ hĩbahĩꞌnyannĩ hĩ eet ꞌcĩ hĩĩnĩ ꞌloorriahit ko? Hallimannuung naa ngagiit hõdõõkõthĩ hĩ gõõng haaĩ loota halaangatõõ cĩ ꞌCieeth cĩ Nyekuci nẽ gõõng hõllõngaa aggammaangu inni?

ꞌLuuka 21:37

Baa õkõ alliman Yeesu eet ꞌCieethaa cĩ Nyekuci waathinniook vẽlẽk korriook tĩko, ma ꞌjiaat, ũũk atanguuyyia Muuraa cĩ Olivi.

ꞌLuuka 21:38

Nẽ baa au eeta vẽlẽk ngerrenita hiita hĩthĩhĩt ĩnõõnnõ ꞌCieethaa cĩ Nyekuci.

ꞌLuuka 4:20

Nĩngĩtĩ aꞌnyũũgĩ nẽẽ ꞌbuuk nẽ ittioonĩk eet ꞌcĩ ĩĩn dticciannioohit nĩngaata nẽ ũũk aau loota. Ma nĩngaata, akatti eeta vẽlẽk ꞌcĩg baag aattĩg ꞌCieethaa cĩ Laiitto ĩnõõnnõ hẽbẽrĩ,

ꞌLuuka 5:3

Ma nĩngaata, õtõd haahũl cĩ eet umwa ꞌcĩ haĩ ꞌThimõõnẽ nẽ uduhaak ĩnõõnnõ hẽẽjẽhĩ haahũl hĩdĩĩc bũlũcatõõ. Nĩngĩtĩ iccioloonganĩ haahũlatõõ nẽ illiman eeta.

Yõaannẽ 4:34

Nĩngĩtĩ ẽdẽcĩ Yeesu ĩhõõggõ annẽẽkĩ, “ꞌGẽẽn caannĩ ꞌcĩ hadĩmanĩĩ thõõth ꞌcĩ adiim Nyekuci! Baa ĩnõõnnõ ꞌcĩ ĩꞌthõõannaa nganĩĩta nẽ occa hẽdẽcaahi dtiic baa aaꞌnya nẽẽ hidticanõ.

Yõaannẽ 8:20

Baa õthõõth Yeesu thooꞌthiok iccig baa alliman eet halaangatõõ cĩ ꞌCieeth cĩ Nyekuci, ngaatĩ õbõhõõ hĩ nĩngĩtĩ iyyangꞌthĩ eeta ꞌbaaninit. Nẽẽthĩ, baa aitiõõ ẽẽtĩ ꞌcĩ aggam ĩnõõnnõ tõõ, hĩnĩngĩtĩ baa nga hõdõlan kõrra cĩnnẽẽnĩ.

Yõaannẽ 8:3

Ma nĩngaata, aꞌnyakta Variꞌtheei hĩ ꞌlimmanniook cĩg nyattaalak, ngaa umwa ꞌcĩ aggamoothĩk hĩ eet ꞌcĩ ꞌrĩĩng. Nẽ iita aanytĩk ngaa nicci hĩbĩl hõrggẽẽnaa cĩ lothippito.

Dtiicanĩ cĩg ꞌThooyyiahu 5:21

Ma baa ngerrenita, uduhunit nẽẽg halang cĩ ꞌCieeth cĩ Nyekuci hĩ baa adukiaak ĩhõõggõ nẽ iꞌthiattaaĩ ꞌlimman. Ma baa õdõlan paadĩrĩ cobbi hĩ eet cĩgĩnnĩg ko, iita utuvuyyia mõtõõnĩt cobbi lokihooa cĩ makayyiook cĩg Ĩꞌthĩraẽlĩ nẽ ĩꞌthõõcõ athegereeꞌnya hoottik ꞌthooyyiak baabuutha.