Yõaannẽ 8:18 - ꞌBuuk cĩ Thõõth cĩ Nyekuci

¹⁸ Hĩĩnĩ naa hebereec cĩ ẽlẽ caannĩ nẽ ĩĩ Baaba baa ĩꞌthõõannaa nganĩĩt hebereec umwa.”

Yõaannẽ 8:18 ပူးပေါင်းရင်းမြစ်များ

Yõaannẽ 10:11

Hĩĩnĩ naa tũhayyioohit ꞌcĩ abũnnaa. Ẽlẽmana tũhayyioohiti ꞌcĩ abũnnaa, rũgẽt cĩnnĩ, hĩnĩngĩtĩ aꞌtha cĩgĩnnĩg.

Yõaannẽ 10:14

“Hĩĩnĩ naa tũhayyioohit ꞌcĩ abũnnaa. Haga naa aꞌtha cĩgannĩg nẽ agayyia aꞌtha cĩgannĩg buúk nganĩĩta.

Yõaannẽ 10:30

Hĩĩgĩnna naag hĩ Baaba hõdẽẽthõng.”

Yõaannẽ 10:9

Hĩĩnĩ naa hattũũg cobbi. Ẽẽtĩ ꞌcĩ adukna hĩ nganĩĩta, eelliaa hatĩnĩ. Adukna hatĩ nẽẽ hattũũg cobbi nẽ uduhun ũũk battaala, hĩ aꞌthẽẽtĩ ꞌcĩ õkõ ẽgĩ mudduuny.

Yõaannẽ 11:25

Ẽdẽcĩ Yeesu tarĩ aĩ, “Nganĩĩt ꞌcĩ harũgtha eet daahĩtha nẽ haaꞌnyĩha rũgẽt. Ẽẽtĩ ꞌcĩ ẽlẽmma nganĩĩt tananga hadaak, arũgĩ hatĩnĩ.

Yõaannẽ 14:6

Ẽdẽcĩ Yeesu ĩnõõnnõ anneek, “Hĩĩnĩ naa ꞌgõõl hĩ thõõth ꞌcĩ ĩĩn dĩdĩ hĩ rũgẽt. Aitiõõ ẽẽtĩ ꞌcĩ occa õkõ hĩ Baaba, hatĩ haitiõõ naa tõõ!

Yõaannẽ 8:12

Ma baa othooꞌthio Yeesu hĩ eet tarĩ, ikia ĩĩnnĩk nẽẽ ĩhõõggõ, “Hĩĩnĩ naa lanyit cĩ looc vẽlẽk. Ẽẽtĩ ꞌcĩ anũyya nganĩĩta, aitiõõ hatĩ nẽẽ hõllõngaa õvvõ muguratõõ, ammũda hatĩ nẽẽ lanyit cĩ rũgẽtõ.”

Yõaannẽ 8:25

Ma ho, ijinit eeta cĩg ꞌJudeei Yeesu ĩĩttĩk, “Nganiit nganĩ?” Ẽdẽcĩ Yeesu ĩhõõggõ anneek, “Nganĩĩt eet baa haduhaakuung baa õõa hanneekuung, nganĩĩt Naana.

Yõaannẽ 8:38

Haduhaakuung naa ngagiit thõõth ꞌcĩ aduhaaka Baaba, haau hĩcĩ occa adĩmannu niig buúk thooꞌthiok ꞌcĩg aduhaakuung maajihu.”

Yõaannẽ 8:51

Haduhaakuung dĩdĩ, ẽẽtĩ ꞌcĩ aꞌthũũnnĩ thõõth caannĩ, aitiõõ hatĩ hõllõngaa adaahĩ ũdũt.”

Yõaannẽ 8:58

Ẽdẽcĩ Yeesu ĩhõõggõ anneek, “Haduhaakuung dĩdĩ, baa nga hittirria Abũrahamĩ haau naa ẽlẽk!”

Ebereei 2:4

Aduha Nyekuci nẽẽ dẽẽdẽ aĩ thõõth ꞌcĩ ĩĩn dĩdĩ cieeni, ꞌgõõlaa ꞌcĩ adticanĩ thooꞌthiok ꞌcĩg mẽẽlĩg ꞌcĩg ĩnaat eeta nẽ aaꞌnyĩk eet Lori ꞌcĩ Ẽllẽẽmĩth hĩ ꞌbaaninit hĩcĩ adiim nẽẽnĩ.