Yõaannẽ 8:12 - ꞌBuuk cĩ Thõõth cĩ Nyekuci

¹² Ma baa othooꞌthio Yeesu hĩ eet tarĩ, ikia ĩĩnnĩk nẽẽ ĩhõõggõ, “Hĩĩnĩ naa lanyit cĩ looc vẽlẽk. Ẽẽtĩ ꞌcĩ anũyya nganĩĩta, aitiõõ hatĩ nẽẽ hõllõngaa õvvõ muguratõõ, ammũda hatĩ nẽẽ lanyit cĩ rũgẽtõ.”

Yõaannẽ 8:12 ပူးပေါင်းရင်းမြစ်များ

Maatteeo 5:14

“Aattiyyu niig hĩ lanyit cĩ looc vẽlẽk. ꞌTaaũnĩ cobbi ꞌcĩ ẽhẽnytĩ muura hujjieen, hõllõngaa aguꞌthi ũdũt.

ꞌLuuka 2:32

Ĩĩn nẽẽ lanyit ꞌcĩ eterꞌtheek loonyin vẽlẽk thõõth cunni, nẽ aꞌnyahaak hatĩ eet cugunnig Ĩꞌthĩraẽl bulẽẽnĩt.”

Yõaannẽ 12:35

Ẽdẽcĩ Yeesu ĩhõõggõ anneek, “Aaĩ hatĩ lanyit hĩ ngagiit ꞌthaa ꞌcĩ huturi haaga. Õtõõc nga aꞌnyaku lanyit, nga hikia muguuri hĩ ngagiita. Ẽẽtĩ ꞌcĩ õvvõ muguratõõ, ẽrẽk nĩngĩtĩ õkõõĩ.

Yõaannẽ 12:36

Elemit lanyit nga arũmeennu ho nẽ hatĩ iita iittu lõhõlĩ cĩg lanyitaak.” Ma baa ẽdẽcaak Yeesu thõõth, ikia ũũk nẽẽ utuguny ẽlẽ cĩnnĩ.

Yõaannẽ 12:46

Baa hakuu naa loota nĩnga hĩĩ lanyit, hatĩ hiittiõõ eeta ꞌcĩg ẽlẽmma nganĩĩt hõllõngaa aattĩg muguratõõ.

Yõaannẽ 14:6

Ẽdẽcĩ Yeesu ĩnõõnnõ anneek, “Hĩĩnĩ naa ꞌgõõl hĩ thõõth ꞌcĩ ĩĩn dĩdĩ hĩ rũgẽt. Aitiõõ ẽẽtĩ ꞌcĩ occa õkõ hĩ Baaba, hatĩ haitiõõ naa tõõ!

Yõaannẽ 3:19

“Ikia lanyit loota nĩnga ẽlẽk nẽ eeta ꞌcĩg adĩman thooꞌthiok ꞌcĩg abathĩ, etteeddiothoothĩk thooꞌthioha ꞌcĩg abathĩ ĩhõõggõ ẽlẽk, hĩnĩngĩtĩ ammĩnan nẽẽg muguur hĩllõõan lanyit.

Yõaannẽ 7:17

Má atab ẽẽtĩ umwaa adĩman tabiinit cĩ Nyekuci, aku hatĩ aga nẽẽ ma aku ꞌlimmanĩ caannĩ ho hĩ Nyekuc, hode hothoothi naa ẽmmẽn.

Yõaannẽ 9:5

Nẽ hĩcĩ nga haaĩ naa loota nĩnga ho, hĩĩnĩ naa lanyit cĩ looc nicci.”

Dtiicanĩ cĩg ꞌThooyyiahu 13:47

hĩnĩngĩtĩ baa aaꞌnyeet ngagĩĩt Makayyioohiti tilooinit icci aĩ, “Haaꞌnyuung naa ngagiit, ĩĩtõ lanyit cĩ eet ꞌcĩg hõllõngaa ĩĩn ꞌJudeei. Ootti eliinit cĩ Nyekuci õõt illimatteek eet loonyini vẽlẽk loota nĩnga.”

Dtiicanĩ cĩg ꞌThooyyiahu 26:23

Baa haduhaahi ĩhõõggõ ꞌgõõl baa appĩĩrnanĩ Krĩstõ hikia hũrũga daahĩthaa ĩcĩ oou, hátĩ haꞌnyahaak eet cĩgĩnnĩg lanyit hĩ eet ꞌcĩg hõllõngaa ĩĩn ꞌJudeei.”

2 Pẽẽtũrũ 2:17

Aattĩg eeta cieeg hĩ hẽbẽrĩ cĩg hidiowwaak ꞌcĩg odohohit vẽr nẽ tarĩ, aauto hĩ diiꞌthioha ꞌcĩg uuhan ngõõtĩ. Baa ũkũmanẽẽhĩ Nyekuci ĩhõõggõ nĩngĩtĩ ĩĩn muguur ꞌcĩ hollitup.

2 Pẽẽtũrũ 2:4

Hĩnĩngĩtĩ baa hõllõngaa ammaannĩk Nyekuci aajĩlẽẽt baa ẽꞌthẽcanĩ. Baa ẽcẽb nẽẽ ĩhõõggõ muguuratõõ nẽ udhuheek ꞌgwoyyiaa ꞌcĩ aalla ũdũt, ĩꞌthõng kõr ꞌcĩ hatĩ ẽttẽẽdĩ nẽẽ thooꞌthiok cĩggĩĩng.

1 Yõaannẽ 1:6

Má haĩ naag hõthõl rũgẽt hĩ Nyekuc nẽ aalla nga haattĩg muguuratõõ noho, hõõlõng naag thõng nẽ hõllõngaa haattĩg thõõthaa ꞌcĩ ĩĩn dĩdĩ.

ꞌJuud 1:13

Attiran eeta ꞌcĩg abũrĩ Nyekuc aattĩg hĩ tawanĩ, ꞌcĩ attarraak tahaha dẽmẽtaa cĩ liilu. Aꞌnyaha dtiicanĩ cĩggĩĩng ꞌcĩg abathĩ ho, ngaaoni. Aattĩg nẽẽg hĩ mũnyũnya ꞌcĩg arahanit ꞌcĩg õõt udtuuttĩk muguuraa cobbi gẽrrẽẽt ĩĩcĩ aalla ooo.

ꞌJuud 1:6

Nẽ agayyu niig buúk thõõth cĩ aajĩlẽẽt baag hõllõngaa adtican dtiic cĩnĩĩng, nĩngĩtĩ ũũnnĩkĩ nĩngĩtĩ nĩĩng cĩ dtiico. Baa ẽcẽb Nyekuci ĩhõõggõ nyerikooꞌnyanĩĩ ꞌcĩg aalla ooo nẽ ꞌyioko nga aalla aaꞌnyĩk Nyekuci ĩhõõggõ haauto ꞌlõõhĩtĩĩ ꞌcĩg ĩĩn muguur, ĩꞌthõng hatĩ kõr cĩ decciaanĩt cĩ lootu, ꞌcĩ hatĩ aku ẽttẽẽdĩ nẽẽ thooꞌthiok cĩg eetuk.

Terethiinit 21:24

Õvvõ hatĩ eeta cĩg lootu vẽlẽk lanyitaa ꞌcĩ aara ho nẽ au hatĩ habuẽẽta cĩg lootu vẽlẽk, aꞌnyaha baliinit cĩnĩĩng nĩngaata.