Yõaannẽ 8:11 - ꞌBuuk cĩ Thõõth cĩ Nyekuci

¹¹ Ẽdẽcĩ ngaa nicciee Yeesu anneek, “Eei Makayyioohit, õõt eeta vẽlẽk hiꞌthihi eet ꞌcĩ nga aaĩ.” Nĩngĩtĩ aduhaakĩ Yeesu ngaa nicci annẽẽkĩ, “Aitiõõ naa buúk hõllõngaa habilli nganiita. Bĩtõ, ma nga hõkõ hẽꞌthẽcani tarĩ.”

Yõaannẽ 8:11 ပူးပေါင်းရင်းမြစ်များ

ꞌLuuka 13:3

Haduhaakuunga, má hõllõngaa uunniku niig ꞌgõõl cĩ ꞌthẽccanẽẽt cugguung, acuddiaannu hatĩ hĩĩ lõõcĩ ꞌthĩĩ!

ꞌLuuka 13:5

Huduhaahuung dĩdĩ, má hõllõngaa uunniku niig buúk ꞌgõõl cĩ ꞌthẽccanẽẽt cugguung, adaaknu hatĩ niig buúk hĩ nẽẽgĩ.”

ꞌLuuka 15:10

Haduhaakuunga, ꞌgõõlaa ꞌcĩ aaĩ hoti, atalĩ hatĩ aajĩlẽẽta cĩg Nyekuci, hĩnĩngĩtĩ ꞌthẽccannioohit hõdẽẽthõng ꞌcĩ ũtũngeek ꞌgõõl cĩ ꞌthẽccaneetu.”

ꞌLuuka 15:32

Nẽẽthĩ, hatalit nẽ haccamattoothĩk gẽrrẽẽt, hĩnĩngĩtĩ baa aau ꞌgotonu hĩ ẽẽtĩ ꞌcĩ adaak ẽlẽk nẽ ꞌyioko ũrũga daahĩtha. Baa iꞌnginõõthĩ nẽ ꞌyioko ummuddia.’ ”

ꞌLuuka 15:7

“Haduhaakuunga, ꞌgõõlaa ꞌcĩ aaĩ hoti, aaĩ hatĩ taliiniti cobbi gẽrrẽẽt hẽẽtahujjieen, hĩnĩngĩtĩ ꞌthẽccannioohit hõdẽẽthõng ꞌcĩ ũtũngeek ꞌthẽccan cĩnnĩ, hĩllõõan eet hẽẽn tũrkũwwec hĩ tũrkũwwec ꞌcĩg abũnnaa ꞌcĩg iittiõõ hõllõngaa adiim tũngẽẽnĩt cĩ ꞌthẽccaneetu.”

ꞌLuuka 5:32

Baa hõllõngaa hakuu naa, hĩnĩngĩtĩ eet ꞌcĩg abũnnaa. Hakuu naa hikia hẽẽla ꞌthẽccanniook hũtũngteek ꞌthẽccanẽẽt cĩggĩĩng.”

ꞌLuuka 9:56

nĩngĩtĩ õõĩ õlõõ ꞌcĩ ꞌrĩĩng.

Yõaannẽ 18:36

Ma ho, ẽdẽc Yeesu ĩĩnnĩk, “Hõllõngaa ĩĩn habuccieet caannĩ cĩ looc nicci. Má baa hĩĩ habuccieet caannĩ cĩ looc nicci, occa baa iita eelliawaa dticcianniooha cĩgannĩg nganĩĩt, hiittiõõ hõllõngaa aggamma eeta cĩg ꞌJudeei. Nẽẽthĩ ꞌyioko, aku habuccieet caannĩ looccaa umwaanĩ.”

Yõaannẽ 3:17

Baa hõllõngaa ĩꞌthõõa Nyekuci Ngeerĩnĩ loota nĩnga, hikia huuk eet cĩg looc nicci thõng, baa ĩꞌthõõa nẽẽ ĩnõõnnõ hikia hẽẽla ĩhõõggõ thõng.

Yõaannẽ 5:14

Ma baa urutaa cĩnnĩ, ũmmũdaak Yeesu eet nicci ꞌCieethaa cĩ Nyekuci nẽ ĩĩnnĩk, “Cĩĩn nõõ, ũbũnauu thĩ ꞌyioko niina. Ma nga hadĩmani ꞌthẽccan nẽ hatĩ õbõdaahi bathi ꞌcĩ ĩllõõan baa oou.”

Yõaannẽ 8:15

Etteeddu niig thooꞌthiok hĩ eeta cĩg looc nicci nẽ hõllõngaa hetteedi naa thõõth cĩ eet umwa.

ꞌRooma 2:4

Hode arannĩ tarbalꞌthẽẽt cĩ Nyekuci, hĩ temeethi cĩnnĩ nẽ hõllõngaa iiyyelaa ngaatĩ okooyyi tarbalꞌthẽẽt cĩ Nyekuci, hátĩ tũngeek ꞌthẽccanẽẽt cugunnig?

1 Korinthia 5:12

Inni hetteedĩk naa eet ꞌcĩg hõllõngaa ĩĩn lemmiook thõõth ko? Hõllõngaa nooyyia occa etteediku niig eet ꞌcĩg ĩĩn lemmiook dioo thõõth?

2 Pẽẽtũrũ 3:15

Má hataarroꞌthu ngaatĩ ereeini Makayyioohiti, hĩnĩngĩtĩ adiim nẽẽ eet vẽlẽk heellia. Thõõth baa aduha ꞌgõtõõnẽẽtĩ cĩnaac Paaulo buúk ciee, baa ẽhẽẽdakuung waraga ꞌgẽẽnyĩthaa baa aaꞌnyĩk Nyekuci ĩnõõnnõ.