Yõaannẽ 7:6 - ꞌBuuk cĩ Thõõth cĩ Nyekuci

⁶ Nĩngĩtĩ ẽdẽcĩ Yeesu ĩhõõggõ annẽẽkĩ, “Nga hũttũbanoothĩk nganĩĩt kõrra caannẽẽnĩ. Abũnnaa hĩ ngagiit korriooha vẽlẽk.

Yõaannẽ 7:6 ပူးပေါင်းရင်းမြစ်များ

Maatteeo 26:18

Ẽdẽcĩ Yeesu ĩhõõggõ anneek, “Õõt ꞌtaaũna, ummuddioothĩk eet umwa, uduktaak ĩnõõnnõ ĩĩttĩk, ‘Aĩ ꞌlimmannioohiti, õbõhĩ kõrra caannẽẽnĩ. Hõkõ hadahi naa Kõr cĩ Haangittõõ hĩ nuyyiook cĩgannĩg õlõõ cunni.’ ”

Yõaannẽ 13:1

Ma õõa cĩ Karrama cĩ Kõr cĩ Haangittõõ, baa aga Yeesu ngaatĩ ũttũbanõõthĩhĩ kõrra ꞌcĩ occa ũũnnĩkĩ nẽẽ looc nicci nẽ õbõdõõthĩ hĩ Maaꞌnyĩ. Baa ammĩnan nẽẽ nuyyiook cĩgĩnnĩg ꞌcĩg aattĩg loota nĩnga gẽrrẽẽt, ĩꞌthõng hadaak nẽẽnĩ.

Yõaannẽ 17:1

Ma baa ẽdẽcaak Yeesu thõõth ꞌcĩ aduhaak nuyyiook cĩgĩnnĩg ko, ikia ĩcĩnõõthĩ hẽẽtkujjieen nẽ alaõ ĩĩ, “Baaba, õdõlan kõrra ꞌcĩ abulꞌthĩ nii Ngeeruni, hátĩ hubuluthii Ngeeruni nganiit buúk.

Yõaannẽ 2:4

Ẽdẽcĩ Yeesu aattĩnnĩ anneek, “Morwahit, nga hõdõlan ꞌthaa ꞌcĩ occa hadticanĩĩ naa thõõth umwa. Ma haduhaakaa dtiic ꞌcĩ occa hadticani.”

Yõaannẽ 7:30

Ma nĩngaata, atabit aggamit makayyiooha Yeesu, nẽẽthĩ hinnia, baa hiꞌthihi eet ꞌcĩ ahumeek ĩnõõnnõ aꞌthiit, hĩnĩngĩtĩ baa nga hũttũbanoothĩk kõrra cĩnnẽẽnĩ.

Yõaannẽ 7:8

Õõt kõrra cobbi, nga hũũk naa Karramaawa, hĩnĩngĩtĩ nga hũttũbanoothĩk kõrra caannẽẽnĩ.”

Yõaannẽ 8:20

Baa õthõõth Yeesu thooꞌthiok iccig baa alliman eet halaangatõõ cĩ ꞌCieeth cĩ Nyekuci, ngaatĩ õbõhõõ hĩ nĩngĩtĩ iyyangꞌthĩ eeta ꞌbaaninit. Nẽẽthĩ, baa aitiõõ ẽẽtĩ ꞌcĩ aggam ĩnõõnnõ tõõ, hĩnĩngĩtĩ baa nga hõdõlan kõrra cĩnnẽẽnĩ.

Dtiicanĩ cĩg ꞌThooyyiahu 1:7

Baa ẽdẽcĩ Yeesu ĩhõõggõ anneek, “Hõllõngaa ĩĩn thõõth ꞌcĩ occa agayyu niig ꞌthaa hode nyĩlõhĩ cĩgĩnnĩg cieeni. Baaba dioo ꞌcĩ aga ꞌtirriaanaa cĩnnĩ.