Yõaannẽ 7:32 - ꞌBuuk cĩ Thõõth cĩ Nyekuci

³² Ma baa athĩhĩ Variꞌtheei eet ngaatĩ õꞌngõmtĩ thõõth ꞌcĩ Yeesu lothippitatõõ ho, iita ulutti hĩ makayyiook cĩg paadĩrꞌnyaannu nẽ ĩꞌthõõcõ athegereeꞌnya ꞌcĩ ẽbẽk ꞌCieeth cĩ Nyekuci hõõt haggamit Yeesu.

Yõaannẽ 7:32 ပူးပေါင်းရင်းမြစ်များ

Maatteeo 12:14

Ma ho, õõt utuhanit Variꞌtheei ꞌgõõl ꞌcĩ adiim aruhi Yeesu.

Maatteeo 23:13

“Pĩĩrnanĩt hĩ ngagiit ꞌlimmanniook cĩg nyattal cĩ Mũũꞌtha hĩ Variꞌtheei, niig oloꞌngiaaha cieegi! Aꞌnyuuggu niig habuccieet cĩ hẽẽtkujjieen hẽbẽrẽẽnnĩĩ cĩg eetuk. Nẽ aitiõõ niig hõllõngaa occa aduhunnu habuccieet cĩ hẽẽtkujjieen hode ẽlẽmaaku eet ꞌcĩg adiim aduhuni.

Maatteeo 26:58

Nẽẽthĩ, baa anũ Pẽẽtũrũ ĩnõõnnõ ngadiiha hĩdĩhĩdĩĩc, ĩꞌthõng hõdõlan ꞌcieeth ꞌcĩ aayyi paadĩrĩ cobbi ho. Baa aduhun nẽẽ nẽ ũũk aau loota ũrũmtĩ hĩ bekioohit, aĩ hatĩ hĩcĩn õõ occa hatĩ adahĩ eeta Yeesu neegi.

Yõaannẽ 11:46

Baa hinnia õõ aduhaak eeta cĩg ꞌJudeei ũgẽẽgĩ Variꞌtheei thooꞌthiok ꞌcĩg baag adĩman Yeesu.

Yõaannẽ 12:19

Nĩngĩtĩ õthõõthõnĩ Variꞌtheei ẽmmẽn aĩnnĩ, “Iittiõõ ꞌgii ꞌcĩ occa nga hadĩman naag tõõ. Ĩcĩnĩt nõõ ngaatĩ anũĩ eeta vẽlẽk Yeesu!”

Yõaannẽ 18:3

Ma nĩngaata, ikia ꞌJuuda hẽẽnĩĩ ĩtĩko, õõkõra hĩ athegereeꞌnya hĩ makayyiook ũgĩ ꞌcĩg au hĩ makayyiook cĩg paadĩrꞌnyaannu hĩ Variꞌtheei. Baa attũlla nẽẽg ꞌgwoyyiẽẽn nẽ aꞌnyaha hĩbahĩꞌnya hĩ dĩlaꞌnya.

Yõaannẽ 7:30

Ma nĩngaata, atabit aggamit makayyiooha Yeesu, nẽẽthĩ hinnia, baa hiꞌthihi eet ꞌcĩ ahumeek ĩnõõnnõ aꞌthiit, hĩnĩngĩtĩ baa nga hũttũbanoothĩk kõrra cĩnnẽẽnĩ.

Dtiicanĩ cĩg ꞌThooyyiahu 5:26

Nĩngĩtĩ ĩꞌngaannĩ makayyioohiti cĩ athegereeꞌnyanu hĩ athegereeꞌnya nẽ ũũk aꞌnyaha ꞌthooyyiak. Nẽẽthĩ, baa hõllõngaa õõ agurra ĩhõõggõ ꞌtirriaana, hĩnĩngĩtĩ baa iꞌngolli pee ngaatĩ hatĩ avvirriicanĩ eeta ĩhõõggõ biyyiẽẽnĩ.