Yõaannẽ 7:31 - ꞌBuuk cĩ Thõõth cĩ Nyekuci

³¹ Baa mẽẽlĩg eeta ꞌcĩg ẽlẽmĩ ĩnõõnnõ lothippitatõõ ꞌCieethaa cĩ Nyekuci. Nĩngĩtĩ aĩnnĩ, “Ma ikia Krĩstõ, ammuku niig aku occa hatĩ adtican thooꞌthiok ꞌcĩg ĩnaat eeta ꞌcĩg ĩllõõan ꞌcĩg adtican ẽẽtĩ cieeni?”

Yõaannẽ 7:31 ပူးပေါင်းရင်းမြစ်များ

Maatteeo 12:23

Ma nĩngaata ikia ubulan thõõth ciee eet gẽrrẽẽt nẽ ijitto ĩĩtõ, “Ĩĩn occa ẽẽtĩ ciee Ngeertĩ Daavide?”

ꞌLuuka 8:13

Nẽ hinyomona ꞌcĩg ĩꞌthanothoothĩk ꞌthẽhẽhĩ ho, ĩthakꞌthoothĩk eet ꞌcĩg athĩhĩ thõõth cĩ Nyekuci taliitta nẽ itiwiillik ĩĩcĩ deeccwaanu. Ẽlẽmĩ nẽẽg Nyekuc ꞌthaa ꞌcĩ huturi haaga, ma aku ꞌtĩmmanĩ ho, ataarriothĩ thõõth cĩnnĩ.

Yõaannẽ 11:45

Iita elemit eeta cĩg ꞌJudeei ꞌcĩg mẽẽlĩg ꞌcĩg baag au acĩn Maria Yeesu, hĩnĩngĩtĩ ĩcĩnĩt nẽẽg thooꞌthiok baag adĩman nẽẽnĩ.

Yõaannẽ 12:11

hĩnĩngĩtĩ thõõth baa arũgthaanĩ Yeesu ĩnõõnnõ daahĩtha, ꞌcĩ baa aaꞌnyĩk eeta cĩg ꞌJudeei ꞌcĩg mẽẽlĩg hũtũngteek makayyiook cĩg paadĩrꞌnyaannu nẽ elemit Yeesu.

Yõaannẽ 12:42

Nẽẽthĩ, kõr niccia noho, baa mẽẽlĩg makayyiooha cĩg ꞌJudeei ꞌcĩg ẽlẽmĩ Yeesu. Nẽẽthĩ hinnia, baa hõllõngaa ẽdẽẽnya nẽẽg lemiinit cĩnĩĩng, hĩnĩngĩtĩ iꞌngolli Variꞌtheei ꞌcĩg occa iiggiawaak ĩhõõggõ battaala ꞌCieethaa cĩ Laiitto.

Yõaannẽ 2:11

Thõõth ꞌcĩ baa adtican Yeesu ĩĩcĩ oou, ꞌcĩ ĩnaat eeta ho cieeni. Baa adtican nẽẽ thõõth icci, õlõõ cĩ Kana, looccaa cĩ ꞌGalileea. Ikia ẽtẽrẽtha Yeesu bulẽẽnĩt cĩnnĩ õlõõ nĩĩca nẽ iita elemit nuyyiooha cĩgĩnnĩg ĩnõõnnõ, hĩnĩngĩtĩ thõõth icci.

Yõaannẽ 3:2

Ma kõr umwa baal, ũũk ũmmũdoothĩk nẽẽ Yeesu nẽ ĩĩnnĩk, “ꞌLimmannioohit, hagayya naag ĩĩnĩ nii ꞌlimmannioohit ꞌcĩ ĩꞌthõõannii Nyekuci, aĩ ijjia ꞌlimmaneet ngagĩĩta. Aitiõõ ẽẽtĩ ꞌcĩ occa adĩman thooꞌthiok ꞌcĩg ĩnaat eeta ho, hatĩ aitiõõ Nyekuci hĩ ĩnõõnnõ tõõ.”

Yõaannẽ 4:29

“Iita ĩcĩnĩt eet umwa ꞌcĩ aduhaaka thõõth vẽlẽk ꞌcĩ baa hĩdĩmana naana! Krĩstõ occa nẽẽnĩ?”

Yõaannẽ 4:39

Baa au ẽlẽmĩ eeta ꞌcĩg mẽẽlĩg cĩg Thamaria ꞌtaaũnaa tĩho Yeesu, hĩnĩngĩtĩ thõõth ꞌcĩ aduhaak ngaa ĩhõõggõ anneek, “Aduhaaka ẽẽtĩ ciee thõõth vẽlẽk ꞌcĩ gõõng hadĩmani naana.”

Yõaannẽ 6:2

Baa anũ ĩnõõnnõ lothippiti cobbi gẽrrẽẽt ꞌgõõlaa ꞌcĩ õkõõĩ nẽẽnĩ, hĩnĩngĩtĩ ĩcĩn lothippiti thooꞌthiok ꞌcĩg ĩnaat eeta ꞌcĩg aaꞌnyĩkĩ Yeesu eet ꞌcĩg õmmõõrĩ hũbũttaathõ.

Yõaannẽ 7:26

Ĩcĩnĩt nõõ ngaatĩ irriõõnĩ lothippita nẽ ẽbẽk eeta noho. Ammuku niig occa ꞌthẽk ĩĩtõ makayyiooha cĩggaac ko, ĩĩn nẽẽ Krĩstõ dĩdĩ?

Yõaannẽ 9:16

Nĩngĩtĩ aĩnnĩ Variꞌtheei ũgẽẽgĩ, “Aitiõõ ẽẽtĩ ciee hõllõngaa aku hĩ Nyekuc, hĩnĩngĩtĩ hõllõngaa aꞌthũũnnĩ nẽẽ Kõr cĩ ꞌYiommaanõ.” Baa hinnia õthõõth Variꞌtheei ũgẽẽgĩ aĩ, “Aga gõõng ẽẽtĩ ꞌcĩ ĩĩn ꞌthẽccannioohit ngaatĩ adĩmanĩ thooꞌthiok ꞌcĩg ĩnaat eeta hutuno?” Nĩngĩtĩ eꞌngeriini lothippiti cĩ Variꞌtheei.

Dtiicanĩ cĩg ꞌThooyyiahu 8:13

Nẽ baa ikia ẽlẽmõ ꞌThimõõnẽ buúk, nĩngĩtĩ aggamĩ baattithimo. Ma nĩngaata, ũnũ nẽẽ Pilippo ꞌgõõlaa ꞌcĩ õkõõĩ, hĩnĩngĩtĩ thooꞌthiok ꞌcĩg ĩnaat eeta ꞌcĩg acĩn nẽẽnĩ.

ꞌJeemith 2:26

Hĩ ẽlẽ ꞌcĩ adaahĩ hĩnĩngĩtĩ aitiõõ lorii tõõ, nẽẽthĩ, lemiiniti ꞌcĩ aitiõõ dtiicanĩ ꞌcĩg abũnnaa tõõ, ĩĩn lemiinit ꞌcĩ adaaha.