Yõaannẽ 7:30 - ꞌBuuk cĩ Thõõth cĩ Nyekuci

³⁰ Ma nĩngaata, atabit aggamit makayyiooha Yeesu, nẽẽthĩ hinnia, baa hiꞌthihi eet ꞌcĩ ahumeek ĩnõõnnõ aꞌthiit, hĩnĩngĩtĩ baa nga hũttũbanoothĩk kõrra cĩnnẽẽnĩ.

Yõaannẽ 7:30 ပူးပေါင်းရင်းမြစ်များ

Maatteeo 12:14

Ma ho, õõt utuhanit Variꞌtheei ꞌgõõl ꞌcĩ adiim aruhi Yeesu.

Maatteeo 21:46

Nĩngĩtĩ atarraabanĩ nẽẽg ꞌgõõl ꞌcĩ adiim ababuuthanĩ ĩnõõnnõ, nẽẽthĩ hinnia, baa itieelli nẽẽg lothippit, hĩnĩngĩtĩ baa ammuk lothippiti aĩ, ĩĩn Yeesu põrõvẽtaac.

Maarko 11:18

Ma baa athĩhĩ makayyiooha cĩg paadĩrꞌnyaannu hĩ ꞌlimmanniook cĩg nyattal cĩ Mũũꞌtha thõõth icci ho, iita atarrabanit ꞌgõõl ꞌcĩ adiim aruhi Yeesu. Nẽ baa itieelli nẽẽg ĩnõõnnõ, hĩnĩngĩtĩ baa mẽẽlĩg eeta ꞌcĩg abulan ꞌlimmanĩ cĩnnĩ ho gẽrrẽẽt.

ꞌLuuka 20:19

Nĩngĩtĩ adiim adhuhẽẽkĩ ꞌlimmanniooha cĩg nyattaalak hĩ makayyiook cĩg paadĩrꞌnyaannu Yeesu baabuuth nĩĩcĩ noho, hĩnĩngĩtĩ baa aga nẽẽg ngaatĩ ĩĩnnĩ ĩhõõggõ ꞌcĩg awanteek Yeesu thõõth icci ho. Nẽẽthĩ, baa itieelli nẽẽg eeta.

ꞌLuuka 22:53

Ma gõõng harũmĩ naag hĩ ngagiit hõdõõkõthĩ halangatõõ cĩ ꞌCieeth cĩ Nyekuci nẽ hiꞌthihi eet ꞌcĩ ahumma buúk. Nẽẽthĩ, ĩĩ hatĩ kõr cunuung ciee ꞌcĩ aggamĩ muguuri looc ko?”

Yõaannẽ 10:31

Ma nĩngaata noho, uuratta makayyiooha cĩg ꞌJudeei biyyiẽẽn ꞌcĩg adiim õhõdaanĩ Yeesu.

Yõaannẽ 10:39

Ma nĩngaata, idiimito eeta cĩg ꞌJudeei aggamit Yeesu tarĩ, alĩĩta hinnia Yeesu ĩhõõggõ thõng.

Yõaannẽ 11:57

Nẽẽthĩ, baa ĩꞌthõõcõ makayyiooha cĩg paadĩrꞌnyaannu hĩ Variꞌtheei nyeemuut ꞌcĩ aĩ, má udtuuha eet umwaa nĩngĩtĩ aayyi Yeesu, aꞌnyĩĩk huduha hatĩ haggamĩ.

Yõaannẽ 7:19

Nga nooyyia haaꞌnyuung ngagiit Mũũꞌtha nyattal cĩ Nyekuci? Nẽẽthĩ, hiꞌthihi eet ꞌcĩ aꞌthũũnnĩ nyattal tĩho inni? Ma ꞌyioko nganĩĩt, adiim aruhaannaangu ne?”

Yõaannẽ 7:32

Ma baa athĩhĩ Variꞌtheei eet ngaatĩ õꞌngõmtĩ thõõth ꞌcĩ Yeesu lothippitatõõ ho, iita ulutti hĩ makayyiook cĩg paadĩrꞌnyaannu nẽ ĩꞌthõõcõ athegereeꞌnya ꞌcĩ ẽbẽk ꞌCieeth cĩ Nyekuci hõõt haggamit Yeesu.

Yõaannẽ 7:6

Nĩngĩtĩ ẽdẽcĩ Yeesu ĩhõõggõ annẽẽkĩ, “Nga hũttũbanoothĩk nganĩĩt kõrra caannẽẽnĩ. Abũnnaa hĩ ngagiit korriooha vẽlẽk.

Yõaannẽ 7:8

Õõt kõrra cobbi, nga hũũk naa Karramaawa, hĩnĩngĩtĩ nga hũttũbanoothĩk kõrra caannẽẽnĩ.”

Yõaannẽ 8:20

Baa õthõõth Yeesu thooꞌthiok iccig baa alliman eet halaangatõõ cĩ ꞌCieeth cĩ Nyekuci, ngaatĩ õbõhõõ hĩ nĩngĩtĩ iyyangꞌthĩ eeta ꞌbaaninit. Nẽẽthĩ, baa aitiõõ ẽẽtĩ ꞌcĩ aggam ĩnõõnnõ tõõ, hĩnĩngĩtĩ baa nga hõdõlan kõrra cĩnnẽẽnĩ.

Yõaannẽ 8:37

Haga naa iiginnu niig lõhõlĩ cĩg Abũrahamĩ. Nẽ adiimmu hinnia arukaangu nganĩĩt thõng, hĩnĩngĩtĩ hõllõngaa elemmu niig thõõth caannĩ.

Yõaannẽ 8:59

Ma nĩngaata, uuratta nẽẽg biyyiẽẽn ꞌcĩg adiim õhõdaanĩ Yeesu hadaak. Nĩngĩtĩ aguꞌthẽẽnĩ Yeesu nẽ uduhuna battaala ꞌCieethaa cĩ Nyekuci.

Yõaannẽ 9:4

Hĩcĩ nga ĩĩn lõõcĩ waathĩn ko, hidticanit thõõth cĩ eet baa ĩꞌthõõannaa nganĩĩta. Ma ikia baalini, iittiõõ eet ꞌcĩ adticanni tõõ.