Yõaannẽ 7:26 - ꞌBuuk cĩ Thõõth cĩ Nyekuci

²⁶ Ĩcĩnĩt nõõ ngaatĩ irriõõnĩ lothippita nẽ ẽbẽk eeta noho. Ammuku niig occa ꞌthẽk ĩĩtõ makayyiooha cĩggaac ko, ĩĩn nẽẽ Krĩstõ dĩdĩ?

Yõaannẽ 7:26 ပူးပေါင်းရင်းမြစ်များ

Maatteeo 22:16

Ma ho, ĩꞌthooyyia nẽẽg nuyyiook cĩggĩĩng hõdẽĩ hĩ eet cĩg Ẽrõõdẽ, hiita hĩ ĩnõõnnõ. Iita uduktaak nẽẽg ĩnõõnnõ ĩĩttĩk, “ꞌLimmannioohit, hagayyi naag ĩĩnĩ eet ꞌcĩ abũnnaa nẽ allimani thõõth cĩ Nyekuci ꞌgõõlaa ꞌcĩ ĩĩn dĩdĩ. Acini nii eet vẽlẽk ꞌgõõlaa ꞌcĩ aduhõõ thõng nẽ hagayyia ngaatĩ hõllõngaa ũũhũĩ thõõth ꞌcĩ allimani, hĩnĩngĩtĩ thooꞌthiok ꞌcĩg aduhaaki eeta ꞌcĩg obbitig nganiita.

ꞌLuuka 23:13

Ma ho, ũtũvva Pĩlaatõ makayyiook cĩg paadĩrꞌnyaannu hĩ cĩg eetuk,

ꞌLuuka 7:30

Baa hinnia abũrĩ Variꞌtheei hĩ ꞌlimmanniook cĩg nyattaalak thõõth cĩ Nyekuci, hĩnĩngĩtĩ baa nga haggameek Yõaannẽ ĩhõõggõ baattithimo.

Yõaannẽ 12:42

Nẽẽthĩ, kõr niccia noho, baa mẽẽlĩg makayyiooha cĩg ꞌJudeei ꞌcĩg ẽlẽmĩ Yeesu. Nẽẽthĩ hinnia, baa hõllõngaa ẽdẽẽnya nẽẽg lemiinit cĩnĩĩng, hĩnĩngĩtĩ iꞌngolli Variꞌtheei ꞌcĩg occa iiggiawaak ĩhõõggõ battaala ꞌCieethaa cĩ Laiitto.

Yõaannẽ 18:20

Nẽẽthĩ, baa ẽdẽcĩ Yeesu ĩnõõnnõ anneek, “Baa haduhaahi naa eet thõõth cũrũmũũm muumtinii cĩggĩĩng vẽlẽk. Nẽ hillimana ĩhõõggõ hõdõõkõthĩ ꞌCieethinii cĩg Laiittak hĩ ꞌCieethaa cĩ Nyekuci, nga gõõng alũtẽẽnĩ eeta cĩggaac vẽlẽk hõdẽĩ. Nẽ nga huduha thõõth umwa ĩĩcĩ burki.

Yõaannẽ 3:1

Baa aaĩ eet umwaa ꞌcĩ haĩ ꞌthaar cĩgĩnnĩg Nikodemo, ꞌcĩ baa ĩĩn Variꞌtheenit nẽ baa ĩĩn nẽẽ buúk eet ꞌcĩ aku makayyioohĩĩ cĩg ꞌJudeei.

Yõaannẽ 4:29

“Iita ĩcĩnĩt eet umwa ꞌcĩ aduhaaka thõõth vẽlẽk ꞌcĩ baa hĩdĩmana naana! Krĩstõ occa nẽẽnĩ?”

Yõaannẽ 7:25

Ma nĩngaata, iꞌthiattaaĩ eeta ũgẽẽgĩ cĩg ꞌJeruꞌthalẽmĩ ijitto ĩĩtõ, “Hõllõngaa nooyyia eet ꞌcĩ adiim aruk eeta ho cieeni?

Yõaannẽ 7:31

Baa mẽẽlĩg eeta ꞌcĩg ẽlẽmĩ ĩnõõnnõ lothippitatõõ ꞌCieethaa cĩ Nyekuci. Nĩngĩtĩ aĩnnĩ, “Ma ikia Krĩstõ, ammuku niig aku occa hatĩ adtican thooꞌthiok ꞌcĩg ĩnaat eeta ꞌcĩg ĩllõõan ꞌcĩg adtican ẽẽtĩ cieeni?”

Yõaannẽ 7:48

ꞌYioko occa aau makayyioohiti umwaa hode Variꞌtheeniti ꞌcĩ ẽlẽm ĩnõõnnõ?

Yõaannẽ 9:22

Baa õthõõth maaꞌnyia hĩ aattĩnnĩ hoti, hĩnĩngĩtĩ baa iꞌngolli nẽẽg eet cĩg ꞌJudeei, hĩnĩngĩtĩ baa aarrik nẽẽg thõõth ꞌcĩ iiggiaẽẽkĩ eet ꞌcĩ ẽlẽmĩ aĩ ĩĩn Yeesu Krĩstõ ho, ꞌCieethaa cĩ Laiitto battaala.

Dtiicanĩ cĩg ꞌThooyyiahu 4:13

Ma baa adtuuha nẽẽg ngaatĩ arĩnyanaanĩ Pẽẽtũrũ hĩ Yõaannẽ thõõth gẽrrẽẽt nẽ ĩĩtõ eet ꞌcĩg nga hillimattĩ ho, iita aꞌngalilli nẽẽg nẽ agayyiõõthĩ ngaatĩ baa gõõng arũmẽẽnĩ Pẽẽtũrũ hĩ Yõaannẽ hĩ Yeesu.

Pilippi 1:14

Nẽẽthĩ ꞌyioko, hĩnĩngĩtĩ hecebbi naa baabuutha, iita okomit nuyyiook cĩg Makayyiooktak ꞌthinneeti nẽ ĩꞌthĩlanit ngaatĩ irriõõnĩ nyeemuut cĩ Nyekuci.