Yõaannẽ 7:19 - ꞌBuuk cĩ Thõõth cĩ Nyekuci

¹⁹ Nga nooyyia haaꞌnyuung ngagiit Mũũꞌtha nyattal cĩ Nyekuci? Nẽẽthĩ, hiꞌthihi eet ꞌcĩ aꞌthũũnnĩ nyattal tĩho inni? Ma ꞌyioko nganĩĩt, adiim aruhaannaangu ne?”

Yõaannẽ 7:19 ပူးပေါင်းရင်းမြစ်များ

Maatteeo 12:14

Ma ho, õõt utuhanit Variꞌtheei ꞌgõõl ꞌcĩ adiim aruhi Yeesu.

Maatteeo 21:38

“Ma baa acĩn nẽẽg buulenit cĩ baattĩ manu ho, iita utuhattõõ nyaagwaana ĩĩtõ, ‘Ngeerĩnĩ niccieeni, aku hatĩ arigith mana, huruhit ĩnõõnnõ! Nẽ hootti mana icci hĩĩ cĩnaac.’

Maarko 11:18

Ma baa athĩhĩ makayyiooha cĩg paadĩrꞌnyaannu hĩ ꞌlimmanniook cĩg nyattal cĩ Mũũꞌtha thõõth icci ho, iita atarrabanit ꞌgõõl ꞌcĩ adiim aruhi Yeesu. Nẽ baa itieelli nẽẽg ĩnõõnnõ, hĩnĩngĩtĩ baa mẽẽlĩg eeta ꞌcĩg abulan ꞌlimmanĩ cĩnnĩ ho gẽrrẽẽt.

Maarko 3:4

Ma ho, ijin nẽẽ Variꞌthei ĩĩnnĩk, “Occa abũnnaa ngaatĩ hadticanĩ ꞌgii ꞌcĩ abũnnaa hode ꞌcĩ abathĩ Kõrraa cĩ ꞌYiommaanõ? Occa hẽẽla rũgẽt cĩ eeto Kõrraa cĩ ꞌYiommaanõ hode haruk thõng?” Ĩjjaaki hinnia nẽẽg vẽlẽk kim, hiꞌthihi eet ꞌcĩ ẽdẽcĩ buúk.

Maarko 3:6

Ma adtuuha Variꞌtheei thõõth icci ho, iita uduhunit õõt battaalaa cĩ ꞌCieeth cĩ Laiitto, nĩngĩtĩ õõ atuhanĩ hĩ eet cĩg Ẽrõõdẽ, ꞌgõõl ꞌcĩ occa aruhi nẽẽg Yeesu.

Yõaannẽ 1:17

Baa aaꞌnyĩk Nyekuci eet nyattal cĩnnĩ, eetaa ꞌcĩ haĩ Mũũꞌtha, nẽ ikia bũnnai hĩ thõõth ꞌcĩ ĩĩn dĩdĩ hĩ Yeesu Krĩstõ.

Yõaannẽ 10:39

Ma nĩngaata, idiimito eeta cĩg ꞌJudeei aggamit Yeesu tarĩ, alĩĩta hinnia Yeesu ĩhõõggõ thõng.

Yõaannẽ 11:53

Nganĩngĩtĩ kõr niccia, iꞌthiattaaĩ makayyiooha cĩg ꞌJudeei utuhanit ꞌgõõl ꞌcĩ hatĩ aruhi Yeesu.

Yõaannẽ 5:16

Nẽẽthĩ, baa adĩman Yeesu thooꞌthiok iccig Kõrraa cĩ ꞌYiommaanõ. Ma ho, iita eggerenyteek makayyiooha cĩg ꞌJudeei Yeesu.

Yõaannẽ 5:18

Nẽ ꞌyioko, idiimito makayyiooha cĩg ꞌJudeei uruhit Yeesu, hĩnĩngĩtĩ thooꞌthiok ꞌcĩg ĩĩn ꞌramma, ĩĩcĩ oou, aĩ ẽꞌthẽcan Yeesu nyattal cĩ Kõr cĩ ꞌYiommaanõ. Nẽ tarĩ thõõth ꞌcĩ abathĩ gẽrrẽẽt, ꞌcĩ õthõõthĩ Yeesu aĩ, ĩĩn Nyekuci Maaꞌnyĩ, thõõth ꞌcĩ aaꞌnyĩk ĩnõõnnõ hudukto hĩ Nyekuc thõng.

Yõaannẽ 5:45

“Ma hammuku hainnu nganĩĩt hatĩ ꞌcĩ habĩlluung hĩ Baaba. Mũũꞌtha baa aariku niig muhẽẽnĩt cunuung vẽlẽk, ꞌcĩ hatĩ abilluunga.

Yõaannẽ 7:1

Ma urutaa cĩ, ikia ũũk Yeesu ꞌGalileea. Baa alĩĩt nẽẽ looc cĩ ꞌJudeea, hĩnĩngĩtĩ baa adiim aruk makayyiooha cĩg ꞌJudeei ĩnõõnnõ thõng.

Yõaannẽ 7:25

Ma nĩngaata, iꞌthiattaaĩ eeta ũgẽẽgĩ cĩg ꞌJeruꞌthalẽmĩ ijitto ĩĩtõ, “Hõllõngaa nooyyia eet ꞌcĩ adiim aruk eeta ho cieeni?

Dtiicanĩ cĩg ꞌThooyyiahu 7:38

Nĩngĩtĩ aꞌnyahaanĩ Mũũꞌtha eet cĩggaac ngaatĩ hõdẽẽthõng horrwatõõ ꞌcĩ õdõhõhĩĩ kak nẽ õthõõthak aajĩlõ ĩnõõnnõ Muuraa cĩ ꞌThĩnaĩ. Ma nĩngaata, iita aanytĩhoothĩk Mũũꞌtha thooꞌthioha cĩg rũgẽtaak, hũtũngeekeet ngagĩĩta.

ꞌGalaaꞌthia 3:19

Nẽẽthĩ ꞌyioko, dtiic baa ꞌthẽk cĩ nyattaalõ dẽẽdẽ nii? Baa aarĩhoothĩk nyattalĩ, hátĩ hagaac hĩĩtõ, hẽꞌthẽcan naaga. Nẽ occa baa aalla thõõth ciee ĩꞌthõng hikia Yeesu, ꞌcĩ baa adukiaak thõõtha. Baa aaꞌnyĩk Nyekuci nyattal cĩnnĩ aajĩlẽẽt, hátĩ haanytĩk Mũũꞌtha, ꞌcĩ baa ĩĩn jayyio cĩ Nyekuci hĩ eeta.

ꞌGalaaꞌthia 6:13

Aitiõõ eeta ꞌcĩg etteeddi eleeti hõllõngaa anũ nyattal nẽ adiimmuung nẽẽg ngagiit etteeddi, hátĩ hirrianit nẽẽg, hĩnĩngĩtĩ eleeti cugguung.