Yõaannẽ 7:14 - ꞌBuuk cĩ Thõõth cĩ Nyekuci

¹⁴ Ma baa õbõhĩ edeccia karrama, ikia uduhun Yeesu ũũk halaangatõõ cĩ ꞌCieeth cĩ Nyekuci nẽ iꞌthianaaĩ ꞌlimman.

Yõaannẽ 7:14 ပူးပေါင်းရင်းမြစ်များ

Maatteeo 21:12

Baa õkõ Yeesu ngaatĩ õbõhõõ hĩ ꞌCieeth cĩ Nyekuci nẽ itiggiawaak eet ꞌcĩg ũũtĩ nĩngaata battaali. Ebelluukan nẽẽ tẽrẽmẽẽjĩt cĩg tuuyyiok ꞌcĩg appahõõnĩ ꞌrabbẽẽt, hĩ eet ꞌcĩg ũũtẽnĩ ngabuuthiꞌnya.

Maatteeo 26:55

Ma baa kõr niccia, ikia uduhaak Yeesu lothippit ĩĩnnĩk, “Inni iita aggamtaangu nyetubooꞌnyanĩ hĩ hĩbahĩꞌnyannĩ hĩ eet ꞌcĩ hĩĩnĩ ꞌloorriahit ko? Hallimannuung naa ngagiit hõdõõkõthĩ hĩ gõõng haaĩ loota halaangatõõ cĩ ꞌCieeth cĩ Nyekuci nẽ gõõng hõllõngaa aggammaangu inni?

ꞌLuuka 19:47

Nẽ waathinniook nicciag vẽlẽk, baa gõõng alliman nẽẽ eet ꞌCieethaa cĩ Nyekuci. Adiim hinnia aruk makayyiooha cĩg paadĩrꞌnyaannu hĩ ꞌlimmanniook cĩg nyattaalak, hĩ makayyiook cĩg eetuk ĩnõõnnõ thõng.

Yõaannẽ 18:20

Nẽẽthĩ, baa ẽdẽcĩ Yeesu ĩnõõnnõ anneek, “Baa haduhaahi naa eet thõõth cũrũmũũm muumtinii cĩggĩĩng vẽlẽk. Nẽ hillimana ĩhõõggõ hõdõõkõthĩ ꞌCieethinii cĩg Laiittak hĩ ꞌCieethaa cĩ Nyekuci, nga gõõng alũtẽẽnĩ eeta cĩggaac vẽlẽk hõdẽĩ. Nẽ nga huduha thõõth umwa ĩĩcĩ burki.

Yõaannẽ 5:14

Ma baa urutaa cĩnnĩ, ũmmũdaak Yeesu eet nicci ꞌCieethaa cĩ Nyekuci nẽ ĩĩnnĩk, “Cĩĩn nõõ, ũbũnauu thĩ ꞌyioko niina. Ma nga hadĩmani ꞌthẽccan nẽ hatĩ õbõdaahi bathi ꞌcĩ ĩllõõan baa oou.”

Yõaannẽ 7:2

Nẽẽthĩ, ma baa õbõhĩ kõrra ꞌcĩ adahĩ eeta cĩg ꞌJudeei Karrama cĩ Tuggeetu,

Yõaannẽ 7:28

Ma baa nga alliman Yeesu eet halaangatõõ cĩ ꞌCieeth cĩ Nyekuci, ikia ẽggẽrẽny nẽẽ ĩĩ, “Ammuku niig ainnu agayyiaangu nganĩĩt nẽ agayyu nĩngĩtĩ hakuuni naa ho? Baa hõllõngaa hakuu naa ẽmmẽn! Baa ĩꞌthõõannaa nganĩĩt ẽẽtĩ ꞌcĩ ĩĩn dĩdĩ nẽ hõllõngaa agayyu niig ĩnõõnnõ.

Yõaannẽ 7:37

Ma baa kõr ꞌcĩ edecciaaĩ Karrama, ikia ĩtĩnga Yeesu nẽ irrioon moloohaa cobbi ĩĩ, “Má aam eet umwa kõrra, aꞌnyĩĩk hikia hĩ nganĩĩt haaꞌnyĩk maam hũhũdĩ!

Yõaannẽ 8:2

Ma baa loohoth cĩnnĩ ngerrenita, ũũk ꞌCieethaa cĩ Nyekuci, ngaatĩ baa auuni eeta vẽlẽk hĩ ĩnõõnnõ, nĩngĩtĩ aayyi loota nẽ illiman ĩhõõggõ.

Yõaannẽ 8:20

Baa õthõõth Yeesu thooꞌthiok iccig baa alliman eet halaangatõõ cĩ ꞌCieeth cĩ Nyekuci, ngaatĩ õbõhõõ hĩ nĩngĩtĩ iyyangꞌthĩ eeta ꞌbaaninit. Nẽẽthĩ, baa aitiõõ ẽẽtĩ ꞌcĩ aggam ĩnõõnnõ tõõ, hĩnĩngĩtĩ baa nga hõdõlan kõrra cĩnnẽẽnĩ.