Yõaannẽ 7:12 - ꞌBuuk cĩ Thõõth cĩ Nyekuci

¹² Baa ẽppẽhanõõnĩ eeta Yeesu lothippita gẽrrẽẽt. Baa õthõõth ũgẽẽgĩ aĩ, “Ĩĩn Yeesu eet ꞌcĩ abũnnaa.” Nẽ tarĩ ĩĩtõ ũgẽẽgĩ, “Ĩggõõl nẽẽ eet vẽlẽk.”

Yõaannẽ 7:12 ပူးပေါင်းရင်းမြစ်များ

Maatteeo 10:25

Ũũppan ngaatĩ occa aayyi loholeec cĩ ꞌthukuulo hĩ ꞌlimmannioohiti cĩnnẽẽnĩ nẽ occa ũũppan appahaca buúk ngaatĩ occa aayyi hĩ makayyioohiti cĩnnẽẽnĩ. Nẽ má aũyya eeta nganĩĩt baattĩ olu anneeka ꞌBeelthebub, aũ hinnia hatĩ eeta eet cĩg halang cĩnnĩ vẽlẽk anneek nganĩ?

Maatteeo 21:46

Nĩngĩtĩ atarraabanĩ nẽẽg ꞌgõõl ꞌcĩ adiim ababuuthanĩ ĩnõõnnõ, nẽẽthĩ hinnia, baa itieelli nẽẽg lothippit, hĩnĩngĩtĩ baa ammuk lothippiti aĩ, ĩĩn Yeesu põrõvẽtaac.

Maatteeo 27:63

nẽ ĩĩttĩk, “Makayyioohit, hammuhooꞌtha naag thõõth baa aduha oloꞌngiaahiti nicciaa, baa nga arũgĩ aĩ, ‘Urutaa cĩ waathinniook iyyio, arũgna hatĩ nẽẽ daahĩtha tarĩ.’

ꞌLuuka 18:19

Ẽdẽcĩ Yeesu anneek, “Inni tũvvaa nii nganĩĩt ĩnnĩhaa habũnna ho? Nyekuc dioo ꞌcĩ abũnnaa.

ꞌLuuka 23:47

Ma adtuuha ꞌgaalac cĩ ũũrũta thooꞌthiok iccig vẽlẽk ho, ĩdĩhĩth Nyekuc nẽ ĩĩ, “Occa ꞌthẽk baa ĩĩn ẽẽtĩ ciee eet ꞌcĩ abũnnaa.”

ꞌLuuka 23:50

Nẽẽthĩ, baa aaĩ ẽẽtĩ ꞌcĩ abũnnaa ꞌcĩ haĩ Yothebo ꞌcĩ ĩĩn eet cĩ lothippit cĩ makayyiook cĩ eetuk nẽ baa ĩĩn eet ꞌcĩ tẽllĩ gẽrrẽẽt.

ꞌLuuka 6:45

Adĩman eeta ꞌcĩg abũnnaa thooꞌthiok ꞌcĩg abũnnaa, hĩnĩngĩtĩ bũnnai ꞌcĩ aaĩ ꞌthinneetinii cĩggĩĩng nẽ adĩman eeta ꞌcĩg abathĩ thooꞌthiok ꞌcĩg abathĩ, hĩnĩngĩtĩ bathi ꞌcĩ aꞌnyak nẽẽg ꞌthinneetinii cĩggĩĩng. Hĩnĩngĩtĩ ẽtẽrꞌtha thooꞌthioha ꞌcĩg aduha ẽẽtĩ ꞌgii ꞌcĩ aaĩ ꞌthĩnĩtatõõ cĩnnĩ.”

ꞌLuuka 7:16

Ma nĩngaata, ubulan thõõth ciee eet vẽlẽk ꞌcĩg aattĩg nĩngaata, nĩngĩtĩ au adĩkꞌthĩ Nyekuc gẽrrẽẽt aĩnnĩ, “Uppwaannaheet aattĩ põrõvẽtaacĩ cobbi gẽrrẽẽt. Ikia ẽla Nyekuci eet cĩgĩnnĩg.”

Yõaannẽ 6:14

Ma baa ĩcĩnĩt eeta Yeesu ngaatĩ adĩmanĩ thõõth icci ĩnaat eeta ho, iita othoothito nẽẽg ĩĩtõ, “Dĩdĩ ĩko ĩĩn ẽẽtĩ ciee põrõvẽtaac ꞌcĩ hatĩ aku loota nĩnga!”

Yõaannẽ 7:32

Ma baa athĩhĩ Variꞌtheei eet ngaatĩ õꞌngõmtĩ thõõth ꞌcĩ Yeesu lothippitatõõ ho, iita ulutti hĩ makayyiook cĩg paadĩrꞌnyaannu nẽ ĩꞌthõõcõ athegereeꞌnya ꞌcĩ ẽbẽk ꞌCieeth cĩ Nyekuci hõõt haggamit Yeesu.

Yõaannẽ 7:47

Ajin hinnia Variꞌtheei ĩhõõggõ anneek, “Iggooluung Yeesu ngagiit buúk?

Yõaannẽ 7:52

Ẽdẽcĩ nẽẽg Nikodemo anneek, “Akuu nii buúk ꞌGalileea? Tarraaban da ꞌyioko ꞌBuuk cĩ Nyekuci, occa ammũda hiꞌthihi põrõvẽtaac hõdẽẽthõng ꞌcĩ aku ꞌGalileea.”

Yõaannẽ 9:16

Nĩngĩtĩ aĩnnĩ Variꞌtheei ũgẽẽgĩ, “Aitiõõ ẽẽtĩ ciee hõllõngaa aku hĩ Nyekuc, hĩnĩngĩtĩ hõllõngaa aꞌthũũnnĩ nẽẽ Kõr cĩ ꞌYiommaanõ.” Baa hinnia õthõõth Variꞌtheei ũgẽẽgĩ aĩ, “Aga gõõng ẽẽtĩ ꞌcĩ ĩĩn ꞌthẽccannioohit ngaatĩ adĩmanĩ thooꞌthiok ꞌcĩg ĩnaat eeta hutuno?” Nĩngĩtĩ eꞌngeriini lothippiti cĩ Variꞌtheei.

Dtiicanĩ cĩg ꞌThooyyiahu 11:24

Baa ĩĩn Baarnaba eet ꞌcĩ callĩ ꞌthĩnĩt, ꞌcĩ aaĩ Lorii ꞌcĩ Ẽllẽẽmĩth hĩ lemiinit hĩ ĩnõõnnõ, nĩngĩtĩ au ẽlẽmmĩ eeta ꞌcĩg mẽẽlĩg ꞌrĩng Makayyioohit.

ꞌRooma 5:7

Nẽẽthĩ hoti ho, õkõmĩ gẽrrẽẽt ngaatĩ occa adaaknĩ eet umwaa, hĩnĩngĩtĩ eet ꞌcĩ Nyekuci, nẽẽthĩ nẽẽꞌthẽk, occa adaahĩ eet umwaa dĩdĩ, hĩnĩngĩtĩ eet ꞌcĩ abũnnaa.

Pilippi 2:14

Ĩdticanit thooꞌthiok vẽlẽk ꞌgõõlaa ꞌcĩ hõllõngaa ongoongoyyu hode ẽppẽhanoonnu thõng,