Yõaannẽ 6:9 - ꞌBuuk cĩ Thõõth cĩ Nyekuci

⁹ “Aaĩ nyahaappanĩ umwaa ngaati ꞌcĩ aꞌnyak ũbũnẽẽt ꞌtur hĩ ulugo ꞌramma, ũũppan occa hatĩ ꞌgẽẽn ciee eet niccig vẽlẽk?”

Yõaannẽ 6:9 ပူးပေါင်းရင်းမြစ်များ

Maatteeo 14:17

Ẽdẽcĩ nẽẽg anneek, “Haꞌnyaka naag ngaati ũbũnẽẽt ꞌtur hĩ ulugo ꞌramma thõng.”

Maatteeo 16:9

Aitiõõ niig hõllõngaa agayyu? Hõllõngaa ammuhooꞌthu niig ũbũnẽẽt baag ĩĩn ꞌtur hĩ eet baag ĩĩn aalibꞌnya ꞌtur buúk nẽ ĩĩn baa lohoddwaana thõng ꞌcĩg alũtaannu niiga?

Maarko 6:38

Ẽdẽcĩ Yeesu ĩhõõggõ anneek, “Aꞌnyaku niig ũbũnẽẽt thõng? Õõt da ĩcĩnĩt!” Ma baa õõ acĩn nẽẽg ũbũnẽẽt hĩ ulugo tĩko ho, iita uduktaak nẽẽg Yeesu ĩĩttĩk, “Aattĩg ũbũnẽẽta ꞌtur hĩ ulugo ꞌramma diooni.”

Maarko 8:19

Ma kõr baa hiroktĩ naa eet aalibꞌnya ꞌtur ũbũnẽẽtĩ ꞌcĩg ĩĩn ꞌtur, ĩĩn nooyyia baa lohoddwaana ꞌcĩg alũtaannu niig ꞌcĩg ũbũnẽẽt ꞌcĩg anyiꞌthiaa thõng?” Ẽdẽcĩ nẽẽg aĩ, “Ĩĩn õmmõtõ hĩ ꞌramma.”

ꞌLuuka 9:13

Ẽdẽcĩ hinnia Yeesu anneek, “Aanytĩk niig ĩhõõggõ ꞌgiimwa hadahit.” Ẽdẽcĩ nẽẽg Yeesu anneek, “Haꞌnyaka naag ũbũnẽẽt ꞌtur hĩ ulugo ꞌramma haaga, occa thĩ mĩĩ nõõ hõõ hũũtanna ꞌgẽẽn cĩ eet iccig vẽlẽk.”

Yõaannẽ 11:21

Ma ho, ikia ĩĩnnĩk Maarta Yeesu, “Makayyioohit, ꞌyioko baa au nii ngaati, occa baa hõllõngaa adaahĩ ꞌgõtõna.

Yõaannẽ 11:32

Ma baa õdõlan Maria nĩngĩtĩ aayyi Yeesu ho, ikia ẽttẽẽd looc ꞌthõõnĩĩ cĩg Yeesu nẽ ĩĩnnĩk ĩnõõnnõ, “Makayyioohit, má baa au nii ngaati, occa ꞌyioko baa hõllõngaa adaahĩ ꞌgõtõna.”

Yõaannẽ 21:10

Nĩngĩtĩ annẽẽkĩ Yeesu ĩhõõggõ, “Iitaaĩ da ulugo aag nga aggammu thõng ũgĩ.”

Yõaannẽ 21:13

Ma ho, ikia uurana Yeesu ũbũnẽẽt niccig nẽ eꞌngereek ĩhõõggõ nẽ ẽꞌngẽr ulugo buúk.

Yõaannẽ 21:9

Ma baa adukna nuyyiooha haahũla battaala ho, iita udtuukta ũbũnẽẽt ũgĩ hĩ ꞌgwoo ꞌcĩ ĩwaadini ulugo.

Yõaannẽ 6:11

Ma nĩngaata, aggama Yeesu ũbũnẽẽt niccig nẽ aggatana, nĩngĩtĩ ẽꞌngẽrẽẽkĩ eeta. Ma urutaa cĩnnĩ, ikia aggatan nẽẽ ulugo buúk nẽ eꞌngereek eet. Nĩngĩtĩ aduhẽẽnĩ eeta vẽlẽk hũũppattĩ.

Yõaannẽ 6:7

Ẽdẽcĩ Pilippo ĩnõõnnõ anneek, “Aitiõõ ꞌdinaarꞌnya ꞌmiiaꞌnya ꞌramma, hõllõngaa ũũppan ngaatĩ ũũtanĩ ũbũnẽẽt ꞌcĩg ẽllẽẽnnõõ hĩ eet iccig hõdẽĩ hõdẽĩ tõõ.”

2 Korinthia 8:9

Agayyu niig bũnnai cĩ Makayyioohit cĩnaac Yeesu Krĩstõ, ngaatĩ ũũnnĩkĩ baliinit cĩnnĩ hẽẽtahujjieen nẽ ikia ĩĩ hullahaac, hátĩ habalithuung ngagiita.

Terethiinit 6:6

Nẽ hĩthĩha molook ꞌcĩ aku hõrggẽẽnaa cĩ hẽlẽggĩ ꞌcĩg arũgĩ ĩĩn ꞌwec ko nẽ õthõõth ĩĩ, “Ũũppan lokirriaacĩ cĩ ꞌgẽẽmẽ cĩ dtiic cĩ kõr hõdẽẽthõng hode lokirriaaꞌnya iyyio cĩg haal ꞌcĩg haĩ ꞌbarli, dũman cĩ dtiic ꞌcĩ õkõmĩ cĩ kõr hõdẽẽthõng. Nẽ ma hurangannu ngõõrrõ cĩ olivi hode cĩ viinoo.”