Yõaannẽ 6:71 - ꞌBuuk cĩ Thõõth cĩ Nyekuci

⁷¹ Baa õthõõth Yeesu ꞌJuuda, ngeertĩ eet ꞌcĩ haĩ ꞌThimõõnẽ Ithkarioote, ꞌcĩ hatĩ õhõppõõcan ĩnõõnnõ kõr umwa. Tananga baa aaĩ ꞌJuuda buúk nuyyiõõhĩĩ ꞌcĩg ĩĩn õmmõtõ hĩ ꞌramma ho.

Yõaannẽ 6:71 ပူးပေါင်းရင်းမြစ်များ

Maatteeo 10:2

ꞌThaarriok cĩg ꞌthooyyiak ꞌcĩg ĩĩn õmmõtõ hĩ ꞌramma ho cieegi: Hõdẽĩ ꞌThimõõnẽ ꞌcĩ haĩ ꞌthaar ũgĩ Pẽẽtũrũ, hĩ ꞌgõtõnĩ ꞌcĩ haĩ Andrea, hĩ ꞌJeemith ngeertĩ ꞌThebedeeo, hĩ ꞌgõtõnĩ ꞌcĩ haĩ Yõaannẽ.

Maatteeo 10:4

hĩ ꞌThimõõnẽ ꞌcĩ haĩ ꞌThilot, hĩ ꞌJuuda Ithkarioote ꞌcĩ hatĩ aku õhõppõõcan Yeesu.

Maarko 14:10

Baa ĩꞌngathĩ ꞌJuuda Ithkarioote, baa ĩĩn ꞌthooyyiahit cĩ Yeesu ꞌgoonoginnii baag ĩĩn õmmõtõ hĩ ꞌramma nẽ ũmmũdoothĩk makayyiook cĩg paadĩrꞌnyaannu, hũũk hõhõppõõcaneek Yeesu hĩ ĩhõõggõ haggamit.

Yõaannẽ 12:4

Baa aaĩ nuyyioohiti umwaa ꞌcĩ haĩ ꞌJuuda Ithkarioote nĩngaata, ĩnõõnnõ ꞌcĩ hatĩ õkõ õhõppõõcan Yeesu nẽ ijino ĩĩ,

Yõaannẽ 13:2

Ma baa nga eꞌngerri ꞌgẽẽn cĩ ꞌjiaatinu, ikia ũlũllũũman habuui cĩ loriẽẽt ꞌcĩg abathĩ ꞌJuuda Ithkarioote ngeertĩ ꞌThimõõnẽ Ithkarioote, hũũk hõhõppõõcan Yeesu.

Yõaannẽ 13:26

Ẽdẽcĩ Yeesu nuyyioohit tĩho anneek, “Hõꞌnyõlaneehi hatĩ naa ũbũnĩ icci ꞌdiaatatõõ nẽ haaꞌnyĩha eet ꞌcĩ hothoothi naa ho.” Ma ho, õꞌnyõlaneek Yeesu ũbũnĩ ꞌdiaatatõõ nẽ aaꞌnyĩk ꞌJuuda ngeertĩ ꞌThimõõnẽ Ithkarioote.

Yõaannẽ 2:2

Baa avva eeta Yeesu hĩ nuyyiook cĩgĩnnĩg buúk, hiita nyahũũtaawa nĩĩcĩ.

Yõaannẽ 20:24

Baa aitiõõ Tomaaꞌthio ꞌcĩ haĩ ꞌthaar ũgĩ Diidimo tõõ, nuyyiõõhĩĩ ꞌcĩg ĩĩn õmmõtõ hĩ ꞌramma ho, kõr baa uppwaannanĩ Yeesu.

Yõaannẽ 6:64

Nẽẽthĩ, aattiyyu niig ũgẽẽgĩ ꞌcĩg hõllõngaa elemmu thõõth caannĩ.” Baa õthõõth Yeesu hoti, hĩnĩngĩtĩ baa aga nẽẽ ĩĩcĩ oou, ngaatĩ aattiyyi nuyyiooha ꞌcĩg hõllõngaa ẽlẽmĩ ĩnõõnnõ nẽ aga eet ꞌcĩ hatĩ õhõppõõcan ĩnõõnnõ ho.

Yõaannẽ 6:70

Ẽdẽcĩ Yeesu ĩhõõggõ anneek, “Nga nooyyia hẽbẽraauung naa ngagiit ꞌcĩg iiginnu õmmõtõ hĩ ꞌramma ho? Nẽẽthĩ hinnia, aaĩ eet umwaa hõrggẽẽnaa cunuung ꞌcĩ ĩĩn lori ꞌcĩ abathĩ!”

Dtiicanĩ cĩg ꞌThooyyiahu 2:23

Baa aga Nyekuci muhẽẽnĩt ꞌcĩ aaꞌnyuung ngagiit Yeesu. Nẽ tarĩ, au hinnia aaꞌnyiku niig ꞌthẽccanniook hõtõddõõcõ ĩnõõnnõ hurucceea.

ꞌJuud 1:4

Haduha naa thõõth icci, hĩnĩngĩtĩ ĩnĩkta eeta ũgẽẽgĩ ꞌcĩg hõllõngaa ẽlẽmĩ Nyekuc hõrggẽẽnaa cunuung ꞌcieethaa cĩ laiitto, ꞌcĩg õthõõth aĩ, ẽlẽmaakeet Nyekuci ngagĩĩt bũnnaiittaa cĩnnĩ, ngaatĩ hadĩmanĩ thooꞌthiok ꞌcĩg ĩĩn ꞌriiring. Baa ẽtẽhẽẽdĩ ukẽẽnĩtĩ cĩ eet ꞌcĩg abũrĩ Nyekuc ko baa hũnũũk ẽlẽk. Hĩnĩngĩtĩ baa ẽppẽhan nẽẽg ꞌTirriannioohit cĩnaac ꞌcĩ odoyyii, ĩnõõnnõ Makayyioohiti Yeesu Krĩstõ.