Yõaannẽ 6:2 - ꞌBuuk cĩ Thõõth cĩ Nyekuci

² Baa anũ ĩnõõnnõ lothippiti cobbi gẽrrẽẽt ꞌgõõlaa ꞌcĩ õkõõĩ nẽẽnĩ, hĩnĩngĩtĩ ĩcĩn lothippiti thooꞌthiok ꞌcĩg ĩnaat eeta ꞌcĩg aaꞌnyĩkĩ Yeesu eet ꞌcĩg õmmõõrĩ hũbũttaathõ.

Yõaannẽ 6:2 ပူးပေါင်းရင်းမြစ်များ

Maatteeo 12:15

Baa aga Yeesu thõõth ꞌcĩ atuhan nẽẽg ko, nĩngĩtĩ aku ũũnnĩkĩ nĩngĩtĩho. Nẽ baa maka lothippiti ꞌcĩ anũ ĩnõõnnõ gẽrrẽẽt, nĩngĩtĩ aaꞌnyĩkĩ eet cĩggĩĩng ꞌcĩg õmmõõrĩ vẽlẽk hũbũttaathõ,

Maatteeo 13:2

Baa aluttiaak lothippiti ꞌcĩ maka gẽrrẽẽt ĩnõõnnõ, nĩngĩtĩ õtõdĩ nẽẽ haahũl nẽ ĩbĩlĩt eeta dẽmẽtaa cĩ bũlũcõ.

Maatteeo 14:14

Ma baa uduhuna Yeesu haahũla battaalaa, ikia ĩcĩn nẽẽ lothippit cĩ eetu nẽ atamaatĩk ĩhõõggõ, nĩngĩtĩ aaꞌnyĩkĩ eet ꞌcĩg õmmõõrĩ hũbũttaathõ.

Maatteeo 8:1

Ma baa ulluuccia Yeesu muura hujjieen, ikia ũnũ lothippiti cobbi gẽrrẽẽt ĩnõõnnõ.

Maarko 1:45

Ma ho, õkõ hinnia ẽẽtĩ nicciee ĩꞌthaanĩk nyeemuut nicci looc vẽlẽk, hikia haaꞌnyĩk Yeesu hitingõlĩ ngaatĩ õkõõĩ ꞌtaaũna lothippita nẽ awwua ꞌrẽẽna ngadiiha, ngaatĩ aitiõõnnĩ eeta tõõ. Aalla nẽẽ au eeta loonyini vẽlẽk, ammũdeek ĩnõõnnõ noho.

Maarko 6:33

Baa mẽẽlĩg eeta ꞌcĩg acĩn ĩhõõggõ ngaatĩ ĩꞌngaannĩ õõĩ nẽ baa aga eeta niccieeg nĩngĩtĩ õõĩ nẽẽg ko. Ma ho, ukulit eeta cĩg ꞌtaaũnnioohu ho vẽlẽk, utuattĩ ĩꞌthõng hõõt hõdõlanit nĩngĩtĩ õõĩ nẽẽg ko ĩĩcĩ oou.

Yõaannẽ 11:47

Nĩngĩtĩ alũtẽẽnĩ makayyiooha cĩg paadĩrꞌnyaannu hĩ Variꞌtheei hĩ lothippit ꞌcĩ makayyioohu nẽ utuvvuyyia mõtõõnĩt lokihooa nẽ utuhanit thõõth ĩĩtõ, “Hadĩman occa hutuno? Adtican ẽẽtĩ ciee thooꞌthiok ꞌcĩg mẽẽlĩg ꞌcĩg ĩnaat eeta.

Yõaannẽ 12:18

Ma baa athĩhĩ eeta ꞌcĩg mẽẽlĩg ngaatĩ adticanĩ Yeesu thõõth ꞌcĩ ĩnaat eeta, ꞌcĩ arũgthaanĩ nẽẽ Laaꞌtharõ daahĩtha ho, iita õõt ommottio nẽẽg hĩ Yeesu.

Yõaannẽ 12:37

Tananga baa ĩdĩman Yeesu thooꞌthiok ꞌcĩg ĩnaat eeta ho hẽbẽrẽẽnnĩĩ cĩggĩĩng ẽlẽk, aalla nga abũrĩ nẽẽg ĩnõõnnõ noho.

Yõaannẽ 2:11

Thõõth ꞌcĩ baa adtican Yeesu ĩĩcĩ oou, ꞌcĩ ĩnaat eeta ho cieeni. Baa adtican nẽẽ thõõth icci, õlõõ cĩ Kana, looccaa cĩ ꞌGalileea. Ikia ẽtẽrẽtha Yeesu bulẽẽnĩt cĩnnĩ õlõõ nĩĩca nẽ iita elemit nuyyiooha cĩgĩnnĩg ĩnõõnnõ, hĩnĩngĩtĩ thõõth icci.

Yõaannẽ 2:23

Ma baa nga aaĩ Yeesu Kõrraa cĩ Haangittõõ ꞌJeruꞌthalẽma, baa mẽẽlĩg eeta ꞌcĩg acĩn thooꞌthiok ꞌcĩg ĩnaat eeta ꞌcĩg adtican nẽẽnĩ, nĩngĩtĩ ẽlẽmmĩ ĩnõõnnõ.

Yõaannẽ 20:30

Baa adtican Yeesu thooꞌthiok ũgĩ ꞌcĩg mẽẽlĩg ꞌcĩg ĩnaat eeta hẽbẽrẽẽnnĩĩ cĩg nuyyiook cĩgĩnnĩg ꞌcĩg nga heteheeddi ꞌBuuhaa cĩ.

Yõaannẽ 3:2

Ma kõr umwa baal, ũũk ũmmũdoothĩk nẽẽ Yeesu nẽ ĩĩnnĩk, “ꞌLimmannioohit, hagayya naag ĩĩnĩ nii ꞌlimmannioohit ꞌcĩ ĩꞌthõõannii Nyekuci, aĩ ijjia ꞌlimmaneet ngagĩĩta. Aitiõõ ẽẽtĩ ꞌcĩ occa adĩman thooꞌthiok ꞌcĩg ĩnaat eeta ho, hatĩ aitiõõ Nyekuci hĩ ĩnõõnnõ tõõ.”

Yõaannẽ 6:14

Ma baa ĩcĩnĩt eeta Yeesu ngaatĩ adĩmanĩ thõõth icci ĩnaat eeta ho, iita othoothito nẽẽg ĩĩtõ, “Dĩdĩ ĩko ĩĩn ẽẽtĩ ciee põrõvẽtaac ꞌcĩ hatĩ aku loota nĩnga!”

Yõaannẽ 6:22

Ma loohoth cĩnnĩ, ikia iiyyiela lothippiti baa aaĩ dẽmẽtaa cĩ bũlũcõ baakĩta aĩ, ootti nuyyiooha haahũl ꞌcĩ ĩĩn hõdẽẽthõng dioo nẽ agayyiõõthĩ ngaatĩ nga hookorri Yeesu hĩ nuyyiook.

Yõaannẽ 6:26

Ẽdẽcĩ Yeesu ĩhõõggõ anneek, “Haduhaakuung dĩdĩ, adiimmaangu niig nganĩĩt, hĩnĩngĩtĩ ꞌgẽẽn baa haaꞌnyuung ngagiit uduhit ũũppattĩ, hõllõngaa, hĩnĩngĩtĩ thooꞌthiok baag ĩnaattu hadĩmani naana.

Yõaannẽ 6:30

Nĩngĩtĩ ajini nẽẽg Yeesu annẽẽkĩ, “Thõõth ꞌyioko iina ꞌcĩ ĩnaat eeta ꞌcĩ occa eterꞌtheekeet nii ngagĩĩt, hátĩ helemtiina? Ne occa ꞌyioko ꞌcĩ occa adĩmani nii?