Yõaannẽ 5:41 - ꞌBuuk cĩ Thõõth cĩ Nyekuci

⁴¹ “Hõllõngaa haallahi naa dĩhĩthẽẽnĩt cĩ eetu,

Yõaannẽ 5:41 ပူးပေါင်းရင်းမြစ်များ

Yõaannẽ 12:43

Accamana makayyiooha cĩg ꞌJudeei dĩhĩthẽẽnĩt cĩ eetu hĩllõõan dĩhĩthẽẽnĩt cĩ Nyekuci.

Yõaannẽ 5:34

Hõllõngaa haallahi naa thooꞌthiok ꞌcĩg õthõõꞌtha eeta nganĩĩta, haduhaakuung naa thooꞌthiok iccig, hátĩ eellia niiga.

Yõaannẽ 5:40

nẽẽthĩ, aburru hinnia niig ngaatĩ auunnu hĩ nganĩĩt, hátĩ ummuddia rũgẽt ꞌcĩ aalla ooo.

Yõaannẽ 5:42

nẽẽthĩ, hagayyuung naa ngagiita. Haga naa aitiõõ niig hõllõngaa ammĩnannu Nyekuc ꞌthinneetinii cugguung dĩdĩ.

Yõaannẽ 5:44

Occa elemiinnu niig hutuno hatĩ adiimmu dĩhĩthẽẽnĩt ꞌcĩ aku hĩ ꞌgoonogu nẽ hõllõngaa aallaku ngaatĩ ammũdaannu dĩhĩthẽẽnĩt ꞌcĩ aku hĩ Nyekuc ꞌcĩ odoyyii?

Yõaannẽ 6:15

Ma baa õrõõta Yeesu ngaatĩ adiim aggamĩ eeta ĩnõõnnõ nẽ idiimito ĩttĩngatteek haarrik hĩĩ habu cĩnĩĩng ko, ikia ũũk nẽẽ muura hujjieen ngaatĩ baa adiim õkõ aayyi ẽmmẽn.

Yõaannẽ 7:18

Ẽẽtĩ ꞌcĩ õthõõthĩ ẽlẽ cĩnnĩ ẽmmẽn, abuluth nẽẽ ẽlẽ cĩnnĩ. Nẽẽthĩ, ẽẽtĩ ꞌcĩ adticanoothĩk eet baa ĩꞌthõõa ĩnõõnnõ, ĩĩn eet ꞌcĩ aduha thõõth ꞌcĩ ĩĩn dĩdĩ. Aitiõõ thõõth ꞌcĩ ĩĩn õlõng ꞌcĩ aduha nẽẽ tõõ.

Yõaannẽ 8:50

Hõllõngaa hadiimi naa bulẽẽnĩt cĩ ẽlẽ caannĩ. Nyekuc ꞌcĩ hatĩ abuluꞌthaa nganĩĩta nẽ ĩnõõnnõ ꞌcĩ ẽttẽẽd thooꞌthiok vẽlẽk.

Yõaannẽ 8:54

Ẽdẽcĩ Yeesu ĩhõõggõ anneek, “Má hubuluth naa ẽlẽ caannĩ ẽmmẽn, occa ĩĩn thõõth niccia õlõng. Baaba ꞌcĩ ainnu niig ĩĩn Nyekuc cunuung ko, ꞌcĩ abuluꞌthaa nganĩĩta.

1 Tẽꞌthaloonika 2:6

Baa hõllõngaa hadiimma naag dĩhĩthẽẽnĩt cĩ eetu nẽ hõllõngaa hadiimma hĩ ngagiit hode hĩ eet umwa. Nẽẽthĩ, hĩ ꞌthooyyiaha cĩg Krĩstõ, occa hinnia baa hau hajinnuung ngagiit eliinit.

1 Pẽẽtũrũ 2:21

Hĩnĩngĩtĩ baa ẽbẽraauung Nyekuci ngagiit hátĩ accanattĩ, hĩcĩ anuyyu ꞌcannan baa Krĩstõ baa ẽtẽrꞌtha nẽẽ ngaatĩ accananiini hĩnĩngĩtĩ ngagiita.

2 Pẽẽtũrũ 1:17

Ma baa aggam nẽẽ dĩhĩthẽẽnĩt hĩ bulẽẽnĩt ꞌcĩ aaꞌnyĩk Nyekuci Maaꞌnyia, ikia õthõõth mõlõõhĩ cobbi cĩ bulẽẽnĩt cĩ Nyekuci ĩĩ, “Loholeec caannĩ ꞌcĩ hamĩna cieeni, haccamanoothihi naa gẽrrẽẽt, hĩnĩngĩtĩ ĩnõõnnõ.”