Yõaannẽ 5:34 - ꞌBuuk cĩ Thõõth cĩ Nyekuci

³⁴ Hõllõngaa haallahi naa thooꞌthiok ꞌcĩg õthõõꞌtha eeta nganĩĩta, haduhaakuung naa thooꞌthiok iccig, hátĩ eellia niiga.

Yõaannẽ 5:34 ပူးပေါင်းရင်းမြစ်များ

ꞌLuuka 13:34

Ma ho, õppõdan Yeesu ĩĩ, “ꞌWui niig eeta cĩg ꞌJeruꞌthalẽmĩ, aruku bẽrẽ niig põrõvẽtaaꞌnya nẽ ohoddiaau eet ꞌcĩg ĩꞌthooyyiakuung ngagiita. Hĩĩdĩ naa hõdõõkõthĩ ngaatĩ hadiim halũtaanĩ lõhõlĩ cugguung ngaatĩ hõdẽẽthõng, hĩ gõõng alũtaak tũhũlũc lõhõlĩ cĩgĩnnĩg havvuutõnĩtõõ, aburru hinnia niiga.

ꞌLuuka 19:10

Baa hakuu naa Ngeertĩ Eeto hikia hidiima nẽ hẽẽla eet ꞌcĩg iꞌngittõõthĩ.”

ꞌLuuka 24:47

nẽ irrioonni hatĩ thõõth cĩ ũũnnõthõõthĩkĩ ꞌthẽccanẽẽta hĩ thõõth ꞌcĩ ammaannothoothĩkĩ eeta loonyini vẽlẽk ꞌthaarĩĩ cĩgĩnnĩg, iꞌthianaanĩ ꞌJeruꞌthalẽma.

Yõaannẽ 20:31

Nẽẽthĩ, baa eheeddi thooꞌthioha cieeg, hátĩ elemit niig ngaatĩ ĩĩnnĩ Yeesu Krĩstõ Ngeertĩ Nyekuci. Nẽ má elemtu, aꞌnyaku hatĩ rũgẽt ꞌcĩ aalla ũdũt ꞌthaarĩĩ cĩgĩnnĩg.

Yõaannẽ 5:32

Aaĩ eet umwaa ꞌcĩ õthõõth, hĩnĩngĩtĩ nganĩĩta nẽ haga naa thõõth ꞌcĩ aduha nẽẽ ho, ĩĩn dĩdĩ.

Yõaannẽ 5:41

“Hõllõngaa haallahi naa dĩhĩthẽẽnĩt cĩ eetu,

Yõaannẽ 8:54

Ẽdẽcĩ Yeesu ĩhõõggõ anneek, “Má hubuluth naa ẽlẽ caannĩ ẽmmẽn, occa ĩĩn thõõth niccia õlõng. Baaba ꞌcĩ ainnu niig ĩĩn Nyekuc cunuung ko, ꞌcĩ abuluꞌthaa nganĩĩta.

ꞌRooma 10:1

ꞌGotoonoga hĩ ngoonoga, abũraneek nganĩĩt ꞌthĩnĩt nẽ hala naa Nyekuc, hátĩ horoong heellia eeta cĩg Ĩꞌthĩraẽlĩ.

ꞌRooma 10:21

Nẽẽthĩ, õthõõth Nyekuci eet cĩg Ĩꞌthĩraẽlĩ aĩ, “Waathĩn hũtũrũũr, hodongi naa athĩn cĩgannĩg hẽẽtahujjieen, hĩnĩngĩtĩ eet ꞌcĩg hõllõngaa athĩknĩ nẽ ũtũbũrĩt Nyekuc.”

ꞌRooma 12:21

Ma haaꞌnyihi bathi hĩllõõanii nganiita, ꞌlõõan bathi ꞌgõõlaa ꞌcĩ adĩmanĩĩ thõõth ꞌcĩ abũnnaa.

ꞌRooma 3:3

Má hatĩ ma aitiõõ eeta ũgẽẽgĩ hõllõngaa aꞌnyak lemiinit, ĩcca occa aaꞌnyĩk thõõth ꞌcĩ aitiõõnnĩ ĩhõõggõ lemiiniti tõõ ho, hudhukia thõõth ꞌcĩ aduha Nyekuci ho haaga?

1 Korinthia 9:22

Hĩ eet ꞌcĩg hõllõngaa õkõmĩ ꞌthinneeti, hikia haau naa buúk hĩ ẽẽtĩ ꞌcĩ hõllõngaa õkõmĩ ꞌthĩnĩt, hátĩ hũlũllũũman ĩhõõggõ hiita hĩĩtõ lemmiook. Hikia hĩĩna naa ꞌgii vẽlẽk hĩ eet vẽlẽk, hátĩ hẽẽla ũgĩ.

1 Timotteeo 4:16

ꞌThũũtĩ authet cĩ rũgẽt cunni hĩ thõõth ꞌcĩ allimaneehi eet jurrung! Ala dĩman thooꞌthiok iccig jurrung, hĩnĩngĩtĩ má aꞌthũũnnĩ, ẽẽla hatĩ ẽlẽ cunni nẽ hatĩ ẽẽla eet ꞌcĩg athikni nganiit buúk.

1 Yõaannẽ 5:9

Hẽlẽmĩ naag thõõth ꞌcĩ aduhaakeet eeta. Nẽ occa haarĩk ꞌthinneeti thõõth ꞌcĩ aduhaakeet Nyekuci hĩllõõan nẽ Nyekuc ꞌcĩ õthõõth thõõth cĩ Ngeerĩnĩ ho.