Yõaannẽ 5:30 - ꞌBuuk cĩ Thõõth cĩ Nyekuci

³⁰ “Aitiõõ thõõth ꞌcĩ hadĩmani naa ẽmmẽn tõõ, hetteedi naa thõõth hĩcĩ hathihi hĩ Baaba nẽ thõõth ꞌcĩ hetteedi naa ho, ĩĩn dĩdĩ, hĩnĩngĩtĩ hõllõngaa hadiimi naa hadihithi ẽlẽ caannĩ, hadiimi hadihithi naa Baaba, baa ĩꞌthõõannaa nganĩĩta.

Yõaannẽ 5:30 ပူးပေါင်းရင်းမြစ်များ

ꞌThianaattõ 18:25

Nẽ dĩdĩ, occa ꞌthẽk hõllõngaa aruhi eeta ꞌcĩg abũnnaa hĩ ꞌthẽccanniook hõdẽĩ. Nganiit loota nĩnga ꞌcĩ etteedi thooꞌthiok jurrung nẽ occa hõllõngaa adĩmani eet ꞌcĩg ammĩrĩ ꞌbuth.”

Maatteeo 26:39

Ma baa ẽẽjẽk Yeesu ngadiiha hĩdĩhĩdĩĩc, ũũk akat huruꞌnyia nẽ akatĩ hẽbẽrĩ looc nẽ alaõ ĩĩ, “Baaba, má adiimi niina, aꞌnyĩĩk hooppo icci hittihi hĩ nganĩĩt battaala. Nẽ hõllõngaa hĩcĩ hadiimi naana, aꞌnyĩĩk haau hĩcĩ adiimi niina.”

Yõaannẽ 14:10

Hõllõngaa elemi nii thõõth ꞌcĩ haini naa, haaĩ naa hĩ Baaba nẽ aau Baaba hĩ nganĩĩta? Nẽ thõõth ꞌcĩ haduha naa ho, hõllõngaa aku õõa caannĩ ẽmmẽn, Baaba ꞌcĩ aaĩ hĩ nganĩĩt ꞌcĩ õthõõth thooꞌthiok iccig ko.

Yõaannẽ 17:4

Baa haꞌnyahaahii naa nganiit bulẽẽnĩt loota nĩnga, ngaatĩ hẽdẽcaakĩ dtiic baa aaꞌnyaa nii hidticanõ.

Yõaannẽ 18:11

Ma nĩngaata, uduhaak Yeesu Pẽẽtũrũ ĩĩnnĩk, “Bõdẽẽhĩ nyetuboot! Ĩcca occa hõllõngaa hahudi naa hooppo baa aaꞌnya nganĩĩt Baaba ho?”

Yõaannẽ 4:34

Nĩngĩtĩ ẽdẽcĩ Yeesu ĩhõõggõ annẽẽkĩ, “ꞌGẽẽn caannĩ ꞌcĩ hadĩmanĩĩ thõõth ꞌcĩ adiim Nyekuci! Baa ĩnõõnnõ ꞌcĩ ĩꞌthõõannaa nganĩĩta nẽ occa hẽdẽcaahi dtiic baa aaꞌnya nẽẽ hidticanõ.

Yõaannẽ 5:19

Ma nĩngaata, ẽdẽc Yeesu makayyiook cĩg ꞌJudeei ĩĩnnĩk, “Haduhaakuung dĩdĩ, aitiõõ ꞌgii ꞌcĩ adtican Ngeertĩ Nyekuci ẽmmẽn tõõ. Adĩman nẽẽ thõõth ꞌcĩ acĩna hĩ Maaꞌnyĩ. ꞌGii ꞌcĩ adĩman Maaꞌnyia, adĩman Ngeerĩnĩ buúk.

Yõaannẽ 6:38

Hĩnĩngĩtĩ baa hõllõngaa halluuccia naa hẽẽtahujjieen hikia hĩdĩman tabiinit caannĩ, nẽẽthĩ, baa hakuu naa hikia hĩdĩman tabiinit cĩ eet baa ĩꞌthõõannaa nganĩĩta.

Yõaannẽ 8:28

Nẽ õthõõth Yeesu tarĩ ĩĩ, “Má odongtu niig Ngeertĩ Eeto nẽ hatĩ iita agayyaangu Nganĩĩt nganĩ Naa. Nẽ hõllõngaa hadticani ꞌgiimwa ẽmmẽn, nẽẽthĩ, hothoothi thõõth baa allimaneeka Baaba.

Yõaannẽ 8:42

Nĩngĩtĩ annẽẽkĩ Yeesu eet cĩg ꞌJudeei, “Má baa hĩĩ Nyekuci Maaꞌnyu cunuung, occa ꞌyioko ammĩnannaangu nganĩĩta, hĩnĩngĩtĩ baa hakuu naa hĩ ĩnõõnnõ nẽ ꞌyioko nganĩĩt cieeni. Baa hõllõngaa hakuu naa ẽmmẽn, baa ĩꞌthõõannaa nẽẽnĩ.

Yõaannẽ 8:50

Hõllõngaa hadiimi naa bulẽẽnĩt cĩ ẽlẽ caannĩ. Nyekuc ꞌcĩ hatĩ abuluꞌthaa nganĩĩta nẽ ĩnõõnnõ ꞌcĩ ẽttẽẽd thooꞌthiok vẽlẽk.

ꞌRooma 15:3

Tananga Krĩstõ, baa hõllõngaa aaꞌnyĩk nẽẽ ẽlẽ cĩnnĩ haccamanoothĩk. Nẽẽthĩ, hĩcĩ aduha Krĩstõ ꞌBuuhaa cĩ Nyekuci aĩ, “Nyekuc, õdõõmta nganĩĩt buúk eeta baag odoommi nganiita.”

ꞌRooma 2:2

Nẽẽthĩ ꞌyioko, haga naag ẽbẽaneek Nyekuci ngaatĩ ẽttẽẽdĩkĩ eet ꞌcĩg adĩman thooꞌthiok ꞌcĩg aattĩg noho ho thõõth, thõõthaa ꞌcĩ ĩĩn dĩdĩ.

ꞌRooma 2:5

Nẽẽthĩ, hĩnĩngĩtĩ ꞌlõõrĩth cunni hĩ thõõth ꞌcĩ hõllõngaa abũrrĩ ꞌthẽccanẽẽt cugunnig, athadeehi nii liilii cĩ Nyekuci ẽllaa cunni, hatĩ ikia kõrra ꞌcĩ alĩĩllĩ Nyekuci, hatĩ kõr ꞌcĩ ẽttẽẽdĩ nẽẽ thõõth ꞌgõõlaa cĩnnĩ ĩcĩ aũlanĩ.