Yõaannẽ 5:3 - ꞌBuuk cĩ Thõõth cĩ Nyekuci

³ Tuggu ꞌcĩ baa gõõng iyyiomanĩ tuhulliaha hĩ rubenniaak hĩ eet ꞌcĩg alalliaa eleeti.

Yõaannẽ 5:3 ပူးပေါင်းရင်းမြစ်များ

Maatteeo 15:30

Ma nĩngaata, ikia lothippiti umwaa cobbi gẽrrẽẽt, ꞌcĩ aꞌnyaha eet ꞌcĩg ngõõlĩg, hĩ ꞌcĩg rubettĩg hĩ ꞌcĩg hõllõngaa õthõõthĩ. Nẽ aarrik ĩhõõggõ vẽlẽk loota muumaa cĩ Yeesu. Nĩngĩtĩ aaꞌnyĩkĩ nẽẽ ĩhõõggõ vẽlẽk hũbũttaathõ.

Maatteeo 4:24

Nĩngĩtĩ aku allũnganĩ nyeemuut cĩnnĩ looc cĩ Thiiria vẽlẽk nẽ aꞌnyaktaak eeta ĩnõõnnõ moorriak ꞌcĩg õmmõõrĩ mooriꞌthiook cũũmõ cũũmõ. Baa aꞌnyakiaa eeta ꞌcĩg aꞌnyak mooriꞌthiook ꞌcĩg mẽẽlĩg, hĩ ꞌcĩg aꞌnyak loriẽẽt ꞌcĩg abathĩ hĩ ꞌcĩg õhõda namakarĩ hĩ ꞌcĩg alalliaa ꞌthoona, nĩngĩtĩ ẽẽlanĩ Yeesu ĩhõõggõ vẽlẽk hũbũttaathõ.

ꞌLuuka 7:22

Nĩngĩtĩ ẽdẽcĩ Yeesu nuyyiook cĩg Yõaannẽ ho annẽẽkĩ, “Oboddiooth õõt uduktaak Yõaannẽ thooꞌthiok ꞌcĩg acinnu nẽ ĩthĩktu ho. Õõt ĩĩttĩk, ĩcĩttĩ eeta ꞌcĩg rubettẽẽgĩ, õtõõcõ ꞌcĩg ahuuli, ũbũttaathõ ꞌcĩg adak helleggeri, ĩthĩktõ ꞌcĩg adĩĩtĩ ĩĩna, ũrũgta daakiaha nẽ illimanoothĩk nyeemuut ꞌcĩ abũnnaa eet ꞌcĩg ĩĩn hullaha buúk.

Yõaannẽ 5:2

Baa aaĩ bõrrõhĩ umwaa ꞌJeruꞌthalẽma ꞌcĩ õbõhõõ hĩ nĩngĩtĩ haĩ Hattũũg cĩ Aꞌthaannu, ꞌcĩ haĩ ꞌthaar ũgĩ Aramaayyi Beꞌthatha. Baa aꞌnyak bõrrõhĩ ciee tuggu ꞌcĩ aꞌnyak hattũũgẽt ꞌtur.

Yõaannẽ 5:4

Nẽ hõdõõkõthĩ alluuccia aajĩlõ cĩ Makayyiookto hẽẽtahujjieen hikia hõtõmõõĩ maam. Nẽ ẽẽtĩ ꞌcĩ itiman udhuhoothĩk maamĩtõõ ĩĩcĩ oou ngaatĩ õꞌngõnyõõnĩ eeta ꞌgõõl ko, ikia iꞌnginõõthĩ mõõrĩthĩ cĩnnĩ hũbũna.

ꞌRooma 8:25

Nẽẽthĩ, má haarĩk naag muhẽẽnĩt ꞌcĩ abũnnaa ꞌgiiaa ꞌcĩ nga haꞌnyahit, hẽrẽẽc ĩnõõnnõ temeethitta.

ꞌJeemith 5:7

ꞌGotoonoga hĩ ngoonoga, ereeyyio ĩꞌthõng hõbõda Makayyioohiti. Aaut hĩ kattiooha cĩg maneenu aag gõõng ereeyyi ĩꞌthõng hĩtĩĩl tammu nẽ tarĩ, ereeyyio ĩꞌthõng hibbiir mana.