Yõaannẽ 5:23 - ꞌBuuk cĩ Thõõth cĩ Nyekuci

²³ hátĩ hitingolli eeta vẽlẽk Ngeerĩnĩ, hĩcĩ iꞌngolli nẽẽg Maaꞌnyĩ. Nẽẽthĩ, ẽẽtĩ ꞌcĩ hõllõngaa iꞌngolli Ngeertĩ Nyekuci, hõllõngaa iꞌngolli Maaꞌnyĩ baa ĩꞌthõõa Ngeerĩnĩ.

Yõaannẽ 5:23 ပူးပေါင်းရင်းမြစ်များ

Maatteeo 10:37

“Ẽẽtĩ ꞌcĩ ammĩnan maaꞌnyĩ hode aattĩnnĩ hĩllõõan ngaatĩ ammĩnanna nganĩĩta, hõllõngaa ĩĩn caannĩ. Nẽ ẽẽtĩ ꞌcĩ ammĩnan ngeerĩnĩ hode bũhaanyĩnĩ hĩllõõan ngaatĩ occa ammĩnanna nganĩĩta, hõllõngaa ĩĩn nẽẽ buúk eet caannĩ,

Maatteeo 11:27

“Baa aaꞌnya nganĩĩt Baaba hẽlẽggĩ vẽlẽk. Aitiõõ ẽẽtĩ ꞌcĩ aga Ngeerĩnĩ tõõ, Maaꞌnyĩ dioo ꞌcĩ aga nẽ aitiõõ ẽẽtĩ ꞌcĩ aga Maaꞌnyĩ tõõ, Ngeerĩnĩ dioo ꞌcĩ aga, hĩ eet baag ẽbẽra Ngeerĩnĩ, hátĩ hagaacõ nẽẽg buúk ĩnõõnnõ.

Maatteeo 12:21

Aarĩk hatĩ loonyini vẽlẽk muhẽẽnĩt cĩnĩĩng hĩ ĩnõõnnõ ꞌthaarĩĩ cĩgĩnnĩg.”

Maatteeo 15:8

“ ‘Adĩhĩꞌthaa eeta cieeg nganĩĩt utugeetinii cĩggĩĩng haaga, nẽ ꞌrẽẽttĩg ꞌthinneeti cĩggĩĩng hĩ nganĩĩta.

Maatteeo 28:19

Nẽ ꞌyioko, õõt aanytĩk eet loonyini vẽlẽk hĩĩtõ nuyyiook cĩgannĩg, aggamteek ĩhõõggõ baattithimo ꞌthaarĩĩ cĩg Maacõnĩ hĩ cĩg Ngeerĩnĩ hĩ cĩg Lori ꞌcĩ Ẽllẽẽmĩthĩ,

ꞌLuuka 10:16

Ma ho, uduhaak Yeesu nuyyiook cĩgĩnnĩg ĩĩnnĩk, “Ẽẽtĩ ꞌcĩ athiknuung ngagiita, athĩkna nganĩĩt buúk. Nẽ ẽẽtĩ ꞌcĩ aburruung ngagiita, abũrra nganĩĩt buúk. Nẽ ẽẽtĩ ꞌcĩ abũrra nganĩĩta, abũrĩ eet baa ĩꞌthõõannaa nganĩĩt buúk.”

Yõaannẽ 14:1

Baa aduhaak Yeesu nuyyiook cĩgĩnnĩg anneek, “Ma haaꞌnyiku ꞌthinneeti hupuppudit, elemit Nyekuc nẽ ẽlẽmtaangu nganĩĩt buúk.

Yõaannẽ 16:14

Aꞌnyahaaka hatĩ Lorii nganĩĩt bulẽẽnĩt ngaatĩ aku õkõõĩ nyeemuut caannĩ nẽ ikia uduhaahuung ngagiita.

Yõaannẽ 17:10

Nẽ eeta vẽlẽk ꞌcĩg haꞌnyahi naana, ĩĩn cugunnig nẽ ꞌcĩg aꞌnyahi niina, ĩĩn cĩgannĩg. Nẽ ikia bulẽẽnĩtĩ hĩ nganĩĩt, hĩnĩngĩtĩ ĩhõõggõ.

ꞌRooma 1:7

Hẽhẽẽdakuung naa ngagiit vẽlẽk waraga icci ꞌRoomattĩ. Ammĩnannuung Nyekuci ngagiit nẽ ẽbẽraauung ĩĩtõ eet cĩgĩnnĩg ꞌcĩg ẽllẽẽmĩthĩ. Aꞌnyĩĩk bũnnai hĩ ganõn ꞌcĩ aku hĩ Nyekuc Baangeet cĩnaac hĩ Makayyioohit cĩnaac Yeesu Krĩstõ, haau hĩ ngagiita.

ꞌRooma 15:12

Aduha põrõvẽtaacĩ Iꞌthaia aĩ, “Alĩꞌtha hatĩ eet umwaa ꞌcĩ aku hattũũgaa cĩ ꞌJeeꞌthe, hikia hĩĩ habu. Aggam hatĩ nẽẽ loonyin nẽ hatĩ aꞌnyahit eeta ꞌcĩg hõllõngaa ĩĩn ꞌJudeei, muhẽẽnĩt ꞌcĩ abũnnaa hĩ ĩnõõnnõ.”

ꞌRooma 6:22

Nẽẽthĩ ꞌyioko, hĩcĩ õõgtau niig ꞌthẽccaana nẽ iittu appahacaaꞌnya cĩg Nyekuci ho, ikia ꞌbaaniniti baa ammũdaannu niig ko, uukuung ngagiit thõõthaa ꞌcĩ ẽllẽẽmĩth hĩ rũgẽtaa ꞌcĩ aalla ooo.

ꞌRooma 8:9

Nẽẽthĩ, ꞌgõõlaa umwaanĩ, iittiõõ niig hõllõngaa aggammuung ꞌthẽccanẽẽta cugguung, nẽẽthĩ hinnia, aggammuung ngagiit Lorii, hatĩ aaĩ Lorii cĩ Nyekuci hĩ ngagiita. Nẽ má hõllõngaa aꞌnyak ẽẽtĩ umwaa Lori cĩ Krĩstõ, aitiõõ nẽẽ hõllõngaa ĩĩn eet cĩ Krĩstõ.

1 Korinthia 1:3

Aꞌnyĩĩk bũnnai hĩ ganõn ꞌcĩ aku hĩ Nyekuc Bangeet cĩnaac hĩ Makayyioohit Yeesu Krĩstõ haau hĩ ngagiita.

1 Korinthia 10:31

Nẽẽthĩ hoti ho, má aduheennu nẽ uhuddieeu hode adĩmannu hẽlẽggĩ ꞌcĩg adiimmu niiga, ĩdĩmanit ĩhõõggõ vẽlẽk hĩĩtõ bulẽẽnĩt cĩ Nyekuci.

1 Korinthia 16:22

Má hõllõngaa ammĩnan eet umwaa Makayyioohit, ĩccĩĩnĩ nẽẽ ẽlẽk. Anneek baaĩ nuun Makayyioohit ijjia!

1 Korinthia 6:19

Hõllõngaa agayyu niig ngaatĩ ĩĩnnĩ eleeti cugguung ꞌCieeth cĩ Lori ꞌcĩ Ẽllẽẽmĩth ꞌcĩ aaĩ hĩ ngagiit baa aaꞌnyuung Nyekuci? Hõllõngaa ĩĩn eleeti cugguung diooni;

2 Korinthia 1:9

Nẽ dĩdĩ ꞌthinneetinii cĩggaang, hummukta hĩĩtta hoottia hatĩ hadaakta thõng. Nẽ baa edeeꞌnyia thõõth ciee, hátĩ hiittiõõ naag hõllõngaa haꞌnyaka lemiinit eleetinii cĩggaang ẽmmẽn, hátĩ haꞌnyakta naag lemiinit hĩ Nyekuc ꞌcĩ arũgtha eet daahĩtha.

2 Korinthia 13:14

Aꞌnyĩĩk bũnnai cĩ Makayyioohit cĩnaac Yeesu Krĩstõ hĩ mĩnnan cĩ Nyekuci hĩ rũmẽẽnĩt cĩ Lori ꞌcĩ Ẽllẽẽmĩth, haau hĩ ngagiit vẽlẽk.

2 Korinthia 5:14

Aggammeet ngagĩĩt mĩnnanĩ cĩ Krĩstõ. Haga naag haĩ baa adaahĩ Krĩstõ, hĩnĩngĩtĩ eet vẽlẽk, ẽtẽrꞌtha thõõth ciee aĩ, õthõl eeta vẽlẽk daahĩth cĩnnĩ.

2 Korinthia 5:19

Aĩ thõõth ciee nẽẽ, aaĩ Nyekuci ẽllaa cĩ Krĩstõ, ngaatĩ aaꞌnyeet ngagĩĩt hagayyio hĩ ĩnõõnnõ, ĩnõõ ꞌcĩ hõllõngaa agiilikeet ngagĩĩt ꞌthẽccanẽẽt cĩggaac. Nẽ aaꞌnyeet dtiic ꞌcĩ hõthõlĩ nyeemuut cĩ ganõõnõ.

Eevvetho 6:24

Aꞌnyĩĩk Nyekuc hĩĩ tarbal hĩ eet vẽlẽk ꞌcĩg aalla ammĩnan Makayyioohit cĩnaac Yeesu Krĩstõ.

2 Timotteeo 1:12

Ĩnõõ ꞌcĩ happĩĩrnanĩĩ naa hĩ ꞌyioko ho. Nẽ hõllõngaa haꞌngaaoni, hĩnĩngĩtĩ haga naa Krĩstõ ꞌcĩ helemi naa dĩdĩ nẽ õkõmĩ nganĩĩt ꞌthĩnĩt haini, ĩnõõnnõ ꞌcĩ occa aꞌthũũnna nganĩĩt dtiicaa cĩnnĩ, ĩꞌthõng kõr ꞌcĩ hatĩ õbõdaanĩ nẽẽnĩ.

Ebereei 1:6

Ma baa ĩꞌthõõa Nyekuci Ngeerĩnĩ ꞌcĩ odoyyii hikia loota nĩnga, ikia õthõõth Nyekuci ĩĩ, “Aꞌnyĩĩk aajĩlẽẽt cĩgannĩg vẽlẽk hakattieek Loholeec caannĩ huruꞌnyia nẽ ubuluthit ĩnõõnnõ.”

2 Pẽẽtũrũ 1:1

Aku waraga ciee hĩ nganĩĩt ꞌThimõõnẽ Pẽẽtũrũ dticciannioohit hĩ ꞌthooyyiahit cĩ Yeesu Krĩstõ. Hẽhẽẽdakuung naa waraga icci ngagiit eet ꞌcĩg hõthõl lemiinit ꞌcĩ haꞌnyak naag ko. Baa aaꞌnyĩhoothĩkeet lemiiniti ciee ngagĩĩt, hĩnĩngĩtĩ bũnnai cĩ Yeesu Krĩstõ, ꞌcĩ ĩĩn Nyekuc nẽ ĩĩ Ellioohit cĩnaac.

2 Pẽẽtũrũ 3:18

Aꞌnyĩĩk bũnnai hĩ gaiinit ꞌcĩ aku hĩ Makayyioohit hĩ Ellioohit cĩnaac Yeesu Krĩstõ, heelluung ngagiit ĩtĩlĩthĩt. Ĩdĩhĩthĩt Yeesu ꞌyioko hĩ ooo! Aamẽn.

1 Yõaannẽ 2:23

Ẽẽtĩ ꞌcĩ abũrĩ Ngeertĩ Nyekuci, abũrĩ nẽẽ Maaꞌnyĩ buúk. Nẽẽthĩ, ẽẽtĩ ꞌcĩ ẽlẽmĩ Ngeertĩ Nyekuci, ẽlẽmĩ nẽẽ Maaꞌnyĩ buúk.

2 Yõaannẽ 1:9

Ma arayyu uuhuyyu thõõth cĩ Krĩstõ baa allimanoothikuung ngagiita, occa hinnia hatĩ hõllõngaa aaĩ Nyekuci hĩ ngagiit tarĩ. Nẽẽthĩ, má aꞌthũũnnu thõõth baa Krĩstõ baa allimanoothikuunga, aattĩg thĩ hatĩ Baangẽẽtĩ hĩ Ngeerĩnĩ hĩ ngagiita.