Yõaannẽ 5:20 - ꞌBuuk cĩ Thõõth cĩ Nyekuci

²⁰ Hĩnĩngĩtĩ ammĩnan Maaꞌnyia Ngeerĩnĩ nẽ eteretheek ĩnõõnnõ thooꞌthiok vẽlẽk ꞌcĩg adĩman nẽẽnĩ. Nẽ dĩdĩ, eterꞌtheek hatĩ nẽẽ ĩnõõnnõ thooꞌthiok ꞌcĩg obbitig ꞌcĩg abulannuung ngagiit ꞌcĩg ĩllõõan iccig.

Yõaannẽ 5:20 ပူးပေါင်းရင်းမြစ်များ

Yõaannẽ 3:35

“Ammĩnan Maaꞌnyia Ngeerĩnĩ nẽ aaꞌnyĩk ĩnõõnnõ ꞌgii vẽlẽk.

Maatteeo 3:17

Ma ho, õthõõtha mõlõõhĩ umwaa hẽẽtahujjieen ĩĩ, “Loholeec caannĩ ciee ꞌcĩ hamĩna, haccamanaa naa ĩnõõnnõ gẽrrẽẽt.”

2 Pẽẽtũrũ 1:17

Ma baa aggam nẽẽ dĩhĩthẽẽnĩt hĩ bulẽẽnĩt ꞌcĩ aaꞌnyĩk Nyekuci Maaꞌnyia, ikia õthõõth mõlõõhĩ cobbi cĩ bulẽẽnĩt cĩ Nyekuci ĩĩ, “Loholeec caannĩ ꞌcĩ hamĩna cieeni, haccamanoothihi naa gẽrrẽẽt, hĩnĩngĩtĩ ĩnõõnnõ.”

Yõaannẽ 17:26

Haaꞌnyĩha naa ĩhõõggõ hagayyi nganiita nẽ aalla hatĩ haaꞌnyihi ĩhõõggõ hagayyi nganiit, hátĩ haau mĩnnanĩ ꞌcĩ aꞌnyaheekaa nii nganĩĩt hĩ ĩhõõggõ nẽ hátĩ haau naa buúk hĩ ĩhõõggõ.”

Yõaannẽ 15:15

Iittiõõ naa hõllõngaa hauyyuung ngagiit hanneekuung dticcianniook, hĩnĩngĩtĩ aitiõõ dticciannioohiti hõllõngaa aga dtiic cĩ makayyioohit cĩnnĩ. Nẽẽthĩ ꞌyioko, hutuvvuung naa ngagiit hiinnihuung ꞌgoonoga, hĩnĩngĩtĩ heteretheehuung naa ngagiit hẽlẽggĩ vẽlẽk baag aduhaaka nganĩĩt Baaba.

Yõaannẽ 14:12

Haduhaakuung dĩdĩ, ẽẽtĩ ꞌcĩ ẽlẽmma nganĩĩta, adĩman hatĩ nẽẽ thooꞌthiok baag hadĩmani naana. Adĩman hatĩ nẽẽ thooꞌthiok ꞌcĩg ĩllõõan iccig buúk, hĩnĩngĩtĩ hũũha naa hĩ Baaba.

Yõaannẽ 10:32

Anneek hinnia Yeesu ĩhõõggõ, “Baa hĩdĩmana naa thooꞌthiok ꞌcĩg mẽẽlĩg ꞌcĩg ĩnaat eeta hõrggẽẽnaa cunuung, ꞌcĩg au hĩ Baaba. Nẽẽthĩ ꞌyioko, thooꞌthiok iigia ꞌcĩg adiim õhõdaannaangu niig nganĩĩt ko?”

Yõaannẽ 5:29

nẽ hatĩ ũrũgta nẽẽg daahĩtha. Arũgna hatĩ eeta ꞌcĩg baag adtican thooꞌthiok ꞌcĩg abũnnaa nẽ õõt rũgẽta nẽ hatĩ ũrũgta eeta ꞌcĩg baag adtican thooꞌthiok ꞌcĩg abathĩ nẽ uukti.

Yõaannẽ 5:25

“Haduhaakuung dĩdĩ, õbõhĩ kõrra nẽ ꞌyioko ikia ẽlẽk, ꞌcĩ hatĩ athĩknĩ eeta ꞌcĩg adaahito molook cĩ Ngeertĩ Nyekuci. Nẽ eeta ꞌcĩg hatĩ athĩhĩ molook tĩho, arũgĩ hatĩnĩ.

Yõaannẽ 5:21

Hĩcĩ arũgtha Maaꞌnyia daakiak nẽ aaꞌnyĩk ĩhõõggõ rũgẽt, ꞌgõõlaa cĩ buúk, aaꞌnyĩk hatĩ Ngeerĩnĩ rũgẽt eet ꞌcĩ accamana nẽẽnĩ.

Yõaannẽ 1:18

Nga hĩcĩn eet umwaa Nyekuc, Ngeerĩnĩ ꞌcĩ odoyyii dioo, ꞌcĩ ĩĩn Nyekuc dĩdĩ nẽ õbõhõõ hĩ Maaꞌnyĩ ꞌcĩ etereꞌtheet ngagĩĩt hagaac Nyekuc.

ꞌLuuka 10:22

“Baa aaꞌnya nganĩĩt Baaba caannĩ hẽlẽggĩ vẽlẽk. Aitiõõ ẽẽtĩ ꞌcĩ aga Ngeerĩnĩ tõõ, Maaꞌnyĩ dioo ꞌcĩ aga. Nẽ tarĩ, aitiõõ ẽẽtĩ ꞌcĩ aga Maaꞌnyĩ tõõ, Ngeerĩnĩ dioo hĩ eet ꞌcĩg ẽbẽra Ngeerĩnẽẽnĩ ꞌcĩg aga ĩnõõnnõ.”

Maatteeo 17:5

Ma baa nga õthõõth nẽẽnĩ, ikia ũmmũt ĩhõõggõ diith umwaa ꞌcĩ õõppẽr nẽ õthõõtha mõlõõhĩ umwaa diithatõõ ĩĩ, “Loholeec caannĩ ꞌcĩ hamĩna cieeni, haccamanoothihi naa gẽrrẽẽt, hĩnĩngĩtĩ ĩnõõnnõ. Ĩthĩhĩt ĩnõõnnõ!”

Maatteeo 11:27

“Baa aaꞌnya nganĩĩt Baaba hẽlẽggĩ vẽlẽk. Aitiõõ ẽẽtĩ ꞌcĩ aga Ngeerĩnĩ tõõ, Maaꞌnyĩ dioo ꞌcĩ aga nẽ aitiõõ ẽẽtĩ ꞌcĩ aga Maaꞌnyĩ tõõ, Ngeerĩnĩ dioo ꞌcĩ aga, hĩ eet baag ẽbẽra Ngeerĩnĩ, hátĩ hagaacõ nẽẽg buúk ĩnõõnnõ.

Maatteeo 4:8

Ma tarĩ ho, ũũhĩ habuui cĩ loriẽẽt ꞌcĩg abathĩ ĩnõõnnõ muuraa ꞌcĩ uuni kĩdak nẽ eteretheek ĩnõõnnõ habuccieeꞌnya cĩg lootu hĩ makaaꞌthĩt cĩnĩĩng vẽlẽk.