Yõaannẽ 5:18 - ꞌBuuk cĩ Thõõth cĩ Nyekuci

¹⁸ Nẽ ꞌyioko, idiimito makayyiooha cĩg ꞌJudeei uruhit Yeesu, hĩnĩngĩtĩ thooꞌthiok ꞌcĩg ĩĩn ꞌramma, ĩĩcĩ oou, aĩ ẽꞌthẽcan Yeesu nyattal cĩ Kõr cĩ ꞌYiommaanõ. Nẽ tarĩ thõõth ꞌcĩ abathĩ gẽrrẽẽt, ꞌcĩ õthõõthĩ Yeesu aĩ, ĩĩn Nyekuci Maaꞌnyĩ, thõõth ꞌcĩ aaꞌnyĩk ĩnõõnnõ hudukto hĩ Nyekuc thõng.

Yõaannẽ 5:18 ပူးပေါင်းရင်းမြစ်များ

Maatteeo 12:5

Hode nga nooyyia itigiilit niig nyattaalaa cĩ Mũũꞌtha, ngaatĩ ẽlẽmiaakĩ paadĩrꞌnya ꞌCieethaa cĩ Nyekuci hidticattõõ Kõrraa cĩ ꞌYiommaanõ nẽ hiꞌthihi eet ꞌcĩ aĩ ĩĩn nẽẽg ꞌthẽccanniook buúk?

Yõaannẽ 1:19

Baa ĩꞌthõ makayyiooha cĩg ꞌJudeei ꞌJeruꞌthalẽma, paadĩrꞌnya hĩ eet cĩg hattũũg cĩ ꞌLeevi, hõõt hijinit Yõaannẽ hĩĩttĩk, eet ꞌcĩ nganĩ nii.

Yõaannẽ 10:30

Hĩĩgĩnna naag hĩ Baaba hõdẽẽthõng.”

Yõaannẽ 10:33

Ẽdẽcĩ eeta cĩg ꞌJudeei Yeesu anneek, “Hõllõngaa hadiimma naag hõhõdaanni nganiit, hĩnĩngĩtĩ thooꞌthiok iccig. Hadiimma hõhõdaanni, hĩnĩngĩtĩ odoomi nii Nyekuc, ẽẽtĩ ꞌcĩ holli õõ haaga nẽ idiim aarihuu ẽlẽ cunni hĩĩ Nyekuc.”

Yõaannẽ 14:23

Ẽdẽcĩ Yeesu ꞌJuuda anneek, “Má ammĩnannaa eet umwaa nganĩĩta, aꞌthũũnnĩ hatĩ nẽẽ ꞌlimman caannĩ. Ammĩnan hatĩ Baaba ĩnõõnnõ buúk nẽ hatĩ hiitaawa naag hĩ Baaba hẽtẽhẽnytaawa õlõ cĩnaang hĩ ĩnõõnnõ.

Yõaannẽ 14:9

Ẽdẽcĩ Yeesu Pilippo anneek, “Pilippo, hũrũmtĩ naag hĩ ngagiit waathinniook ꞌcĩg mẽẽlĩg nẽ nga gawaa buúk? Má ĩcĩna ẽẽtĩ umwaa nganĩĩta, ĩcĩn nẽẽ Baaba buúk. Anneekaa gõõng ‘Teretheeheet Baaba inni?’

Yõaannẽ 19:7

Baa ara eeta cĩg ꞌJudeei aĩ, “Haꞌnyaka naag nyattal nẽ nyattaalaa tĩho, adiim aruhi nẽẽ, hĩnĩngĩtĩ aĩ hĩĩnĩ Ngeertĩ Nyekuci.”

Yõaannẽ 5:15

Nĩngĩtĩ õkõ aduhaakĩ ẽẽtĩ nicciee makayyiook cĩg ꞌJudeei annẽẽkĩ, ĩko hatĩ Yeesu ꞌcĩ aaꞌnya nganĩĩt hũbũna ho.

Yõaannẽ 5:16

Nẽẽthĩ, baa adĩman Yeesu thooꞌthiok iccig Kõrraa cĩ ꞌYiommaanõ. Ma ho, iita eggerenyteek makayyiooha cĩg ꞌJudeei Yeesu.

Yõaannẽ 5:17

Nĩngĩtĩ annẽẽkĩ Yeesu ĩhõõggõ, “Nga hĩbĩl Baaba caannĩ dtiica hĩĩ kõr hĩ niccieeni, ĩnõõ ꞌcĩ hadticaniini naa buúk ko.”

Yõaannẽ 5:23

hátĩ hitingolli eeta vẽlẽk Ngeerĩnĩ, hĩcĩ iꞌngolli nẽẽg Maaꞌnyĩ. Nẽẽthĩ, ẽẽtĩ ꞌcĩ hõllõngaa iꞌngolli Ngeertĩ Nyekuci, hõllõngaa iꞌngolli Maaꞌnyĩ baa ĩꞌthõõa Ngeerĩnĩ.

Yõaannẽ 7:1

Ma urutaa cĩ, ikia ũũk Yeesu ꞌGalileea. Baa alĩĩt nẽẽ looc cĩ ꞌJudeea, hĩnĩngĩtĩ baa adiim aruk makayyiooha cĩg ꞌJudeei ĩnõõnnõ thõng.

Yõaannẽ 7:19

Nga nooyyia haaꞌnyuung ngagiit Mũũꞌtha nyattal cĩ Nyekuci? Nẽẽthĩ, hiꞌthihi eet ꞌcĩ aꞌthũũnnĩ nyattal tĩho inni? Ma ꞌyioko nganĩĩt, adiim aruhaannaangu ne?”

Yõaannẽ 8:54

Ẽdẽcĩ Yeesu ĩhõõggõ anneek, “Má hubuluth naa ẽlẽ caannĩ ẽmmẽn, occa ĩĩn thõõth niccia õlõng. Baaba ꞌcĩ ainnu niig ĩĩn Nyekuc cunuung ko, ꞌcĩ abuluꞌthaa nganĩĩta.

Yõaannẽ 8:58

Ẽdẽcĩ Yeesu ĩhõõggõ anneek, “Haduhaakuung dĩdĩ, baa nga hittirria Abũrahamĩ haau naa ẽlẽk!”

Pilippi 2:6

Tananga baa ĩĩn Krĩstõ Nyekuc dĩdĩ, baa hõllõngaa aaꞌnyĩk nẽẽ ẽlẽ cĩnnĩ hudukto hĩ Nyekuc thõng.

Terethiinit 22:1

Ma ho, eteretheeha aajĩlõ hidioo umwa ꞌcĩ ariha maama dtaabawaa ꞌcĩ aayyi Nyekuci hĩ Mĩꞌnyõõn. Lĩĩl ꞌcĩ attalĩth maama nẽ ĩĩtõ tẽllĩg thõng. Ĩĩn maama tĩko maam ꞌcĩg aaꞌnyeet rũgẽt.

Terethiinit 22:3

Aitiõõ hatĩ ꞌcĩĩnẽnĩtĩ hõllõngaa aaꞌnyĩk ꞌgiimwa ꞌcĩ abathĩ, haggam eet cĩg ꞌtaaũn nicci. Aalla hatĩ Nyekuci dtaabawaa nĩĩcĩ hĩ Mĩꞌnyõõn buúk nẽ iita eeta vẽlẽk ꞌtaaũnaa nĩĩcĩ, idticattoothĩk ĩnõõnnõ.