Yõaannẽ 5:16 - ꞌBuuk cĩ Thõõth cĩ Nyekuci

¹⁶ Nẽẽthĩ, baa adĩman Yeesu thooꞌthiok iccig Kõrraa cĩ ꞌYiommaanõ. Ma ho, iita eggerenyteek makayyiooha cĩg ꞌJudeei Yeesu.

Yõaannẽ 5:16 ပူးပေါင်းရင်းမြစ်များ

Maatteeo 12:13

Nĩngĩtĩ aduhaakĩ Yeesu eet nicci annẽẽkĩ, “Õõd aꞌthiit cunni ho.” Nĩngĩtĩ õõdĩ ẽẽtĩ nicciee aꞌthiit cĩnnĩ ho hũbũna hudukto hĩ ꞌgõõnĩ thõng.

Maarko 3:6

Ma adtuuha Variꞌtheei thõõth icci ho, iita uduhunit õõt battaalaa cĩ ꞌCieeth cĩ Laiitto, nĩngĩtĩ õõ atuhanĩ hĩ eet cĩg Ẽrõõdẽ, ꞌgõõl ꞌcĩ occa aruhi nẽẽg Yeesu.

ꞌLuuka 6:11

Alĩĩlĩ hinnia nẽẽg hodohohit heengti kak nẽ othoothito nyaagwaana ĩĩtõ, “Hadahĩ occa ꞌthẽk Yeesu neegi?”

Yõaannẽ 1:19

Baa ĩꞌthõ makayyiooha cĩg ꞌJudeei ꞌJeruꞌthalẽma, paadĩrꞌnya hĩ eet cĩg hattũũg cĩ ꞌLeevi, hõõt hijinit Yõaannẽ hĩĩttĩk, eet ꞌcĩ nganĩ nii.

Yõaannẽ 10:39

Ma nĩngaata, idiimito eeta cĩg ꞌJudeei aggamit Yeesu tarĩ, alĩĩta hinnia Yeesu ĩhõõggõ thõng.

Yõaannẽ 15:20

Ummuhuttooth thõõth baa haduhaakuung naa hanneekuung, ‘Aitiõõ dticciannioohiti ꞌcĩ maka hĩllõõan makayyioohit cĩnnĩ tõõ.’ Má baa adĩmannaa nganĩĩt eeta ꞌbuth, adĩmannuung hatĩ ngagiit buúk ꞌbuth. Má baa athĩhĩ nẽẽg ꞌlimman caannĩ, athĩhĩ hatĩ cunuung buúk.

Yõaannẽ 5:10

Ma baa acĩn makayyiooha cĩg ꞌJudeei eet icci aꞌnyak lotoonu ho, eggerenyteek ĩnõõnnõ ĩĩttĩk, “Aꞌnyahi lotoonu Kõrraa cĩ ꞌYiommaanõ inni? Aꞌngirannii nyattaala ngaatĩ occa aꞌnyahĩ nii lotoonu cunni.”

Yõaannẽ 5:13

Nẽẽthĩ, baa hõllõngaa aga tuhuulliahiti nicciee eelliaa ho Yeesu, hĩnĩngĩtĩ baa iꞌnginõõthĩ Yeesu lothippitatõõ haaga.

Yõaannẽ 5:15

Nĩngĩtĩ õkõ aduhaakĩ ẽẽtĩ nicciee makayyiook cĩg ꞌJudeei annẽẽkĩ, ĩko hatĩ Yeesu ꞌcĩ aaꞌnya nganĩĩt hũbũna ho.

Yõaannẽ 5:17

Nĩngĩtĩ annẽẽkĩ Yeesu ĩhõõggõ, “Nga hĩbĩl Baaba caannĩ dtiica hĩĩ kõr hĩ niccieeni, ĩnõõ ꞌcĩ hadticaniini naa buúk ko.”

Yõaannẽ 5:18

Nẽ ꞌyioko, idiimito makayyiooha cĩg ꞌJudeei uruhit Yeesu, hĩnĩngĩtĩ thooꞌthiok ꞌcĩg ĩĩn ꞌramma, ĩĩcĩ oou, aĩ ẽꞌthẽcan Yeesu nyattal cĩ Kõr cĩ ꞌYiommaanõ. Nẽ tarĩ thõõth ꞌcĩ abathĩ gẽrrẽẽt, ꞌcĩ õthõõthĩ Yeesu aĩ, ĩĩn Nyekuci Maaꞌnyĩ, thõõth ꞌcĩ aaꞌnyĩk ĩnõõnnõ hudukto hĩ Nyekuc thõng.

Yõaannẽ 7:21

Ẽdẽcĩ Yeesu anneek, “Baa hadĩmani naa thõõth hõdẽẽthõng ꞌcĩ ĩnaat eeta nẽ baa abulannuung ngagiit vẽlẽk.

Yõaannẽ 7:25

Ma nĩngaata, iꞌthiattaaĩ eeta ũgẽẽgĩ cĩg ꞌJeruꞌthalẽmĩ ijitto ĩĩtõ, “Hõllõngaa nooyyia eet ꞌcĩ adiim aruk eeta ho cieeni?