Yõaannẽ 5:10 - ꞌBuuk cĩ Thõõth cĩ Nyekuci

¹⁰ Ma baa acĩn makayyiooha cĩg ꞌJudeei eet icci aꞌnyak lotoonu ho, eggerenyteek ĩnõõnnõ ĩĩttĩk, “Aꞌnyahi lotoonu Kõrraa cĩ ꞌYiommaanõ inni? Aꞌngirannii nyattaala ngaatĩ occa aꞌnyahĩ nii lotoonu cunni.”

Yõaannẽ 5:10 ပူးပေါင်းရင်းမြစ်များ

Maatteeo 12:10

Nẽ baa aaĩ ẽẽtĩ umwaa ꞌcĩ alalliaa aꞌthiiti nĩngaata. Baa aattĩg Variꞌtheei ꞌcĩg adiim ẽdẽt Yeesu nẽ ijinit ĩnõõnnõ ĩĩttĩk, “Abũnnaa occa ngaatĩ haaꞌnyĩkĩ eet hũbũna Kõrraa cĩ ꞌYiommaanõ?”

Maarko 2:24

Nĩngĩtĩ annẽẽkĩ Variꞌtheei Yeesu, “Cĩĩn nõõ, inni hĩdĩmanit nuyyiooha cugunnig ꞌgii ꞌcĩ aꞌngirannii Kõrraa cĩ ꞌYiommaanõ ho?”

Maarko 3:4

Ma ho, ijin nẽẽ Variꞌthei ĩĩnnĩk, “Occa abũnnaa ngaatĩ hadticanĩ ꞌgii ꞌcĩ abũnnaa hode ꞌcĩ abathĩ Kõrraa cĩ ꞌYiommaanõ? Occa hẽẽla rũgẽt cĩ eeto Kõrraa cĩ ꞌYiommaanõ hode haruk thõng?” Ĩjjaaki hinnia nẽẽg vẽlẽk kim, hiꞌthihi eet ꞌcĩ ẽdẽcĩ buúk.

ꞌLuuka 13:14

Ma adtuuha makayyioohiti cĩ ꞌCieeth cĩ Laiitto ngaatĩ adĩmanĩ Yeesu thõõth icci Kõrraa cĩ ꞌYiommaanõ ho, ikia ĩlĩĩlĩ gẽrrẽẽt, nĩngĩtĩ annẽẽkĩ lothippit, “Ĩĩn waathinniooha hõdõõkõthĩ tõrkõnõn cĩg dtiicak. Iita eellia eleeti waathinnioohĩĩ cĩg, hõllõngaa Kõrraa cĩ ꞌYiommaanõ.”

ꞌLuuka 23:56

Nĩngĩtĩ õõyyĩ ĩĩcĩ olu nẽ õõt ũkũmatteek ngõõrrẽẽn ꞌcĩg õꞌngõlĩ ẽmmẽdĩ. Nẽ nõõ iyyiomanit Kõrraa cĩ ꞌYiommaanõ, hĩ baa aduha tilooiniti cĩ nyattal cĩ Mũũꞌtha.

ꞌLuuka 6:2

Ajin hinnia Variꞌtheei ũgẽẽgĩ ĩhõõggõ anneek, “Adĩmannu thõõth ꞌcĩ hõllõngaa ẽlẽmĩ nyattalĩ Kõrraa cĩ ꞌYiommaanõ inni?”

Yõaannẽ 1:19

Baa ĩꞌthõ makayyiooha cĩg ꞌJudeei ꞌJeruꞌthalẽma, paadĩrꞌnya hĩ eet cĩg hattũũg cĩ ꞌLeevi, hõõt hijinit Yõaannẽ hĩĩttĩk, eet ꞌcĩ nganĩ nii.

Yõaannẽ 5:11

Ẽdẽcĩ hinnia tuhuulliahiti ĩhõõggõ anneek, “Eet aa aaꞌnya nganĩĩt hũbũna ꞌcĩ anneeka, ‘Dũhan lotoonu cunni bĩtõ.’ ”

Yõaannẽ 5:15

Nĩngĩtĩ õkõ aduhaakĩ ẽẽtĩ nicciee makayyiook cĩg ꞌJudeei annẽẽkĩ, ĩko hatĩ Yeesu ꞌcĩ aaꞌnya nganĩĩt hũbũna ho.

Yõaannẽ 5:16

Nẽẽthĩ, baa adĩman Yeesu thooꞌthiok iccig Kõrraa cĩ ꞌYiommaanõ. Ma ho, iita eggerenyteek makayyiooha cĩg ꞌJudeei Yeesu.

Yõaannẽ 7:23

Má etteeddi lõhõlĩ eleeti Kõrraa cĩ ꞌYiommaanõ, hátĩ hiittiõõ hõllõngaa ẽꞌthẽcanni nyattalĩ cĩ Mũũꞌtha, inni thĩ iliiliyyieehaangu niig nganĩĩt, hatĩ haaꞌnyihi eet hũbũna Kõrraa cĩ ꞌYiommaanõ ho?

Yõaannẽ 9:16

Nĩngĩtĩ aĩnnĩ Variꞌtheei ũgẽẽgĩ, “Aitiõõ ẽẽtĩ ciee hõllõngaa aku hĩ Nyekuc, hĩnĩngĩtĩ hõllõngaa aꞌthũũnnĩ nẽẽ Kõr cĩ ꞌYiommaanõ.” Baa hinnia õthõõth Variꞌtheei ũgẽẽgĩ aĩ, “Aga gõõng ẽẽtĩ ꞌcĩ ĩĩn ꞌthẽccannioohit ngaatĩ adĩmanĩ thooꞌthiok ꞌcĩg ĩnaat eeta hutuno?” Nĩngĩtĩ eꞌngeriini lothippiti cĩ Variꞌtheei.