Yõaannẽ 4:53 - ꞌBuuk cĩ Thõõth cĩ Nyekuci

⁵³ Ma nĩngaata, ikia agaõõthĩ baattĩ loholeeco ĩĩ, abũnnaa loholeec ꞌthaa baa aduhaakĩ Yeesu ĩnõõnnõ annẽẽkĩ, “Ũrũg loholeeca.” Nĩngĩtĩ aku ẽlẽmmĩ ꞌgaalacĩ hĩ eet cĩg halang cĩnnĩ vẽlẽk Yeesu.

Yõaannẽ 4:53 ပူးပေါင်းရင်းမြစ်များ

Maatteeo 8:13

Nĩngĩtĩ annẽẽkĩ Yeesu ꞌgaalac cĩ ũũrũta, “Bĩtõ! Adĩmanni ꞌthẽk hatĩ thõõth hĩcĩ elemu nii ho.” Nẽ baa ũbũna dticciannioohiti cĩnnĩ ho ꞌthaa niccia noho.

ꞌLuuka 19:9

Nĩngĩtĩ õthõõthĩ Yeesu aĩnnĩ, “Ikia elliaanĩtĩ kõr icci ꞌcieethaa cĩ, hĩnĩngĩtĩ ĩĩn ẽẽtĩ ciee buúk ngeertĩ Abũrahamĩ.

Yõaannẽ 4:51

Ma baa nga hõdõlan ꞌgaalacĩ õlõ cĩnnĩ, iita ithirriamanit ĩnõõnnõ dticcianniooha cĩgĩnnĩg ꞌgõõla nẽ uduktaak ĩnõõnnõ nyeemuut ꞌcĩ aĩ, “Ũbũna loholeec aau lõꞌngõõc!”

Yõaannẽ 4:52

Ma nĩngaata, ijin ꞌgaalacĩ dticcianniook ꞌthaa ꞌcĩ baa abũnnayyĩ loholeec ko. Ẽdẽcĩ nẽẽg ĩnõõnnõ anneek, “Ammanyanni abuurꞌthet cĩ loholeeco baalõ baa ꞌthaa hõdẽĩ cĩ waathinu.”

Dtiicanĩ cĩg ꞌThooyyiahu 11:14

Aꞌnyahaaki hatĩ Pẽẽtũrũ nganiit hĩ halang cunni nyeemuut ꞌcĩ eelliannu niiga.’

Dtiicanĩ cĩg ꞌThooyyiahu 16:15

Ma baa urutaa ꞌcĩ aggamtĩ Liidia hĩ halang cĩnnĩ baattithimo, ikia ũtũvveet nẽẽ ngagĩĩt õlõõ cĩnnĩ. Baa anneekeet nẽẽ ngagĩĩt, “Má elemmu ngaatĩ hĩĩnnĩ naa lemmioohit cĩ Makayyiookto dĩdĩ, iita thĩ haauto õlõõ caannĩ.” Nĩngĩtĩ mĩĩ hẽlẽmma ngaatĩ hõõkõrra.

Dtiicanĩ cĩg ꞌThooyyiahu 16:34

Ma nĩngaata, ikia aꞌnyaha ꞌgaalacĩ Paaulo hĩ ꞌThĩĩla õlõõ cĩnnĩ nẽ aaꞌnyĩk ꞌgẽẽn. Baa atalĩ nẽẽ gẽrrẽẽt, hĩnĩngĩtĩ ikia ẽlẽm nẽẽ hĩ eet cĩg halang cĩnnĩ vẽlẽk Nyekuc.

Dtiicanĩ cĩg ꞌThooyyiahu 18:8

Baa ĩĩn eet umwa ꞌcĩ haĩ Kirithpo makayyioohit cĩ ꞌCieeth cĩ Laiitto. Ma ho, iita elemit nẽẽg hĩ halang cĩnnĩ vẽlẽk Makayyioohit Yeesu. Nĩngĩtĩ au athĩknĩ eeta ũgẽẽgĩ ꞌcĩg mẽẽlĩg cĩg Korinthia nyeemuut icci nẽ eeta vẽlẽk ꞌcĩg baag elemit Makayyioohit, iita aggamit baattithimo.

Dtiicanĩ cĩg ꞌThooyyiahu 2:39

Ĩĩn thõõth ciee adukiaa ho cunuung hĩ lõhõlĩ cugguung. Nẽ ĩĩn thõõth cĩ eet vẽlẽk ꞌcĩg hatĩ ẽbẽra Makayyioohiti Nyekuci cĩnaac, ꞌgoolliohĩ vẽlẽk ĩĩcĩg aattiyyi nẽẽgĩ.”