Yõaannẽ 4:41 - ꞌBuuk cĩ Thõõth cĩ Nyekuci

⁴¹ Nẽ hĩnĩngĩtĩ thõõth cĩ Yeesu ho, iita elemit eeta ꞌcĩg mẽẽlĩg ĩnõõnnõ.

Yõaannẽ 4:41 ပူးပေါင်းရင်းမြစ်များ

ꞌThianaattõ 49:10

Aitiõõ hatĩ ẽẽtĩ ꞌcĩ occa aggama makaaꞌthĩt cĩ ꞌJuuda tõõ, hode nẽẽ hĩbahĩt cĩnnĩ cĩ makaaꞌthĩtõõ haaga, ĩꞌthõng hikia baattĩ hĩbahĩtõ, nẽ elemit loonyini vẽlẽk thõõth cĩnnĩ.

ꞌLuuka 4:32

Baa abulan ꞌlimmanĩ cĩnnĩ ho eet gẽrrẽẽt, hĩnĩngĩtĩ baa aꞌnyak nyeemuut cĩnnĩ ho ꞌtirriani.

Yõaannẽ 4:40

Ma baa au acĩn eeta cĩg Thamaria Yeesu ho, iita uduktaak ĩnõõnnõ ĩĩttĩk, “Hũrũmtĩ nõõ hĩ ngagĩĩta.” Nĩngĩtĩ arũmẽẽnĩ Yeesu hĩ ĩhõõggõ waathinniook ꞌramma.

Yõaannẽ 4:42

Ma baa ho, iita uduktaak nẽẽg ngaa nicci ĩĩttĩk, “Hẽlẽmta naag Yeesu, hĩnĩngĩtĩ thõõth ꞌcĩ aduha nẽẽ dẽẽdẽ, hõllõngaa hẽlẽmma, hĩnĩngĩtĩ thõõth baa aduhaakeet nii diooni. Hẽlẽmta, hĩnĩngĩtĩ ĩko ĩĩn nẽẽ Ellioohit cĩ lootu dĩdĩ!”

Yõaannẽ 6:63

Lori ꞌcĩ aaꞌnyĩk eet rũgẽt, ĩĩn ẽlẽ iding haaga. Nẽ thooꞌthioha ꞌcĩg haduhaakuung naa ho, ĩĩn lori nẽ ĩĩn rũgẽt.

Yõaannẽ 7:46

Baa ẽdẽcĩ athegereeꞌnya aĩ, “Aitiõõ ẽẽtĩ umwaa ꞌcĩ õthõõth hĩ Yeesu tõõ.”

Dtiicanĩ cĩg ꞌThooyyiahu 1:8

Nẽẽthĩ, ammũdaannu hatĩ ꞌtirriani, hatĩ ikia Lorii ꞌcĩ Ẽllẽẽmĩth hĩ ngagiita. Nẽ hatĩ iittu niig hẽbẽrĩ cĩgannĩg ꞌJeruꞌthalẽma hĩ looccaa cĩ ꞌJudeea hĩ looccaa cĩ Thamaria hĩ looc vẽlẽk.”

Dtiicanĩ cĩg ꞌThooyyiahu 15:3

Nĩngĩtĩ ĩꞌthõõĩkĩ lothippiti cĩ lemmioohu ĩhõõggõ ꞌgõõl hõõt. Ma baa õdõlanit nẽẽg looc cĩ Venicia hĩ looc cĩ Thamaria, õõt uduktaak eet ꞌgõõl ꞌcĩ baa ẽlẽmmĩ eeta ꞌcĩg hõllõngaa ĩĩn ꞌJudeei Nyekuc. Baa aaꞌnyĩk nyeemuut ciee nuyyiook cĩg Makayyioohit Yeesu haccamattoothĩk gẽrrẽẽt.

Dtiicanĩ cĩg ꞌThooyyiahu 8:12

Ma nĩngaata, iita elemit eeta Pilippo, hĩnĩngĩtĩ alliman nẽẽ nyeemuut ꞌcĩ abũnnaa cĩ habuccieet cĩ Nyekuci, hĩ ꞌthaar cĩg Yeesu Krĩstõ. Ma ho, iita aggamit nẽẽg vẽlẽk baattithimo eetinii ꞌcĩg maacĩg ngaaĩnĩ noho.

Dtiicanĩ cĩg ꞌThooyyiahu 8:25

Ma urutaa ꞌcĩ illimattẽẽhĩ Pẽẽtũrũ hĩ Yõaannẽ eet nyeemuut ꞌcĩ abũnnaa cĩ Makayyioohit Yeesu ꞌtaaũna ĩĩca ẽlẽk, baa nẽẽ illimanit eet olooyyiohĩĩ ꞌcĩg mẽẽlĩg ĩĩcĩg Thamaria vẽlẽk nẽ oboddioothĩ ꞌJeruꞌthalẽma.

Ebereei 4:13

Aitiõõ ꞌgii baa ẽhẽnyta Nyekuci hõllõngaa occa aguꞌthi hẽbẽrẽẽnnĩĩ cĩgĩnnĩg, acĩn nẽẽ ꞌgii vẽlẽk cũrũmũũm, hĩnĩngĩtĩ haduhaak hatĩ naag ĩnõõnnõ thõõth ꞌcĩ ĩĩn dĩdĩ ꞌcĩ baa hidticanit naaga.